شبــاب الخبرة .. Meng102 الرسم الهندسي

[نجران]

بسم الله الرحمن الرحيم

أبـغى الشباب الي أخذوا هذي المادة الرسم الهندسي " meng102 " .. ابغى يحكي لي بالتفصيل عن نفسياته فيها ، كم حصل عل درجات ، ايش ينصحنا ، أي أسهل الرسم اليدوي أو الحاسب ، طريقة الإختبارات ، نصائح المذاكرة ، أي شي يقول ..

والله يجزاه خير ويوفقه دنيا وأخره ..

[صقرر]

المادة بصراحة حلوة بس متعبة شوي

واجباتها كثيرة خصوصا اليدوي

راح تلاقي انه الكمبيوتر اسهل من اليدوي خصوصا في الاختبارات

الاختبارات في اليدوي بصراحة صعبة خصوصا النهائي يجيك شي غريب عجيب

الكوزات متوسطة يعني يديك تحل بس ما تقدر تحل كل شي يعني تحل الرسمة 100 % الا اذا كنت تعشق الرسم وتحبه او متابع مع الدكتور اول بول وتحل معاه يوميا وفي البيت

انا من وجهة نظري الكمبيوتر اسهل من اليدوي ونصيحتي لك حاول تحل كم رسمة في البيت عشان تتعود يدك على الرسم المزبوط

[عبادي 0]

والله انا الترم هذا بأخذ المادة



الله يعين بس

والله مسوية قلق شوية لاني ما احب الرسم

[نجران]

يعطيكم العافية اثنيكم .. والله اشوف أنها مادة باخذ عليهــا " f" لكن ربكـ كريم وييسرها

طيب كيف طريقة تقسيم درجاتهــا ..؟

[E.M.A.B]

المشاركة الأصلية كتبت بواسطة نجران طيب كيف طريقة تقسيم درجاتهــا ..؟

60 يدوي(15كويزات و 15 على الرسمات سواء اللي في القاعة أو اللي تكون واجبات و 30 اختبار نهائي) 40 كمبيوتر (15 كويزات و 25 اختبار نهائي)

[مهندس الزعيم]

مادة سهلة انا حبيتها في البداية زي كثير من الطلاب وتحب تحل التمارين وكل الرسمات لكن بعدين يجيك الكويز رسمة من جد صعبة ماهي زي الرسمات اللي نتعلم عليها الكويز الاول هو اسهل شئ بس بعدين الكويز الثاني هوه اصعب شئ
تجيك رسمه تلف من اليمين واليسار ممنت قادر تحلها تقعد نص ساعه بس علشان تفكر كيف تبدأ الكويز الثالث متوسط
زي ما قلتلك اصعب شئ الايزومتريك وهو يجي في الكويز الثاني ......

النهائي برضو تجيك رسمات صعبة !!!!!
لكن حاول تتمرن كثير على الرسم وحاول ترسم رسمات صعبة ولا تغرك الرسمات السهله اللي تحلها في الفصل لان الكويزات والاختبار احذرك من الان تجيك رسمات مرره صعبة ومعقدة

بالنسبة للكومبيوتر هوه موسهل بس اسهل من اليدوي يبغالك وقتها تتمرن كثير على البرنامج ولا يغرك كلام الطلاب اللي يقولون سهل بعدين تتورط هوه سهل اذا حاولت تتمرن عليه ...
انا بالنسبة لي في اول كويز جبت اعلى درجة في الشعبة لكن الكويز اللي بعده الايزومتريك طحت والنهائي زيه لانه برضو في الاختبار لازم تكون مروق للاخر ولا تكون مرتبش ..
وبعدين جاء الكومبيوتر وانا مقفله معاي بسبب اليدوي وكمان ضيعتها في الكومبيوتر وفي الاخير نجحت بالعافية

[Baf]

مادة صعبه .. للي يكره الرسم ..

وصعب تجيب فيها A+
وصعب تجيب فيها A
وصعب تجيب فيها B+

وسهل تجيب فيها F ههههه :p

[البرق الاصفر]

مادة حلوة وصعبة وسهل عاد كيف يجون سوا مدري بس هذا اللي احسه

هي سهلة في فكرتها بس صعبة منهم هم في الكوايزات
زي مرة في اختبار كمبيوتر
ادوني رسمة مجسم
احاول اتخيله ما اقدر
بصراحة كان معقد بس الحمد لله عرفته ورسمته
لازم شبه يوميا ترسم في الجامعة او في البيت المهم ترسم هذه اذا ما تقدر على يوميا

وشيل الخوف من المادة
المادة ما تخوف بالعكس حلوة
بس طاقم التدريس فيها يزرعو الخوف في الواحد
زي لما جينا لقسم الكمبيوتر المصري ورانا مشاريع مصممة بالبرنامج وطلب من كل واحد يسوو تصميم مشروع طيارة مكيف غسالة اي حاجة طبعا مو بس شكل خارجي بل تسوي ادق التفاصيل من الداخل وقال اللي يبي يسوي مجموعة مو مشكلة
هذا الكلام كله واحنا لسه ما نعرف كيف نفتح البرنامج وطالبنا بالمشروع
وقتها الكل خاف
بس الحمد لله والمنة من ضيق الوقت حذفو المشروع

[colonel]

اذا كنت تقدر تتخيل الأشكال والأبعاد كيف حتكون فإنتا ميه الميه

فيه صعوبه بالآيزوميترك لكن مرن نفسك عليها تزبطها بإذن الله

اهم شي مثل ماقالوا الشباب تحل الهوم وورك وتحل الرسمات المطلوبه منك بالكلاس

هذا بالنسبه لليدوي

اللي بالكمبيوتر حيكون بسييييط جدا جدا تافه وحتحصد فيه درجات ان شاء الله عاليه

ولا تنسى الحضور مهم مرره لأن كل محاضره بتمارين ووتقييم يجيك المهندس يشوف ايش عملت

اذكر زمان كان فيه زي البروجيكت بالأخير شكل انت تختار ترسمه بالكمبيوتر وتقدمه

ماأدري هذا البروجيكت فيه والا لا

لكن ان كان فيه لا تضيعه سويه وكذا بإذن الله تنجح وتجيب الدرجات اللي تباها

[نجران]

ألف ألف ألف شكر لتعاونكم معي .. والله ماقصرتوا والله يجزاكم خير دنيا وآخره ويوفقكم فيما أنتم فيه ..
وإن شاء الله بأجتهد وأجيب جهدي والباقي على الله .. إن شاء الله أجيب 60 بس انجح ..