جميع مايخص التدريب2 مع أ/ هدى الدرديري

[shojon]

المشاركة الأصلية كتبت بواسطة دندن2010 بنات هي المحاضرة بكرة ؟ طيب ماحددت مكانها ؟

والله جاني خبر بس مو متاكده ميه بل الميه انو المبنى الرابع غرفه 403

[shojon]

اخواتي الاعزاء من شويه رجعت من محاضرة الاستاذه هدى وحابه اقولكم عن كل شي صار بلمحاضره والي عندها اي سؤال تسال ان شاء الله احاول ارد على كل استفسارتكم الاستاذه تكلمت عن دراسة الحاله والاختبارات والتقرير النفسي اول شي دراسة الحاله تعملي على الاقل واحده وتفضل اكثر من حاله لانها تقول هذا الشي بيرفع درجتك واذا نقصك درجه من شي ثاني تعوضلك في دراسة الحاله وهي راح تقيم تعبك ومجهود كل ماشافت شغل اكتر بنسبه للاختبارات النفسيه تتطبقي اي اختبار انتي تختاري تحبي تاخدي من المركز وتطبقيه تحبي تجيبه من معمل علم النفس وطبقيه او تجيبه من مكتبه مافي مانع المهم تعمليه اما الاوراق الي في كتاب التدريب تمليها كلها كل يوم بيوم واكدت على الخط الواضح وتجاوبي على الاسئله والمعلومات كلها وتوقع عليه الاخصائيه النفسيه الي بلمركز اما التقرير النفسي فهو خلاصة التدريب في المركز تصيغي تجربتك في التدريب وملاحظاتك والاشياء الي تعلمتيها واسلوب العلاج كلو باسلوب علمي للاخصائيه النفسيه بشكل انشائي يارب كون قدرت واخر شي هي ماتفرض عليك عدد معين من الاوراق او المعلومات هي حتقيم مجهودك الموضوع على الورق وهي قالت بلكيفيه وليسه بكميه يعني يارب اكون قدرت اوصلكم الفكره واي سؤال انا حاضره

[shojon]

اما بنسبه للبنات الي خارج جده فيقدرو يسلمو اوراقهم بنفس المكان الي يختبرو فيه اختبارات المناطق والاستاذه طلبت انو البنات مايجوها في غير في ساعاتها المكتبيه لانهم راح ياخدو من وقت بنات الانتظام وبنات بحث التخرج وانو هي تستقبل فقط في ساعاتها المكتبيه كل يوم اربعاء يبدا من تاريخ 21\6من الساعه 11الي 2 وقالت انو الثلاثاء القادم في محاضره اضافيه زي اليوم وبنسبه للايميل هي ماكانت ترد لانها كانت مشغوله لكنها رح تبدا تستقبل ايميلاتكم وترد عليها وهذا ايميلها للحابه
dr.hodaabdin@yahoo.com

[حليمه احمد]

ايوى حبيبتي عندي اسئله !!

الاختبارات النفسيه دي اقدر بكرا اخدهاا من المعمل يعني عادي ولا يحتاج ورقه وتوقيع من الاستازه نفسسها ؟؟

واطبق الاختبارات النفسيه على مييين بالضبط ؟ ناس اصحاء ولا اطفال المركز نفسهم ؟

غير ككدا التقرير النفسي دا ايش بالزبط ! يعني غير التقرير اليومي ؟

وازا غيرو فين نكتبو في اي ورقه ؟؟

ربي يسعدددك ي ليت الاقي اجاابات اءءءءء حايسسه

[ghaydaa]

الاستاذة في محاضرات السنترا قالت الاختبارات النفسية مو لازم وانا خلصت تدريب ايش اعمل دحين بس طبقت 3 درسات حالة وتقريري اليومي كامل

[*غند*]

يعطيكم الف عافيه يارب

[حليمه احمد]

المشاركة الأصلية كتبت بواسطة ghaydaa الاستاذة في محاضرات السنترا قالت الاختبارات النفسية مو لازم وانا خلصت تدريب ايش اعمل دحين بس طبقت 3 درسات حالة وتقريري اليومي كامل

الاختبارات نفسيه ؟؟ يعني مو اجباريه ولا كيف ؟

ي ررربي معرف ايش الكلام الصحح

[بنت حايل]

عندي استفسار

الحين انا في مدرسه هل اسوي التدريب بنفس مدرستي ام لا علمآ انه مافيه اخصائيه بالمدرسه

طيب اذا خلصته هل اسلمه لمعهد العالميه بيوم اختباري ام لا

[طلة ملكه]

غاليتي شجون بارك الله فيك ورعاك
ع حرصك لافادة صديقاتك
المعذرة تم تعديل بسيط ع العنوان
حتى تتم الفائدة والمنفعه للجميع
جعله في الله في ميزان حسناتك وجازاك بالجنة من غير حساب ولا سابق عذاب
بالتوفيق للجميع
:)

[shojon]

المشاركة الأصلية كتبت بواسطة حليمه احمد ايوى حبيبتي عندي اسئله !! الاختبارات النفسيه دي اقدر بكرا اخدهاا من المعمل يعني عادي ولا يحتاج ورقه وتوقيع من الاستازه نفسسها ؟؟ واطبق الاختبارات النفسيه على مييين بالضبط ؟ ناس اصحاء ولا اطفال المركز نفسهم ؟ غير ككدا التقرير النفسي دا ايش بالزبط ! يعني غير التقرير اليومي ؟ وازا غيرو فين نكتبو في اي ورقه ؟؟ ربي يسعدددك ي ليت الاقي اجاابات اءءءءء حايسسه

اختي مولازم للاختبارات النفسيه توقيع من الاستاذه فقط تخديها من معمل علم النفس او حتى المكان الي بتدربي فيه اذا عندهم اختبارات تقدري تاخدي من عندهم وتطبقي اما على مين تطبقي ؟ على الحالات الموجوده في المكان الي بتدربي فيه اطفال كانو اوكبار اوأصحاء اومرضى يعنى اذا مستشفى وفي حاله تعاني من اكتئاب تطبقي اختبار الاكتئاب واذا مدرسه ممكن تطبقي اختبار الذكاء واذا مركزذوي احتياجات تطبقي اختبار خاص بذوي الاحتياجات وهكذا وبترشدك على الطريقه الاخصائيه الي بتدربي عندها في مكان التدريب اما التقرير النفسي هوغير التقرير اليومي الي في الاوراق الكتاب وتكتبيه في ورقه عاديه ويصيغه تدل على انك خريجه علم نفس يعني تستخدمي المصطلاحات النفسيه في ملاحظة وارشاد الحالات الي تناولتيها بمعنى ادق تكتبي عن الانفعال عن التركيز عالتواصل عن الانتباه يعني الاشياء الي درستيها وتجمعي دراسة الحاله واوراق التقارير اليوميه والتقرير النفسي والاختبارات النفسيه ودرجة تقيم المركز لك وتوديها للاستاذه كملف كامل والاستاذه راح تعطيكي على قدر المعلومات الموجوده والجهد المبذول درجات ارجو اكون وضحت الصوره