الحذف والاضافة

[daloly]

نزلي جدول مو زي اللي كتبتو مع المرشدة
وخانة الحذف والاضافة مو نازلة عندي؟؟!!

[Roa'a]

اصلا لو ايش ماسووا ماعمرو راح ينزل ما كتبتي مع المرشده
فانا من بدري اصلا ريحت نفسي ومارحت للمرشده وجزاهم الله خير نزلولي مادتين بالعدد

اما خانة الحذف والاضافه فتحت دحين
شوفيها اكيد طلعت =)

[لاتين]

انا برضوو مو زي جدول المرشدة <<<نقدر نقول العكس تماااااما

والمصيبة تنكت الاخت تقولك لو ما حطيتي نفس الجدول اللي انا عملتلك ياه راح اغير من عندي

بالله نكته قويية <<<انتو اول نزلو المواد اللي ابغاها وافتحولنا شعب بدل الفلسفة وبعدين نتفاهم

[dodia]

الجداول اللي تعملوها مع المرشده ماتنزلك نفسها عالاوديس

تعملوها عشان تعرفي مبدئيا اش المواد اللي لازم تاخذيها الترم الجاي والأوقات المتاحه لها

ولما يفتح الحذف والاضافة يصير تشوفي المواد اللي لازم تاخذينها نزلت لك كلها ولا لأ
وعلى اساس كذا تعدلي جدولك

ونصيحه.. امشوا ع حسب المواد اللي في مستواكم في الخطه لا تاخدوا مواد من مستويات مختلفه عشان ماتتلخبطوا باقي الاترام وتتأخروا بالتخرج

بالتوفيق

[Roa'a]

يابنتي اشبك كنت مصدقه اصلا انو حينزل نفسو
لو نزل نفسو دي من المعجزات بصراحه
كأنو بنسوي شي لما بنروح ونتعب نفسنا ونسوي جدول
وربي كلو كلام فاضي بصراحه
الاحسن طنشي وخلاص

[ساكنه في بيتنا]

من متى بالله نعمل جدول و ينزل نفسه ؟؟!!!!

بالنسبه ليا احس المرشده مالها داعي الا اذا كنت حايسه في ماده مو عارفه صعبه ولا سهله ولا عندي مواد اختياريه وما اقدر اضيفها الا من عندها << كل دا ومالها اهميه ..

جدولك اعمليه في بيتك و امشي على الخطه تبعتك ..

لو مانزلت المواد اللي تبغيها روحي عند المرشده و نزليها ..

الله يعينكم على حوسه الجدوال ياااااااااااااااااااااااااارب

الحمد لله ربنا فكيني منها ..

الله ييسر اموركم ..

[saja]

اساسا الاستاذة حقتنا قالتلنا الجداول حتنزل عادي الكتروني وانتي تزبطيها حسب ماسويتي في الجدول الي مع المرشدة وبس ومرة المواد مهي راضية تنفتح الشعب حقها مني عارفة

[daloly]

عن جد
كل المواد اللي نزلتها حذفتها..
بس بقي مادة شعبها فل!!

ما ادري اذا كلمتها ممكن تضيفها؟؟
لأنو في شعبة اقصى عدد فيها 40
وقبلوا فيها41!!!

غريبة...بس مو فجامعتنا