هندسة للبنات :)

[Mirinoxd]

السلام عليكم ورحمة الله وبركاته

حابه اسأل بالنسبة لهندسة البنات
الي اعرفو هندسة كهربائية وصناعيه
لكن في ناس يقولو انو ماندرس كهربائية ندرس بس حاسبات صح دا الكلام ولالا ؟!
+ هندسة طبية راح تنفتح للبنات؟!
اعرف بنات ف التحضيري يبو يدخلو هندسة طبية بس انا مستغربة لانو مو موجود!
ب سمعت انو حيفتحو اقسام جديدة ف هندسة البنات ومنها دا القسم, منجد؟
فين بنات الهندسة ما يشاركو ولا يكتبو تجاربهم :(

أيوا واخر سؤال, اذا انقبلت ف كلية الهندسة حدرس اول سنه عامة بعدين اختار التخصص صح؟

[لهيب الزهور]

وأنا مثلك حبيبتي

أتمنى اني اعرف أكثر عن هذا التخصص من البنات

يعني أنا محتارة بأكثر من تخصص واتمنى أعرف عنها اكثر عشان نقدر نختار

وللأسف فيه دفعتين قبلنا ولكن ولا وحدة كتبت لنا طبيعة التخصص وما إلى ذلك




اتمنى انه فيه أحد يتجاوب مع أسئلتنا

[MahaB]

أول حاجه معليش أنوا مابنرد على اسألتكم بس مانخش المنتدى كتير ،، على العموم أيوه بتدرسي سنه عامه في البدايه تشوفي طبيعيه مواد كل تخصص عشان تقرري أيش تبغي تتخصصي ،، بالنسبه للتخصص حالياً بس موجود هندسه صناعيه وهندسه كهربائيه ( حاسبات ) يعني دامجين الهندسه الكهربائيه مع هندسه الحاسبات ،، وقالوا أن شاء الله حيفتحوا قريب تخصص تاني في الهندسه الكهربائيه وقالولنا نختار ايش نبغا ومن ضمن الخيارات كان هندسه طبيه ،، وإذا عندكم أي أستفسار تاني أنا موجوده

[hema.s]

المشاركة الأصلية كتبت بواسطة mahab أول حاجه معليش أنوا مابنرد على اسألتكم بس مانخش المنتدى كتير ،، على العموم أيوه بتدرسي سنه عامه في البدايه تشوفي طبيعيه مواد كل تخصص عشان تقرري أيش تبغي تتخصصي ،، بالنسبه للتخصص حالياً بس موجود هندسه صناعيه وهندسه كهربائيه ( حاسبات ) يعني دامجين الهندسه الكهربائيه مع هندسه الحاسبات ،، وقالوا أن شاء الله حيفتحوا قريب تخصص تاني في الهندسه الكهربائيه وقالولنا نختار ايش نبغا ومن ضمن الخيارات كان هندسه طبيه ،، وإذا عندكم أي أستفسار تاني أنا موجوده

يعني بيفتحون قسم هندسة طبية ؟؟؟

[ام لينااا]

السلام عليكم
بنتي تبغى تدخل تخصص هندسه ودحين بتدرس اول ترم تعليم عن بعد كيف ممكن تتخصص بالهندسه يعني هيا حاليا بتدرس سنه تحضيريه اداري هل ممكن تخلص وتجيب معدل عالي وتدخل انتظام سنه تحضيريه مسار علمي
وشكرا ع فتح الموضوع

[AssmaH]

المشاركة الأصلية كتبت بواسطة ام لينااا السلام عليكم بنتي تبغى تدخل تخصص هندسه ودحين بتدرس اول ترم تعليم عن بعد كيف ممكن تتخصص بالهندسه يعني هيا حاليا بتدرس سنه تحضيريه اداري هل ممكن تخلص وتجيب معدل عالي وتدخل انتظام سنه تحضيريه مسار علمي وشكرا ع فتح الموضوع

اعتقد الهندسة للبنات فقط انتظام وعلمي
وان شاء الله على اجازة بين الترمين او الترم الثاني نعمل موضوع نرد عن جميع الاستفسارات