..// سالت نفسي هم يبوني صدق؟ ولا مايبوني؟ // ..

[tota7]

قصيــدهـ لآمير المشــآعر ..
الشــآعر/ حـآمد زيــد ..
كم أنت مبدع تكتب بحبر إحسـآسنـآ..
تأتي بقصــآئدك وكأنك تقرأ دوآخلنا ..
دآئمـــآ ..
وأنت على الجرآح

أتمنى ان تروق لكم
........................

ياصدمتي في اكثر احبابي وياخيبة ظنوني
ياضيق صدري لاذكرت اني عليهم [ماكذبت]
ياطعنة خلتني انسى من سبايبها طعوني
ياجرح ماله طب حتى لواقول اليوم طبت
البارحه والله يكون بعون احاسيسي "وعوني"
احاول اهرب من عمايلهم ولكن ماهربت
ماكنت احس اني انا (انا) وهذا الكون كوني
امر في حالة ضياع .. وشبه غيبوبه .. وكبت
احباب؟ اي احباب ذول اللي على موتي خذوني
الظاهر اني شبت ياعالم .. وانامابعد شبت
سالت نفسي هم يبوني صدق؟ ولا مايبوني؟؟
اجبت نفسي وليتني على سؤالي مااجبت
اللي لهم مده وهم في داخلي [واستغفلوني]
ياما استغلو طيبتي معهم وكل اللي وهبت
وهبتهم قلبي .. وعمري .. وكل ماحولي ودوني
تعبت معهم بس ماكني رغم هذا تعبت
شعرت فعلا بالعذاب وغصة الدمع بعيوني
قربتهم مني وانا اللي كنت احسبني قربت
عشانهم قررت ابيع اللي من العالم شروني
عشانهم بطلت لعب .. وليتني والله لعبت
مادامهم ماقدروا صدقي ومعهم جرجروني
لوادري اخرتها كذا من اول الدرب [انسحبت]
احبابهم واااجد !!
ولا ادري ليه بالذات اخدعوني؟
مع ان عمري ماخدعت انسان اوحتى قلبت !
ياقوها صدمه وانا لون الغدر ماهوب لوني
وربي ماانلام لوبعد اللي سووه [غبت]
ماكنت ناقص صدمه اخرى في حياتي واصدموني
مصدوم خلقه لين مات الحب فيني وانعطبت
[الحين مدري كيف اعاملهم وهم ماقدروني؟]
مااستوعبوا اللي كتبت من الجروح وماكتبت
الله يجازيهم على استنزافي وحرقة جفوني
ماكنت حاسبهم يبيعون الغلا يومي حسبت
اثر الغلط مني لاني كنت معطيهم جنوني
لكني اعلنها صريحه تبت والله ثم تبت
معاد لي رغبه اجدد في علاقتهم طعوني
خسرت في هذا الطريق اضعاف ضعف اللي كسبت
احسن لي ابعد واشتري نفسي ولا خيبة ظنوني
ان طبت من جرحي .. والاجعلني مايوم طبت

دمتم في حفظ الله ورعايته