عقبات أمام طموحي .. ولكنها ستزول .. بمساعدتكم :)

[99 ABDULLAH]

:

أخواني أخواتي أهلاً بكم ..
ودي أستشيركم بموضوع لو تكرمتم
:
أنا خلصت السنة التحضيرية ولله الحمد بعد مرمطة ترمين زيادة
و السبب الإنجليزي ، أخذت f في الترمين الأولى
لكن أخذت صيفي و نجحت و أيضاً الترم الأخير و نجحت بالمستوى الثاني e
بمعدل فصلي بلغ 4 من 5 و لله الحمد ..
:
لكن للأسف لم أُقبل في الكلية اللي أبغاها
أنا طلبت إقتصاد و إدارة و حولوني آداب ( خيار ثاني )
:
معدلي 3.16
:
أنا في الأساس داخل الجامعة هذي عشان تخصص الإدارة
و ما أشوف نفسي في كلية ثانية ..
:
لذلكـ فكرت في أمرين :
1- أحول إنتساب الترم هذا .. و أشد حالي و أرفع معدلي
و أرجع انتظام الترم اللي بعدهـ

أو

2- أدخل كلية الأداب ( من فوق خشمي )
و أشد حالي بمواد ( مالي نفس أدرسها )
و أحاول أرفع معدلي ..
و بعدها أطلب تحويل للإدارة و الإقتصاد ..
:
:

إيش رأيكم إخواني الأعزاء .. ؟!
أسوي الطريقة الأولى و لا الثانية .. ؟!
:
و إذا عندكم طريقة أفضل لدخول كلية الإقتصاد المصونة يا ليت تساعدوني

/

ألف شكر لكم .. و آسف على إزعاجكم ..

مع تحيات / أسير الشوق < أقول انثبر


,

[ǁ غــلأآإ ، رٍوٍحــي ǁ]

أفضل طريقه الثآنيه ..
لأن التحويل من إنتظآم لإنتساب او العكس يكون مررره وحدهـ ..
اذا حولت انتسسآب ماراح تقدر ترجع انتظآآم ..

وثانيه الانتسساب ، كليه الاقتصاد برآبغ ..

فخليك كليه أداب ، وخذ موآد حره من الاداره والاقتصاد وارفع معدلك
وحول بعد تررم وآآحد

[99 ABDULLAH]

المشاركة الأصلية كتبت بواسطة ǁ غــلأآإ ، رٍوٍحــي ǁ أفضل طريقه الثآنيه .. لأن التحويل من إنتظآم لإنتساب او العكس يكون مررره وحدهـ .. اذا حولت انتسسآب ماراح تقدر ترجع انتظآآم .. وثانيه الانتسساب ، كليه الاقتصاد برآبغ .. فخليك كليه أداب ، وخذ موآد حره من الاداره والاقتصاد وارفع معدلك وحول بعد تررم وآآحد

:

كيف آخذ مواد من الإدارة و الإقتصاد و أنا بالآداب .. ؟!

أيضاً هذي الصورة للحذف و الإضافة



يا ليت تعلميني وش السالفة :)

/

غـــلآ ~

تعجز الكلمات و العبارات أن تفيكـِ شكراً و عرفاناً

,

[99 ABDULLAH]

:

أخذت فرة بقوقل و عرفت إن معنى كلمة ( مواد حرة )
يعني مواد من خارج تخصصكـ
لذلكـ نغير السؤال السابق للسؤال الجديد

:

ماهي المواد الحرة التي سوف تساعدني في رفع معدلي .. ؟!


أختي غلا اعذريني .. أنا ماني فاهم شيء .. توني داخل عالم التخصصات
العذر و السموحة ..

,

[99 ABDULLAH]

:

عاجل :

قال مصدر مسؤول في قناة الجزيرة ، أن المدعو عبد الله دخل إلى الأوديس
و عبث بهِ و ( لغوص ) بعض الشيء ، و عاث بالأرضِ الفساد
و هذهِ صورة من أرض الحدث :



<< متأثر بمضاهرات مصر

|


غلا اللي سويته صح .. ؟! << أقلق بنت الناس :$
,

[أكابر]

أنا بقولك رايي


انا كنت نفس حالتك و اخذت مواد حره ومواد عامه والحمدالله حولوني وشوفني الحين محاسبه


اول شي انصحك تنزل مواده عامه: ثقافة 2 وعربي 2
ثاني شي نزلك مادتين حره : ما اعرف والله ايش اسهل ماده بس سمعت عن الاقناع و مدخل علم النفس يقولو سهل ..
بس انت اسأل الشباب و أكيد مابيقصرو معاك اهم شي الاستاذ يكون كويس والماده سهله عشان تقدر ترفع معدلك ،،



ان شاء الله اكون أفدتك ،،

[99 ABDULLAH]

:

أكابر
المواد الحرة اللي نازلة عندي هي :
Pe 104
pe 120
pe 164
يقولوا عنها إنها رياضية

من فين أجيب الإقناع و مدخل علم النفس .. ؟!
:
و ألف شكر لك
,

[أكابر]

احنا البنات نضيفها من الجامعة نفسها ما تنضاف من الاودس

بس انتو الاولاد ما اعرف والله ..

[99 ABDULLAH]

:

يبغالي بكرة أو يوم السبت أراجعهم و أشوف وش قصتهم
:
إلا بسألك أكابر
:
الحين أنا ببالي أسوي اللي قلتي عليه
لكن أبغى أضيف أكبر قدر ممكن من المواد السهلة عشان أرفع المعدل
كم أقدر أضيف مواد عامة و مواد حرة ؟
و هل يوجد مواد إجبارية أدرسها ولا حسب رغبتي ؟
:
و ألف شكر لك
,

[أكابر]

انا اشوف انك تاخذ 4 مواد وتشد حيلك عشان تجيب معدل عالي >> هذا اللي سويته

مو شرط لما تزيد مواد تجيب معدل عالي بالعكس راح تتشتت وينزل المعدل

بالنسبه للمواد العامه هي اللي قلتلك عليها ثقافه2 وعربي2

والمواد الحره بـ 6 ساعات يعني اقصى حد مادتين

اما المواد الاجباريه مافي طبعا شي اجباري كله يرجع في النهايه لك
الا اذا حبيت انك تاخذ ماده من مواد التخصص يصير حتى لو فرضا ما حولت وانجبرت انك تكمل في كليه الاداب ما يضيع عليك ترم

والله يوفقك ،،