دورة التصوير الفوتوغرافي لطالبات جامعة الملك عبدالعزير .

[wan]

السلام عليكم و رحمة الله و بركاته


للبنات إللي عندهم هواية التصوير الفوتوغرافي واللي حاسين إن عندهم موهبه
كلمت المسؤوله عن الدورات في الجامعه و قالتلي جيبي 15 إسم و رح نعمل الدوره ..

So


إللي حابه تشترك في الدوره ترسلي ( إسمها الثلاثي + رقم جوالها ) عالخاص
و رح أحط إسمها في ورقة الطلب .

سعر الدوره . ما عندي فكره حالياً بس ما أعتقد تزيد عن الـ 1000 و الله أعلم
لأن أنا مسجله في دورة الإخراج و التصميم الصحفي بـ 350 و الدكتوره بتقول إنها تتعمل برا بـ 3000 ريال . يعني إن شاءلله دورة التصوير يكون سعرها حلو كمان .

بليز بنات إللي جاده و مستعده تدفع و عندها رغبه ترسلي رقمها , أما غير كدا لا
لأنهم عملو الدوره قبل كدا و ما كان في إقبال عليها . غير كدا في بنات بيجو يسجلو و مايدفعو الفلوس

و بالنسبه للكاميرات . يفضل يكون عندك كاميرا SLR ( إحترافيه ) أو شبه إحترافيه .
(( يفضل , وليس يشترط .. و لمن تتحدد الدوره نعرف الشروط بالزبط , لأن في دورات برا الجامعه ما يشترطو تجيبي الكاميرا .. هما يوفروها لكي ))


يلا إللي جاده و عندها إستعداد , ترسلي إسمها و رقم جوالها عالخاص و أنا رح أنسق الأسماء و أعطيها للمسؤوله و هيا رح تكلمكم .




و قولو لكل اللي تعرفوهم ... نبغا عدد كبير عشان تتعمل الدوره . و يارب ما يجردو بينا

[فراشه الجامعه]

موفقين اختي

بس ايش يعنى تصوير فوتوغرافي؟؟؟

مشكووره

[بنت العمودي]

لسى أفكر في آخذ التصوير الفوتوغرافي كــ هواية ..

ولسى أفكرأشتري كاميرآ بس للآسف لازم أشتري كاميرا قبل أسجل اسمي بالدورة ..



بالتوفيق حبيبتي ..

[DNA..~]

لو اتعملت الدورة حتكون في نفس الجامعه..!!!

ولا كيف؟

[شهد الشهد]

طيب فترة الدورة كم ساعة؟
وش محتوياتها؟
يعني شي يستاهل الاشتراك ولا ماله داعي؟
ياليت تعطينا تفاصيل أكثر عشان نعطيك رد أكيد بالإشتراك أو لأ

[ღღღبيـــاض الثــلـجღღღ]

المشاركة الأصلية كتبت بواسطة شهد الشهد طيب فترة الدورة كم ساعة؟ وش محتوياتها؟ يعني شي يستاهل الاشتراك ولا ماله داعي؟ ياليت تعطينا تفاصيل أكثر عشان نعطيك رد أكيد بالإشتراك أو لأ

نفس الاسئلة

[عاشقة المستحيل]

و الله دورة حلوة للمتعة و التسلية

عملوها قبل سنة في قروب ( موهوبات ) << الي في المبنى الدبلوم التربوي

بس ما عرفت متى بدأت أصلا ..

طيب يا عسل ...

ممكن تسألي عن وقتها ؟؟ و مين الي تدرس ؟؟؟

و شكرا

^_^

[wan]

والله يا بنات مافي ولا فكره عندي , أنا سألت المسئوله قالت إدا تبغو جيبي 15 إسم و ارقام جوالاتهم
و إحنا نعمل الدوره على طول

سألتها طيب السعر و الشروط .. !! قالت ماعندي أي فكره لمن نقرر نعملها حنقولكم

و اللي تبغا تتأكد تروح مبنى 3 الدور الأول ( اللي فوق ) .. أو ما تطلع من الدرج تلف يسار في غرفة الدورات
و تسأل المسئوله و رح تقولكم نفس كلامي .

و عن المكان شي أكيد حيكون جوا الجامعه و عن المحتوى . قالتلي ممكن تكون عن مبادئ التصوير . يعني مره حتنفع المبتدئين .

[بنت العمودي]

بس لازم يكون إللي معطي الدورات إنسام فهم بالتصوير وبعدين أحس الدورهيبغالها شخص هاوي التصوير الفوتغرافي ..

وبالتوفيق للجميع

[wan]

شي طبيعي حيجيبو مدربه محترفه :)