ضروري محتاجه كتاب مقدمه في علوم الحياه نظري وراح ادفع لها

[منايا لقاك ربي]

السلام عليكم ورحمه الله وبركاته

اخواتي واخواني

انا من مكه ومحتاجه كتاب مقدمه في علوم الحياه الجزء الاول والثاني نظري

والله تعبت ادوره مكه مررررره مو فيها وجده رحت مكتبه جرير مو فيها

اي احد يقدر يجيبه لي راح ادفع له السعر حتى لو مستخدم

بس ماتكون من الطبعات القديمه من الطبعه الثالثه وفوق

وكمان كتاب الاحياء الدقيقه ميكروبيولجي الدكتوره رقيه قشقري

وجزاكم ربي خير الجزاء

[reem al-omari]

الظاهر حضرتك ناويه ماستر لأنو هاذي مراجع الماستر

أنا عندي كل الكتب هذي و الطبعات الجديدة وما أبغى مقابل مجرد تدعيلي :) و بس تخلصي منها ترجعيها لأنو في الماستر لازم دايمن تكون معاكي مراجعك الأصل و نحتاج نرجعلها من وقت للثاني في الأساسيات

و أي مراجع ثانية تبغيها للأمتحان مستعدة أعطيكي ياها و اذا محتاجة أسئلة امتحان العام ميكروبيولوجي كمان كتبتها تقريبا كتبت 40 فقرة من أصل 60 جاتنا في الأمتحان

اذا تخصصك مو ميكرو ممكن اسأل البنات إللي أنقبلو معانا عن الأسئلة إللي جاتهم

و أي خدمة حاضرين

كل إللي أبغاه تدعيلي مو أكثر

[{halah..]

ريم لو سمحتي نزلي اسئلة الاختبارات اللي كاتباها هنا ادا تقدري يعني

[reem al-omari]

المشاركة الأصلية كتبت بواسطة {halah.. ريم لو سمحتي نزلي اسئلة الاختبارات اللي كاتباها هنا ادا تقدري يعني

أن شاء الله ناوية أعمل موضوع كامل عن امتحان المفاضلة للماستر تخصص ميكروبيولوجي و كل إللي يخص الماستر و رح أنزلو في ملتقى الدراسات العُليا و الخريجين

رح ينزل أن شاء الله في أجازة بين الفصلين يعني شهر 3 و رح يكون عندك بعد ما أنزلها شهرين تقريباً قبل الأمتحان عشان تذاكري

لأنو حالياً مع دوامي في الماستر و دروس التوفل إللي بعملها في ملتقى الدراسات العُليا ما عندي وقت أبداً أنزلها

[{halah..]

الله يعطيكي العافيه

مرا حلو لو حتتكلمي عن الماستر وكدا اتوقع مرا حيكون موضوع مفيد

والله استنى موضوعك بفارغ الصبر

[منايا لقاك ربي]

يسعدك ربي ياريم

والله ارجعها وامانه في رقبتي لو مارجعتها حتى لو اصورها

خلاص انا الجزء الثاني اشتريت لقيت بعد معانا بس الثانيه مالقيتها

كيف اقدر اخذها