Cs 456 - مادة هندسة برمجيات مع د. مي فاضل

[Nosa]

حيااااكم .. الله يوفق الجميع ياااارب

المشاركة الأصلية كتبت بواسطة mero_cpcs وصدقيني لك دعوه خاااااااصة في ظهر الغيب ان شاء الله

والله ما أبغى اكتر من كدا .. يسعدك ربي يا عسل :)



وطمنونا كيف كان امتحانكم

[الساهر98]

الشكر كل الشكر للاخت نوسة ما قدرت اعدي على الموضوع و اشوف كل دا الاجتهاد

و ما اقول شكرا رغم الشكر قليل على اجتهاد زي داااااا

[Rσsε]

يعطيك الف عافية

انا بأخد المادة دا الترم , وأعطتنا د.مي أول فيز من المشروع

صراحة مررة أفكاري مو مرتبة , وماني عارفة كيف ابدأ

ممكن تعطينـي بس طريقـة البداية كيف تكون , اذا تقدري

[Nosa]

الساهر .. رووز

حياااكم .. والله يوفقنا جميعا

[Nosa]

اعتذر عن الانقطاااع .. لكن جدااا انشغلت الفترة الماضية

بإذن الله اذا ربي أحيانا .. رح اكمل في الويك اند :)

رووز..
ممكن توضحي اكتر اش محتاجة؟؟ انتي بتسألي عن فيس 1؟؟
لاني منزلة نماذج لمشاريع سابقة .. حاولي تتطلعي عليها وان شاء الله تفيدك
واذا عندك اي استفسار أنا حاضرة
:)

[red flower]

نوسا ياقمر انقذينا


اختبارنا الاحد

اذا فاكره شي عن شابتر 2 وشابتر 5 ايش جاكم عنهم في الاختبارات ياريت تقوليلنا



وشكرا

[Nosa]

شابتر 2 كان في الدوري الاول
طبعا دا السؤال يعتبر من شابتر 2

المشاركة الأصلية كتبت بواسطة Nosa ~~~~~~~~~~~ السؤال التاني/ كان مطلوب تعملوا هايراركي لمجموعة كلاسات كانت معطاه اسماء الكلاسات والميثودز والارقومنتز والمفروض انتي تعرفي كل كلمة تمثل ايش وكيف تحطيها في الهايراركي بحيث انك توضحي الانهريتنز والبوليمورفيزم افتكر بعض الكلمات اللي جات accommodation, hotel, apartment فكان accommodation هوا السوبر كلاس ووالفندق والشقة سب كلاس كانت في ميثودز ومتغيرات مشتركة فرح نحطها في السوبر كلاس واعتقد في متغير كان خاص بالفندق فينحط في كلاس الفندق بس وفي ميثود كانت تختلف في تنفيذها في السب كلاسز .. فرح نعملها اوفررايد في كل كلاس يمكن يكون في نقص او خطأ .. بس تقريبا الفكرة ما تخرج عن كدا

من الاختيارت ..
- تعريف abstraction
- مو متاكدة بس اعتقد كمان تعريف object-oriented paradigm
- جانا انه الكلاس يعتبر داتا ابستركشن او بروسيجرال ابستراكشن او الاتنين .. طبعا الجواب الاتنين سواا
-وجا مثال عن الاسم الصح اللي يمثل كلاس (طبعا عارفين الشروط .. يكون مفرد واول حرف كابتل ومو مررة عام ولا مررة خاص ...... )
- برضو مثال على الاسوسيشين او الاتريبيوت ماني فاكرة والله .. المهم انه مثلا وتشوفي اش منها يمثل اسوسيشين او اتريبيوت << ركزووا كتييير فيه لانه كتير لخبطوا فيه
- تعريف البوليمورفيزم
- برضو مثال او تعريف لواحد من انواع الاوفر رايدينق

دا تقريبا اللي جا من شابتر 2

[Nosa]

الدوري التاني كان في شابتر 5 ..

15 اختياري ..
- كان رسمة كلاس a رايح لكلاس b وتختاري كيف تقريه
- كان عن خصائص اليو ام ال .. انه كله يعتبر من خصائصه ما عدا ( اعتقد كان الجواب انه ما يتمثل بالجافا ودا غلط)
- كانت راسمة كلاسين وعاملة ملتي بليستي على اللينكات بينهم .. تحددي كم انستنس من الكلاس الاول رح يرتبط بانستنس من الكلاس التاني
- انه علاقة part of - control of تمثل ايش .. اعتقد اقريقيشن
- علاقة الكيبورد بلكيز تمثل .. كومبوسزشن
- تعريف الريسبونسيبلتي
- اش المشكلة في كلاس .. زي المثال صفحة 206 رسمة 5.28
- واحد من التايب اوف موديل اللي في صفحة 200
- رسمة كلاس ومرتبط بنفسه تمثل .. ريفليكسف
- راسمة كلاس للكيك والبيض والفانيليا وتختاري التمثيل الصح للعلاقات بينهم .. طبعا حيكون كمبوزشن
- برضو رسمة كلاسين وكيف تقري الملتي بليستي اللي بينهم
- وليش اليو ام ال ستاندرد

دا اللي افتكره بالنسبة للاختياري

[Nosa]

كان في مجموعة من الاكسرسايز

- سؤال فاليديشن لرسمة كلاسين واذا في خطأ توضحي ليش واش الصح
كان عن كلاس للدولة وكلاس للبحر والعلاقة انه البحر يحد الدولة والدولة لها شاطئ .. فتتأكدي من الملتي بليستي

- رسمة كلاس الانيمل اللي في الكتاب صفحة 183 توضحي اش المشكلة كانت فيها
وكمان تبع الاستيودنت اللي صفحة 185

- تعملي اوبريشين لريسبونسيبلتي تبع انشاء لينك لاوبجكت اوردي موجود .. في الكتاب واااضح صفحة 213 و 214

- رسمة كلاسين (خياط وماكينة) وموضحة الملتي بلستي بينهم والمطلوب ترسمي الاوبجكت ديقرام لكم حاالة
مثلا الخياط a عنده ماكينتين او ....
وكمان هيا تعملك رسمة اوبجكت ديقرام على نفس الكلاس وتطلب تصحيح الخطأ

- كلاسين وكانت العلاقة بينهم ميني تو ميني وذكرت الفاريبلز تبعهم
وقالت لو في متغير اضافي ( ما افتكر ايش) في اي كلاس ينحط وليش ووضحي الكلاسات بالرسم
طبعا الحل انه حتعملوا اسوسيشين كلاس وتحطوا فيه دا المتغير لانه مشترك بين الكلاسين وما ينفع ينحط في واحد منهم واكيد تعرفوا طريقة الرسمة تبعه

- جابت كود صغييير بس كم كلاس ومتغيراته والميثودز يمكن كلاسين او 3
والمطلوب تعملوا الكلاس ديقرام
الاشياء اللي لازم تنتبهوا عليها ..
لما يكون في كلاس list من اوبجكت لكلاس تاني .. لازم تحطي ميني على اللينك (*)
واذا في كلاس extend كلاس تاني تعملوا انهرتينز
واذا اوبجكت من كلاس a مثلا متعرف في كلاس b بس العكس لا .. تراعوا انه اللينك بين الكلاسين يكون bi-directional
وكان في رفليكسف بس مو انه نفس الكلاس يحتوي على اوبجكت من نفسه .. لا
كان كلاس انهرنت من كلاس تاني ودا السب كلاس يحتوي على اوبجكت من كلاس الاب فيصير اللينك راجع من السب كلاس للسوبر كلاس

ان شاء الله بكدا اكون غطيت كل الاسئلة ..

[Nosa]

الله يوفقكم ويفتحها عليكم يااااارب

دعواتكم لنا كمان .. عندنا بكره امتحان ..