طرق تدريس 1 الكل يدخل

[قطرة ندا]

مرحبتين صبايا

يوم الاحد ماحضرت المحاضرة الساعة 11الاستاذة المصرية اعطتكوا نشاط بليز احد يشرحلي النشاط ؟؟؟ وفين مكتب الاستاذة والساعات المكتبية ..

[εïз shosho εïз]

أنا أخدت المادة من زمان ..
بس لو قصدك د. أماني مكتبها في الدور الثالث مبنى 43 غرفة 230
يارب ما أكون غلطانه في رقم الغرفة على العموم هي قبل مكتب استاذة رذاذ بكم غرفة

[A7la remo]

شوشو حبيبتي بسألك كيف استاذة اماني ..؟
يعني كيف اسلوب اسئلتها حلوة والا صعبة ومن فين تجيبها ،، لانه طلبتنا ٤ كتب ومرررة كثير بعدين قالت اللي تبغى عرض البوربوينت اللي اشرح منه تجيب الفلاش وتنسخه ويكفي تذاكر منه بس
ابغى اعرف اسئلتها من فين تجيبها بالضبط
ومشكورة ياقلبي تعبناك معانا

[εïз shosho εïз]

المشاركة الأصلية كتبت بواسطة a7la remo شوشو حبيبتي بسألك كيف استاذة اماني ..؟ يعني كيف اسلوب اسئلتها حلوة والا صعبة ومن فين تجيبها ،، لانه طلبتنا ٤ كتب ومرررة كثير بعدين قالت اللي تبغى عرض البوربوينت اللي اشرح منه تجيب الفلاش وتنسخه ويكفي تذاكر منه بس ابغى اعرف اسئلتها من فين تجيبها بالضبط ومشكورة ياقلبي تعبناك معانا

والله ما أعرف د.أماني جديدة أول سنة تدرس في جامعة الملك عبد العزيز ..
بس هي قالت أسئلتها موضوعية وسهلة إن شاء الله ..
وبالنسبة للكتب راجعي مخطط المقرر لأنه أحيانا في كتب ماتحتاجي منها غير كم صفحة صوريها بس والباقي اشتريه عشان تستفيدي منه مستقبلا إن شاء الله لما تشتغلي و كمان في مواد تحتاجي فيها نفس الكتاب بس فصول مختلفة طبعا ..
بالتوفيق : )
وتعبكم رآآاحة

[قطرة ندا]

المشاركة الأصلية كتبت بواسطة εïз shosho εïз أنا أخدت المادة من زمان .. بس لو قصدك د. أماني مكتبها في الدور الثالث مبنى 43 غرفة 230 يارب ما أكون غلطانه في رقم الغرفة على العموم هي قبل مكتب استاذة رذاذ بكم غرفة

الله يعطيكي العافية

[εïз shosho εïз]

الله يعافيك : )

[نسمات]

المشاركة الأصلية كتبت بواسطة a7la remo شوشو حبيبتي بسألك كيف استاذة اماني ..؟ يعني كيف اسلوب اسئلتها حلوة والا صعبة ومن فين تجيبها ،، لانه طلبتنا ٤ كتب ومرررة كثير بعدين قالت اللي تبغى عرض البوربوينت اللي اشرح منه تجيب الفلاش وتنسخه ويكفي تذاكر منه بس ابغى اعرف اسئلتها من فين تجيبها بالضبط ومشكورة ياقلبي تعبناك معانا

اهلين ريمو
لاتشيلي هم استاذه اماني قالت انو راح تعمل ملزمه نذاكر منها
ومانحتاج للكتب وراح تحطها بالمكتبه على ماتقول احنا بناتها وتحبنا
ربي يسعدها

[A7la remo]

من جد نسمات !!!
الله يبشرك بالخير ياشيخة ويوفقك يارب على الخبر الحلو
من جد كنت شايلة همها مرررة حاسه الكتب كثيرة بس اذا كذا قالت مرة شي حلووو :)
الله يسعدك ياقلبي ومشكورة عالخبر الحلو زيك :)