هذا ماحدث في يوم الاربعاء لبنات في حي العليا !!!

[ايمي الحلوه]

سلام عليكم ورحمه الله وبركاته

جبت لكم قصه مرررره محزنه

هذي قصه حصلت يوم الاربعاء
لبنات في حي العليا

فاطلبو لهم الرحمه:






بنات في حي العليا!!!!
كنت في منطقة العليا بمدينة الرياض وكنت على

موعد مع صديقي على العادة كل اربعاء يمرني بعد صلاة العشاء نتمشى الى

الساعة عشر ونتعشى وبعد العشى نمر نستأجر افلام ونروح البيت ونسهر

عليهم الى صلاة الفجر وفي هذا اليوم اختلف البرنامج تماماً مرني صديقي

وطلعنا وسوالف وقال بمر المملكة والفيصلية اللي هي قريبة

شارع التحلية قلت له لا تروح هناك قال يا رجال نتفرج لاحول قلت اليوم

اربعاء وزحمة واكيد فيه هيئة قال وش علينا كل العالم تروح المهم رحنا

دخلنا السوق وكان مزحوم وكانت الهيئة موجوده وبشكل كبيرة اكثر من سيارة

المهم أخذنا لفة وحدة وكان قلبي مش مرتاح قلت فيه شي او راح يصير لنا شي

وانا من النوع أحس اذا فيه شي ودايم سبحان الله يطلع احساسي صحيح المهم

وحنا في اللفه الثانية رحنا مع شارع كله محلات راقية وهناك لقينا سيارتين للهئية

واقفين متخفين بعيد وكأنهم يراقبون احد المهم قلت لخويي قلبي قابضني فيه

شي بيصير لا تترك الشارع هذا خذ لفة ثانية المهم وحنا في اللفه الثانية الا

الشارع
فيه زحمة وصوت كلام عالي ومانشوف شي سيارات زحمة

والسيارات واقفه قلت افتح الباب واوقف المهم

فتحت الباب ووقفت لقيت واحد من الهيئة يصارخ

على اربع بنات ووحدة منهم هي اللي تصارخ عليه وتتكلم معاه وشوي وهو

يقول لها ما اقدر امد يدي عليك خليها تجي بالطيبه وهي تقول انت خليت فيها

طيبة المهم قال شغلك معاي قالت له البنت

اسبق خيول ابوك اركبه واذا انت رجال الحقني المهم ركبوو السيارة وهو يقول

لأخوياة وراهم ولا تتركونهم وقمنا حنا لفينا يمين ورحنا نتفرج طلعت السيارات

اللي شافت الزحمه وانطلقت السيارة اللي فيها بنات ومسرعين على شارع التخصصي

ووراهم سيارتين حقت الهيئة وحنا ومعانا سيارات زحمة نلحقهم المهم السيارات

في سرعة عالية مرة

وهنا يبان لنا انها مطاردة ياساتر على السرعة وانا خويي الغبي اقول هدي

السرعة وانا خايف من جد لان صديقي اندمج وهو يلحق السيارات وانا يا فلان

اتركهم وش علينا منهم وهو هذا تخصصه يحب يشوف علشان العالم كلها تدري

صاير(يهوجس) المهم وحنا وراهم وجاء الدوار الكبير حق الثمامة وكل السيارات

مسرعين والسيارة اللي فيها البنات

اول سيارة في المطاردة وشوي وفي الدوار يالله سرعة جنونية وسيارة الهيئة

وراهم نفس السرعه وقرر يجي جمبهم سواق البنات تفجئ من جد وشوي الا هو

فوق الدوار وتنقلب سيارة البنات ومن جمب الدوار وتنقلب وتطلع من الجهة

الثانية وهنا في بنت من قوة الانقلاب طلعت من السيارة بدون عباء

واخيرا وقفت السيارة بعد اربع قلبات وسيارة الهيئة صدم في الدوار ولا انقلب

وانا هنا وقف شعر راسي وجاتني مثل الدوخه وخويي وقف سيارته نزل قلبه

قوي وانا قلبي قوي بس منظر البنت سبب لي مشكلة لمدة سنة تقريباً اذا ذكرت

الموقف المهم شوي ونزلت ورى صديقي وعاااااااااالم واقفين واللي يسوق

سيارة الهئية واقف منبهر يبكي وحاط يدينه على راسه وبعض الشباب جزاهم

الله خير يبون يشيلون البنات قمت انا وكم واحد غطيناهم ما ندري هم أحياء

أموات وبالصدفه نزل واحد كان مع زوجته وولد صغير طلع دكتور وجاء مسرع

وبقلب قوي وقام يكشف على وحده وحدة ويمسك يدها ومن بنت الى بنت واخر

شي راح للبنت للي طلعت اثناء الانقلاب وقام من عند البنت ووقف الدكتور

والعالم كلها تناظر فيه ونزل راسه قال الله يرحمهم هنا العالم انبهرت وترحمو

عليهم وقمنا وغطيناهم بعض ما كشف الدكتور وشوي الا جاء واحد يطالع في

سيارة البنات يمين شمال وراح من هنا ومن هنا وراح وشاف رقم اللوحة وقام

يبكي قال له واحد تعرفهم قال لا يقربوون لي

قال له تعوذ من الشيطان يمكنك غلطان قال لا يقربوون لي قال اكشف على

وجيههم قام كشف على وجة بنت بنت من وحدة الى حدة وعرفهم
وكانت الصاعقه ...
v
v
v
v
v
v
v
v
v
v
v
v
v

----
^^^

طلعو البنات الاربع :-

وحدة بنت السبيت
والثانية بنت الهاص
والثالثة بنت الديمن
والرابعة بنت الشيرياء
بنات ورقة اللعب حقت البلوت


تعيشون وتاكلوووون غيرها .....هههههههههههههههههههههههههههههههههههه

__________________

[علي العسيري]

ههههههههههههههههه؟؟؟!!!

تنكت انت وجهك ؟

صدق صار حالنا مضحكه للدنيا كلها ...

انت جايبها نكته تحسبها ماتصير واقع !! اصلا بعض رجال الهيئه هداهم الله مايطلع رجولته الا عالبنات !!! والا تعال قله الشارع ذا فيه مداهمة ارهابيين !! او قول ترى السياره الدتسن هذيك الي في زاوية الحي سيارة مروجين مخدرات يالله تعال داهمهم وطهر الارض من فسقهم وعهرهم !!!! والله ماتشوف الا ظهره مولي ,,

رحماك يارب ,,

[جوزائيه]

تووقعت انو فيها فبركه
اوقصص تلفيق مثل الي يلفقووه للهيئه,,
الحمدلله ان عندنا هيئه امر بالمعروف والنهي عن المنكر
والله يقويهم وينصرهم ...

[فاقدة أبوها]

انت جايبها نكته تحسبها ماتصير واقع !! اصلا بعض رجال الهيئه هداهم الله مايطلع رجولته الا عالبنات !!! والا تعال قله الشارع ذا فيه مداهمة ارهابيين !! او قول ترى السياره الدتسن هذيك الي في زاوية الحي سيارة مروجين مخدرات يالله تعال داهمهم وطهر الارض من فسقهم وعهرهم !!!! والله ماتشوف الا ظهره مولي ,, رحماك يارب ,,

سبحان الله لهالدرجة وجود الهيئة مضايقك!

وهل كلامك هذا قلته عن واقع تجربة ولا بس مجرد اتهامات!
يعني هل مرة بلغتهم عن وجود إرهابيين أو مروجي مخدارت وانحاشوا !!

مع انه-على حسب ثقافتي المتواضعة- المفروض تبلغ مكافحة المخدرات عن المروجين و المباحث عن الإرهابيين !!!

لكن أسألك بالله إذا فعلاً بلغت ولم يستجيبوا أن تسرد لنا الواقعة,
وإذا كان غير ذلك فلا أدري كيف تتهم الناس بمالم تشهده عيناك!!

[صوت الفجر]

ربي يحفظ رجال الهيئه وربي كل الدول تتمنى ان عندهم مثل هولاء الرجال احيان تصدر منهم هفوات ولكن هم بشر واخطائهم اقل من معروفهم واتمنى تغير نظرتك عن رجال الهيئه لانهم رجال امر بالمعروف ونهي عن المنكر ...

هذا ما اردت طرحه...
وموضوعك يا ايمي خرعني بس ضحكني في النهايه..
تقبلي مروري..

[صوت الفجر]

شاهد هذا المقطع وستعلم فضلهم ... شاهد..

[mass]

حسيت إن القصه غير حقيقيه ،،

الله يحفظ الهيئه ويقويهم ،، ويزيدهم في كل مكان ..

[أمير القلوب]

المشاركة الأصلية كتبت بواسطة علي العسيري ههههههههههههههههه؟؟؟!!! تنكت انت وجهك ؟ صدق صار حالنا مضحكه للدنيا كلها ... انت جايبها نكته تحسبها ماتصير واقع !! اصلا بعض رجال الهيئه هداهم الله مايطلع رجولته الا عالبنات !!! والا تعال قله الشارع ذا فيه مداهمة ارهابيين !! او قول ترى السياره الدتسن هذيك الي في زاوية الحي سيارة مروجين مخدرات يالله تعال داهمهم وطهر الارض من فسقهم وعهرهم !!!! والله ماتشوف الا ظهره مولي ,, رحماك يارب ,,

عجبي بمن يتفوهـ بما لايعلم ...
هل حكمت أخي على الهيئة بما رأت عينكـ .. أم بما قرأت في صحيفتكـ .. ؟؟؟؟؟
لماذا لم تنتقـد أهل الإختصاص بالمروج والإرهابي .. وهل ماقلت نابع عن كرهـ لحراس الفضيلة أدامهم الله .. مادامت بلادنا قائمة على حكم الشريعة الإسلامية .. دستورها القرآن ..؟؟؟؟
أم على معرفة وإطلاع وبالأخص في الميــدان .. كما أدعيت ..؟؟
إن كان عندكـ مايثبت فأتمنى أن تفيدنا ؟؟؟
/
عجبي والله .. أخي علي !!
/
لوكنت في السوق برفقة عائلتكـ وتعدى عليكـ مجموعة من الشبان .. قلي بربكـ بمن تستنجد بعد الله سبحانه ..؟؟؟؟

وهل من إختصاص الهيئة المروج والإرهابي والمتسول والسارق والسحر والشعوذة ووووووو؟؟؟؟؟
أم أنه إدعاء بكل هذهـ لنبين أنهم مقصرين .....
نحن بشر نخطأ .. ونقصر ونتوب .. والكمال لله سبحانه وتعالى ... فلماذا الإدعاء ؟؟؟؟
هذا شرع أخي أمرنا أن نأمر بالمعروف وننهى عن المنكر وكلنا مشتركون في ذلكـ ؟؟؟؟

أم لكـ رأي غير ذلكـ ؟؟؟

[سمية السلمي]

الله يهديك ويصلحك

[أبوايلان]

الجنس أنثى وراوي القصه رجل لا تعليق في ذلك !!!!

اروح لـ علي عسيري الهيئه ماهم عاجبينك ؟

أكيد فارشينك في احد الاسواق صح؟ هههههههههههههههه

ما أقدر اقولك وش رايك في وجودهم لأن تفكيرك يمكن يختلف عن تفكيري لكن بسأل سؤال هل تلاحظ ان ولاة الامر حاطين هذا الجهاز من باب التسليه ؟