مــلاهــي الشــلال بجــدة ..

[لقيت روحي]

شلال جدة ..

..!!
كُلها مسميات لذاتِ المكان !
- منتزة الشلال الترفيهي في جدة -






و حطوا ع كلمة "ترفيهي" ألف خط

:
:

أبغى اتكلم عادي ..
و بصراحه يعني
أنا بنت في جدة .. و زي اي بنت .. تروح الشلال يوم الثلاثاء !
طبعا مو كل ثلاثاء .. و لا هوّ حباً في المكان
بس عشان صاحباتي يتجمعوا هناك
و عشان الأهل " المسااااكين "
يحسبوه مكان " مؤدب "
و مناسب للبنات
بما أنه " يوم نسائي "
:
:

أووكي نبدأ من البداية
يوم أمس أول يوم اجازة
كل البنات راحوا الشلال
زحمممة مو طبيعية و لا الحج !
ما في تنظيم الحريم و البنات فوق بعض يشتروا تذاكر
فاهمين ايش يعني فوق بعض ؟
يعني لو وحدة طاحت يدعسون عليها و يكملون !!
و أنواع السب و الكلام الوسخ تسمعه !
و رجال الأمن و السيكيوريتي " أطال الله في عمرهم "
ما يسوا شي
بس يطاااالعوا في الحريم
و فيهم نظره شماااته
و لا يكلفوا على عمرهم يرتبوا الحريم في طوابير
و لا يسووا أي اجراء مثلا : ما في احد يدخل الا بنظام
ماااااااااافييي !!!
" احنا في جدة و في الشلال تبغي تدخلي دفي و اتزاحمي و أدخلي "
بعد ما تدخلي تحسبي اللي برا ناس ما عندها أخلاق ..
تلقي الناس اللي جوا
ما يشبهوا المسلمين !!!
و لا كإنا في بلد مسلم !
معليش شباب أنا مو متعصبه دينياً
أو مره ملتزمه
بس حقيقي حريم مو لابسين شي
من زين الأجسام عاد خخخخ
المووهم .. يمكن كل واحد حر بلبسه !
بس في لبس يكون " أووووفر "
يعني يكون الكرشه كبر راسها و مبينتها
و غيرها كثيييرررر
نجي " للشذوذ "
.. !!
و البويات
اللي أغلب الشلال منهم !
أول شي اداره الشلال فاتحين " زي البار "
مسمينه " صالة بولنغ "
محد يدخله عشان البولنغ

و الدخان و السجاير اللي ما تنطفي
و الشاطره اللي تدخن أكترر
اللي يحزن يكونو أطفاااال " متوسط "
و يدخوا
و يرقصو
و بويات !!
لا تحسبوا اني أضخم الموضوع ..
طبعا غير المعسلات اللي مسموحه لأي احد
بأي عمر
و بأي كميه !!
غير الأكل اللي أكيد مو نظيف لأن اللي يشتغلوا ما يقدروا يلحقوا ع الكل
يشتغلوا بوسااااااااااااااااااخه
بمكان وسخخخخخخ
و البنات يآآكلو أهم شي يعبوا البطن !!
طبعا طبعا غير الغلاء اللي عينك عينك
يعني آيس كريم بـ 20 ريال
عصير بـ 10
تطلب وجبه بـ 20 تجيك وجبه حقت 10 ريال
و ما تقدر تفك فمك
يسبوك !!
ما في شي اسمه حقي ضاع !
حقك ضاع روح بيت أهلك !!
مو عاجبك ؟
لا تجي !!
طيب دا كله في كل ثلاثاء
الحين الجديد فوق قله الأدب اللي هناك
و فوق الوساخه
فتحوا مكان " دي جي "
عشان البنات يآآخدوو راااحتهم بالقوووووووه

مره مآخديين راحتهم
و مره يعني صاروا شي مو غريب

:
:
طبعا ما اشوف سيككيوريتي هناك !
و سمعت عن حكاية المخدرات اللي مسكوها مع بنات هناك !
و ما استبعد الشي دا و الله !!
و ما حتكلم عن الايمو EMo اللي خلاص مره صارو ملياانين
و اللي يتشبهوا بعبدة الشيطان
اللي كل وجههم و جسمهم مخرّق و فيه حلقان
اللي يلبسو أسود و سلاسل جماجم مره كتير
صاروا كتير في الشلال !!
و التشبهم فيهم يعتبروه " فــلـّــة"
ويقولك كووووووووول


:
أنا مو ضد الشلال !
بس حقيقي المكان لو ربي (......) حلااااال فيهم !!

بس حرام و الله الأطفال اللي يروحو كدا يصيروا و البنات اللي يشوفوهم يصيروا قدوتهم

و يقلدوهم !!
حقيقي حرام !!
بليز شباب انتبهوا ... المكان حقيقي يخوّف و حقيقي مُستفِزّ !!!
:


و سلامتكم !!

منقول من ايميلي للــفائدة

[northstar]

روحي عدلي الموضوع

واحذفي بعض الجمل

تحياتي

[المسلم العربي]

أعوذ بالله..
صدقت الأخت نورث.. توجد كلمات خادشة للحياء.. بل مدمرة!!
بدل عمل الدعاية للمنحرفين.. بإمكانكم التوجه لأقسام الهيئة أو للأمارة أبوابهم مفتوحة للجميع

[Tomy]

الكلاآآم هذآآ المفروض يرفع للأمآآآرة
و يـتـم إتـخـذ قـرآآآر فـي ذلـك
-----------------
الله يحمي بلاآآآد الحرمين من
هآآآذه الـفـئـة الـدخـيـلـة
على وطننآآآآآآآآآآ

[northstar]

اصلا تم ايقاف الشلال

كم شهر بالغاء يوم النساء
مدري اذا رجع يفتحو يوم الثلوث للبنات
واصلا ادراة المنتزه نفسه اشتكت

الي قراته في جريدة الوطن

[Ali The Humble]

بعض الكلمات ما توقعت اني اقرأها بلغة عربية ...لهذه الدرجة وصل الفساد .

ما اقول الا الله يخسف المنتزه على من تحته .

[لقيت روحي]

تــم التعديل ..

ولكن ستظل هذه الفئة موجــودة ..

حتى يتم وضع حد لها ..

[~Aspirant~]

الحمد لله ماقد رحت

صدقت امي يوم قآآلت لا

[احساس فنانه]

لاحول ولاقوة الابالله

تصدقو ماقيد رحت الشلال غير مره وحده في حياتي وماعجني والحمد الله ماقيد رحت بعد كذا

عن جد شئ مايشرف انو نروح له

[DR.K]

كلامك صح ميه بالميه

بس الغلط من الاهل

وين الاخت عن اختها

والام عن بنتها

ما اقول تمنها ولا تحرمها من الطلعه

بس توعيها وتكون قريبة منها




يارب تعافينا مما ابتليت به كثيرا من خلقك