استفسار عن افضل قسم متاح للطالبات - رايكم في تربية خاصة للعباقرة - وقسم انظمة

[ولد حلال]

السلام عليكم ورحمة الله وبركاته

كيف حالكم جميعا.. ان شاء الله انكم بخير

انا زوجتي معاكم تحضيري اداري والان انا وهيا محتارين في اختيار التخصص

ابغا اعرف احسن تخصص من ناحية المستقبل ومن ناحية معدل القبول العالي

هيا اقترحت عليا قسم تربية خاصة للعباقرة

وقالت انه مستقبله حلو وله وظايف

ياليت اللي تعرف شي عن هذا التخصص او تخصص الانظمة لا تبخل علينا

وسلامتكم....

[البتول 2010]

شوف اذا انت عندك عادي انو زوجتك تاخذ تكاليف بمكاتب محامين ولا تدخل محكمة وتختلط برجال بشغلها خليها تدخل انظمة
اما تربية خاصة حلو اذا كان الشخص صبور وباله طويل وحنون لان ح تتعامل مع معاقين
والصراحة التخصصين لهم مستقبل ان شاء الله
وخليها تحضر الموتمرة اللي في يوم 25 عشان تاخذ فكرة اكثر عن التخصصات وفي اختبار ميول يعني ح تستفيد

[بيونه الغامدي]

انا اقول اذا زوجتك صبورة وقلبها قوي التربية الخاصة مرااااا حلوة وكمان الانظمة احلى واحلى اذا عادي عندك تختلط بالرجال ...
بالتوفيق لك ولها ولا تنسى تخليها تحضر المؤتمر تراا راح يفيدهاااا ,,,

[عالمي دونك صغير]

انا انظمه ومافي اختلاط ولا شي قسم ممتع وله مستقبل صح صعب بس حلو

[ولد حلال]

والله حيرتوني بخصوص قسم الانظمة اذا تقدر الوحدة تشتغل بمكان فيه اختلاط او لا

بس الظاهر انه الاخت عالمي دونك صغير ادرى لانه تخصصها

وبالنسبة للتربية الخاصة زوجتي ما تبغا معاقين تبغا عباقرة هل هذا المسار بالفعل موجود ولا لا

وشكرا لكم كلكم على اهتمامكم

[شناشن]

المشاركة الأصلية كتبت بواسطة ولد حلال والله حيرتوني بخصوص قسم الانظمة اذا تقدر الوحدة تشتغل بمكان فيه اختلاط او لا بس الظاهر انه الاخت عالمي دونك صغير ادرى لانه تخصصها وبالنسبة للتربية الخاصة زوجتي ما تبغا معاقين تبغا عباقرة هل هذا المسار بالفعل موجود ولا لا وشكرا لكم كلكم على اهتمامكم

في مسار اسمه تفوق وموهبه شكله هو اللى قصدهاا عليه

هذا مررره المسار بذات مطلوب وممكن تصير تشتغل في موهبه

وانا انصح زوجتك انهاا تدخله بس تتاكد انه موجود لاني انا قرات عن هذا المسار في البعث لانه من المسارات المطلوبه

[ولد حلال]

اخت شناشن بحثت عن هذا المسار فا اتضحلي انه دراسات عليا

اذا تقدري تتاكديلي اذا موجود بكالوريوس ولا لا

وبسالك عن قسم غذاء وتغذية هل هوا متاح للمسار الاداري ولا لا

لاني اللي اعرفه انه موجود بكلية الاقتصاد المنزلي كخيار متاح للمسار العلمي فقط

وقبل شوية دخلت على كلية التصاميم والفنون حقت الرحاب لقيت انه هما كمان عندهم قسم غذاء وتغذية بس ماني عارف متاح للاداري ولا كمان للعلمي بس ياليت تتاكديلي

ومعليش تعبتك معايا

[شناشن]

المشاركة الأصلية كتبت بواسطة ولد حلال اخت شناشن بحثت عن هذا المسار فا اتضحلي انه دراسات عليا اذا تقدري تتاكديلي اذا موجود بكالوريوس ولا لا وبسالك عن قسم غذاء وتغذية هل هوا متاح للمسار الاداري ولا لا لاني اللي اعرفه انه موجود بكلية الاقتصاد المنزلي كخيار متاح للمسار العلمي فقط وقبل شوية دخلت على كلية التصاميم والفنون حقت الرحاب لقيت انه هما كمان عندهم قسم غذاء وتغذية بس ماني عارف متاح للاداري ولا كمان للعلمي بس ياليت تتاكديلي ومعليش تعبتك معايا

صح كلامك مافي بكالريوس في دبلوم عالي ودراسات عليا خساره بس شكله عشان كذا حاطينه في البعث بكالريوس لانها مهو موجود في المملكه ..

المهم في مسار كمان اسمه عوق سمعي وهذا المسار مطلوب وبحثت ولقيته موجود بكالريوس
في كلية التربيه شوف في ذا الرابط
http://eduspecial.kau.edu.sa/Pages-%...%B0%D8%A9.aspx


للاسف قسم التغذيه للعلمي لانه كله كمياء ومواد علميه.
هذا مستقبل ولو لاتعب ولا شي بس دعواتكم

[شناشن]

مسار العوق السمعي يعتبر حديث لانه اول دفعه اتخرجت منه كانت قبل سنتين تقريبا
عام 1430

[البتول 2010]

شناشن اصلا التربية الخاصة تخصص جديد هالسنة انفتح يعني احنا 2 دفعة
ويا ولد الحلال انا قصدي بالاختلاط لما تتخرج يعني وين بيكون شغلها يا في مكاتب محاماة وتضطر تروح لمحاكم
عمرك سمعت عن محامي وما يدل طريق المحكمة ؟!