استفتاء حول تغيير مواعيد دراسة الماجستير التربوي لطالبات جدة

[معلمة مكه]

الى الاستاذ عماد الحسن والى الاستاذ فيصل البلادي نشكر لكم جهودكم الطيبه في هذا المنتدى واعانكم الله على هذه المسؤولية ، ونرجو منكم إيصال اصواتنا الى المسؤولين ..

فنحن طالبات جامعة الملك عبدالعزيز قسم تقنيات التعليم نطالب بتقليص ايام الدراسة الى يومين بدلاً من اربعة ايام أسوة بالطلاب ،، وان تبدا المحاضرات في وقت مناسب لتمكين الموظفات من الحضور .. ونطالب بالمرونه اكثر في الجدول،
وماهو المانع من ان تكون هناك محاضرات مشتركه للطلاب والطالبات ويقوم الدكتور بتدريس المادة عن طريق شبكة التلفزيون وهو شي طبيعي في كل الجامعات وبهذه الطريقه تكون الجامعة قد سهلت علينا كثيرا خصوصا ان جدول الطلاب يناسب الموظفات ..

علماً بأن محاولات تغيير الجدول الدراسي لطالبات جدة بدأت السنة الماضية ولكن لم يتغير الجدول واستمرت معاناة كثير من الطالبات في صعوبة الحضور للجامعة في الوقت المناسب لمدة أربعة أيام.

أتمنى من جميع الأخوات في ماجستير (تقنيات التعليم-الإدارة التربوية-الإرشاد والتوجيه) التفاعل مع هذا الموضوع وعرض ما لديكم من أفكار واقتراحات ...ولكم مني خالص الشكر والتقدير ..

[عماد الحسن]

السلام عليكم ورحمة الله ونرحب بالأخت الكريمة في هذا الموضوع المهم لغالبية طالبات الماجستير التربوي، وقد قامت زميلاتكم في العام الماضي بعمل عدد من الخطوات القوية بهدف تغيير الجدول الدراسي لهم وكنت من المشاركين في هذه الخطوات بحمد الله وسط تجاوب المسئولين جزاهم الله خيراً ولكن في النهاية بقي الوضع كما كان.

الذي يمكن أن يقرر التغيير هم الطالبات أنفسهم بالترابط والتعاون والاتفاق على جدول موحد، وهذا الأمر يمكن الحكم عليه في أول أسبوع بعد لقائكم واجتماعكم بحيث تتفق الطالبات على جدول معين وتناقشوا فيه المسئولات ثم عمادة الدراسات العليا... علماً بأن جدولكم القادم هو من يوم السبت لحد الثلاثاء من 1-4 فقط ، أما دوام الصبح فهو فترة مؤقتة فقط ولا يحسب عليها، وفي شوال القادم بحول الله تشاهدوا جدولكم الجديد.

[وجه السعد 2]

صباح الخير
اولا اابارك لك القبول وان شاء الله نتقابل على خير
ثانيا انا لاحظت الجدول 3 ايام سبت - أحد وثلاثاء ؟؟ يعني مو اربعة !
طيب لو انضغط الجدول الى يومين من كم الى كم الوقت ؟
وشي ثاني 3 الظهر مو متأخر شوي يعني متى نطلع من الجامعة ؟
يا ليت نتناقش ونتفق قبل ما نطالب لأنه كلا بظروفه ولا ايش رايكم ؟

[ساندراا]

صبااح الخير ..
معلمة مكة لاداعي للقلق من الآن بخصوص الجدول ..
مع بداية الدراسة إن شاءالله نجمع آراء الطالبات بخصوص الجدول ..
ونعد الخطاب ونوضح فيه أهم مرئياتنا مع الإقتراحات والحلول ونرفق أسمائنا مع التوقيع ..
ونحاول اقناع الدكتورة المسؤوله عن البرامج التربوية ونرفق الخطاب لعمادة الدراسات العليا ..
اتوقع الرفض من جهة ( النساء) أقصى موعد للمحاضرات هو قبل العصر ..
أما بالنسبة لإقتراحك بحيث يكون هناك شبكة مع الطلاب قد توافق عليه بعض الطالبات
,والبعض الآخر يرفض (ان شاءالله الكل يوافق ) ..
اعتقد الرفض يأتي من قبل الدكتور نفسه ..
نحاول ان نطرق جميع الطرق للوصول لمبتغانا ..
بالرغم من أن الدفعات السابقة قد باءت محاولاتهم بالفشل ..

[Brainiac]

هلا بك أختي معلمة مكة... ومبروك قبولك مرة ثانية.

أغلب المقبولين معترضين على الجداول من الان... ومن جميع التخصصات.... والمشكلة مهما كانت المطالبات ، لازم كل الطالبات يوافقن على التغيير... والمشكلة الاكبر ان العضوات المقبولات يمثلون 30% ( في أحسن الاحوال) من مجموع الطالبات المقبولات.

عشان كذا أنا اقترح انك تنتظري الى بداية الدراسة....وتناقشي الافكار والاقتراحات مع كل الطالبات قبل عرضها على الدكاترة...عشان لا تصير مشاكل من البداية لا سمح الله.

لذا.. مهما كانت الاقتراحات والافكار لتغيير المواعيد، لو شفتي ان فيه اعتراض من الطالبات على كل فكرة تنطرح، خلي الوضع "زي ماهو عليه".......... لان لو صار فيها شد ونقاش، راح تخسري علاقتك بنص الطالبات من أول اسبوع.

أنا بصراحة ناوي اقترح تغيير بالمواعيد... بس ما اقدر اسوي شي الا مع بداية الدراسة... لان عدد الاعضاء المقبولين في ماجستير ادارة الاعمال التنفيذي-جده ما يتجاوزون 10 اعضاء.... من أصل 60!!!


بالتوفيق أختي... ومبروك قبولك مرة ثانية... وان شاء الله تنضم أختك لك.

[MoOoN Flower...*]

لاكثير مرة يبدا الساعة تلاته يعني ممكن الساعة 2 معقول شوي ويومين مرة ضغط يعني 6 ساعات في اليووم كتيررر ممكن نخليهم ثلاث ايام ومن الساعة 2 الى الساعة 6 لاتحطو الجدول كدا بدون ماتاخذو راي الدفعة كلها

[معلمة مكه]

المشاركة الأصلية كتبت بواسطة وجه السعد 2 صباح الخير اولا اابارك لك القبول وان شاء الله نتقابل على خير ثانيا انا لاحظت الجدول 3 ايام سبت - أحد وثلاثاء ؟؟ يعني مو اربعة ! طيب لو انضغط الجدول الى يومين من كم الى كم الوقت ؟ وشي ثاني 3 الظهر مو متأخر شوي يعني متى نطلع من الجامعة ؟ يا ليت نتناقش ونتفق قبل ما نطالب لأنه كلا بظروفه ولا ايش رايكم ؟

الله يبارك فيك ومبروك عليك انتي كمان وربي يجمعنا على طاعة انشاالله وانا مشتاقه لمقاعد الدراسه .
انا معاك اجمل شي الاتفاق ، وانا وحطيت هذا الموضوع علشان الكل يعطي رأية ولكن انا طالبت بتقليص الايام لما قرأته من ردود بعض الاخوات ولا عيب من المحاوره والمناقشة وانشاالله راح نتوصل الى حل يرضي جميع الاطراف .

[معلمة مكه]

المشاركة الأصلية كتبت بواسطة ساندراا صبااح الخير .. معلمة مكة لاداعي للقلق من الآن بخصوص الجدول .. مع بداية الدراسة إن شاءالله نجمع آراء الطالبات بخصوص الجدول .. ونعد الخطاب ونوضح فيه أهم مرئياتنا مع الإقتراحات والحلول ونرفق أسمائنا مع التوقيع .. ونحاول اقناع الدكتورة المسؤوله عن البرامج التربوية ونرفق الخطاب لعمادة الدراسات العليا .. اتوقع الرفض من جهة ( النساء) أقصى موعد للمحاضرات هو قبل العصر .. أما بالنسبة لإقتراحك بحيث يكون هناك شبكة مع الطلاب قد توافق عليه بعض الطالبات ,والبعض الآخر يرفض (ان شاءالله الكل يوافق ) .. اعتقد الرفض يأتي من قبل الدكتور نفسه .. نحاول ان نطرق جميع الطرق للوصول لمبتغانا .. بالرغم من أن الدفعات السابقة قد باءت محاولاتهم بالفشل ..

انشاالله ربي يسهل علينا وتتيسر الامور ..
واشكرك على التوضيح وربي يجمعنا انشاالله على خير .

[معلمة مكه]

المشاركة الأصلية كتبت بواسطة brainiac هلا بك أختي معلمة مكة... ومبروك قبولك مرة ثانية. أغلب المقبولين معترضين على الجداول من الان... ومن جميع التخصصات.... والمشكلة مهما كانت المطالبات ، لازم كل الطالبات يوافقن على التغيير... والمشكلة الاكبر ان العضوات المقبولات يمثلون 30% ( في أحسن الاحوال) من مجموع الطالبات المقبولات. عشان كذا أنا اقترح انك تنتظري الى بداية الدراسة....وتناقشي الافكار والاقتراحات مع كل الطالبات قبل عرضها على الدكاترة...عشان لا تصير مشاكل من البداية لا سمح الله. لذا.. مهما كانت الاقتراحات والافكار لتغيير المواعيد، لو شفتي ان فيه اعتراض من الطالبات على كل فكرة تنطرح، خلي الوضع "زي ماهو عليه".......... لان لو صار فيها شد ونقاش، راح تخسري علاقتك بنص الطالبات من أول اسبوع. أنا بصراحة ناوي اقترح تغيير بالمواعيد... بس ما اقدر اسوي شي الا مع بداية الدراسة... لان عدد الاعضاء المقبولين في ماجستير ادارة الاعمال التنفيذي-جده ما يتجاوزون 10 اعضاء.... من أصل 60!!! بالتوفيق أختي... ومبروك قبولك مرة ثانية... وان شاء الله تنضم أختك لك.

الله يبارك فيك ومبروك عليك القبول وبالتوفيق .

كلامك صحيح واشكر لك هذه النصحيه ، بس انا مو لهذه الدرجه متعصبه ومتمسكة برأيي لدرجة اني اخسر صديقات لي بسبب جدول ، اهم شي عندي اننا نتفق ونتوصل الى حل يرضي جميع الاطراف ..
وجزاك الله خير وربي يبارك فيك ويسهل عليك مشوار الدراسه .

[معلمة مكه]

المشاركة الأصلية كتبت بواسطة mooon flower...* لاكثير مرة يبدا الساعة تلاته يعني ممكن الساعة 2 معقول شوي ويومين مرة ضغط يعني 6 ساعات في اليووم كتيررر ممكن نخليهم ثلاث ايام ومن الساعة 2 الى الساعة 6 لاتحطو الجدول كدا بدون ماتاخذو راي الدفعة كلها

لسا ياعزيزتي الجدول ماانحط لا تخافي ههههههههههههه هذا مجرد رأي وكل وحده تدخل وتحط رأيها .