دورة التصوير الفوتوغرافي لطالبات جامعة الملك عبدالعزير .

[.,.نيــــــــــــــــــــران.,.]

انا ابغه اسجل في الدورة ذي وبدون تردد ان شاء الله >> هاوية تصوير :)

wan ممكن نتقابل في الجامعة؟؟

ملاحظة: أفضل يكون موضوعك في منتدى التصاميم والتصوير اذا مالقيتي تجاوب هنا لان هناك هواة أكثر

[LoOoOoD]

Wan حابة اشارك اكيد .... بس ياليت تكون احترافية شوي عشان نتعلم اشياء جديدة .. مالها داعي تكون مبادئ يعني مو معقولة بنات عندهم كاميرات slr إحترافيه .. ولسى يبوا يتعلموا مبادئ ..! ياليت تتأكدي من هالموضوع وتردي لي :) لأني بجد حااابه اشاااارك... أشكرك على مبادرتك الحلوة :) ...

[غيوده]

وانا حابه اشارك بس ينفع للانتساب ولا لا ؟؟؟

[.. بيســـان ..]

صح و أنا حابة أشارك و ما عندي مشكلة في الفلوس

يحق للإنتساب يجو .. مع العلم ما عندي كاميرا

[.,.نيــــــــــــــــــــران.,.]

طبعا الانتساب متاح لهم حضور الدورات جميعها في الجامعة والمشاركة في فعاليات الجامعة

[alaa1407]

فراشة الجامعه شكلك تمزحي <<<<<<<<<<ههههههههههههههههههههههه
ماتعرفي يعني ايه تصوير الفوتوغرافي

[wan]

نيران , حبيبي أرسليلي إسمك و رقمك و كيف تبغينا نتقابل :) ,, بالنسبه للموضوع كان نفسي أحطو كمان في قسم الإعلام .. طيب ممكن يعملو نسخ منو و يحطوه في القسمين > قاتل الله الكسل

LooD والله أنا أتمنى إنها تكون أكتر إحترافيه , بس يلا ريحة أبو زيد ولا عدمها > هوا صح أبو زيد ولا غلطانه في النمره خخخ ,,, رح أكلم المسئوله و أشوف

بالنسبه لبنات الإنتساب , ماعندي فكره والله .. بس جاوبت عليكم نيران .



بناااات إللي تبغا تشترك من جد ترسلي إسمها و رقمها عشان أحطها في القائمه . و اديها المسئوله و أول ما يتحدد موعد الدوره رح تكلمكم هيا .. يلا أتحمسوا إيش دا

[.,.نيــــــــــــــــــــران.,.]

يابنات انتوا على بالكم التصوير التقاط صورة وخلاص؟؟

في اشياء كثير في المبادئ لازم نتعلمها

والطريق للاحترافية يبدأ خطوة خطوة

Wan بس سؤال انتي قصدك دورة تصوير (صحفي) فوتوغرافي وللا تصوير فوتوغرافي؟؟

[wan]

لا لا أنا أقصد التصوير بشكل عام يا نيران .. ( التصوير الضوئي = التصوير الفوتوغرافي )
و بأنواعو .. صحفي لاندسكيب بورتريه ماكرو سلويت بوكيه رياضي .. إلخ

نوع الدوره . رح أحاول أكلم المسئوله لمن أوديلها الورقه انو تخليها تشمل شويا من الأساسيات + الإحترافيه و تعلم أنواع فنون التصوير اللي ذكرتها


ترا ما سجلت غير إسمين و إسمي .. ( 3 أسامي ) يلا محتاجين أقل شي 15
عشان تكون شامله يعني

[.. بيســـان ..]

ايش صار معاكي يا wan ؟؟

أنا كلمت بابا و وافق بس قلي بكم الدورة ؟

و حتى انا للآن محتاسة مني عارفة الدورة بتكون لأساسيات التصوير

( مبتدئين ) أو للإحتراف

انتظرك