أستفسار عن قسم الجغرافيا-- بللهي فرحوني مرا محبطه >_<

[Mi$$20]

سلآآآآآآم
بنآآت انا خصصوني جغرافيه وانا صراحه مآبدي دا القسم
مو أكرهه عادي بس هما خيروني بين التاريخ والعربي والدراسات والجغرافيا < وأخترتو
أنا المشكله أبغى أضمن مستقبلي
كنت ابغا تربيه خاصه ولا تغذيه ما حالفني الحظ
بلله اللي تخصصها جغرافيا من زمان وحابه بلله تكتب هنا كلام تحببني فيه
أنا عارفه انو لازم أنا احبو وأرضى فيه مو أحد يحببني فيه
بس يمكن كم كلمه حلوه كدا تغير من نفسيتي المحبطه
وأبغى اعرف أنا بعد الأربعه سنين أش رح اصير وفين حشتغل "" مدرسه مثلا >_<
أكره التدريســـــــــــ :(
بلله أكتبو كل شي عن دا القسم نفسي أعشقو عشن اقدر أمشي فيه واتفوق """"""""
مرا شكرا ويديكم العافيه ^^

[GeGe-44]

اهلين مس وعليكم السلام..
انا برضو نفس حالتك خيروني واخترتو بصراحة هوا مره ممتع لكنه صعب مو سهل يعني اغلب اسئلة الاختبارات تكون مقالية بس لاتخافي لو كنتي مذاكرة وشديتي حيلك اكيد حيسهل عليكي..
والدكاترة مره كويسين الدكتورات مو مره انا لمن دحين اشوف احسن وحده د/انتصار ششه..
والجغرافيا فتحو مسار جديد فيه السنه اللي فاتت اسمه نظم معلومات جغرافية اللي فهمت انك ممكن تشتغلي با مانة جدة وكمان في هيئة المساحات الجيولوجية يعني تشتغلي شركاات اهم شي ماافي تدريس لاني زيك اكرره التدريس..
وبس هاذا اللي اعرفو وان شاء الله البنات كمان مايقصرو..
وبالتوفيق ان شاء الله..

[Mi$$20]

أهلين GeGE
شوكرن ليكي ع الرد
لله يديكي العافيه يا رب علي معلوماتكم اللي فادتني
مره تسلمي
وانشاء لله ربي يوفقك ^^

[LOST-83]

مادري ليش ماخذين هالفكره عن القسم
ترى الدراسه تختلف اختلاف جذري عن المتوسه والثانويه
قسم الجغرافيا ممتع ومواده متنوعه بين العملي والنظري((يعني مافيه ملل سرد x سرد او كرف بالمعامل))

ربي يوفقك خيتو وتحصلي اعلى الدرجات

[D E E M]

انا نفس حاااااااااااالتك

وكارهة نفسي .. وبحآول اني احبووو

انا شفت المواد اللي نزلتلي وحسيت احساس انها سهلـــــــــــــة

نزل لي ..

جفرافيا طبيعية

جغرافيا بشرية

علم خرايط

ثقافة 2


انا خايفة من علم الخرايط

اللي تعرف شي عنو تقولنا بالله عليكم ؟؟؟



انا بالفيصلية ترآ .. يعني كارهة نفسي اكثر :(

[do0ove]

حتى انا ما ابغى جغرافيا كنت مكتبات وقالوا انوا لازم نكتب تعهد عشان بعد كدا ما نغير القسم ابدا ابدا يعني لا بعد ترم ولا سنه كمان
حولت جغرافيا عشاان احول ان شاءالله بعد ترم
كمان في قسم تاني اسموا دراسات بيئية ونظم معلومات جغرافية
ممكن تشتغلي ف وزارة الزراعة الاستاذة قالت لي انوا مررره مرغوبة دي القسمين وجديدة يعني بسهولة تحصلي وظيفة بس برضوا ما ابغى
بحول تربية خااااصة ادعوووولي

[MS.Fabulous]

المشاركة الأصلية كتبت بواسطة D E E M انا نفس حاااااااااااالتك وكارهة نفسي .. وبحآول اني احبووو انا شفت المواد اللي نزلتلي وحسيت احساس انها سهلـــــــــــــة نزل لي .. جفرافيا طبيعية جغرافيا بشرية علم خرايط ثقافة 2 انا خايفة من علم الخرايط اللي تعرف شي عنو تقولنا بالله عليكم ؟؟؟ انا بالفيصلية ترآ .. يعني كارهة نفسي اكثر :(

مرحبا
هلا والله فيك بالفيصليه لاتخافي ترا مررره حلوه وراح تحبيها
انا صديقاتي كلهم جغرافيا ويقولوا القسم مابين الصعب والسهل
يعني في مواد نظريه ومواد علميه بحته
ادخلي على هذا التجمع لطالبات الجغرافيا في الفيصليه
وهم يردو على استفساراتك ان شاء الله
موفقه ان شاء الله
http://www.skaau.com/vb/showthread.php?t=85611

[تموكه]

دراسات بيئية ونظم معلومات جغرافية

هذا القسم في الجغرافيا ولا خارج عن القسم ؟ انا ابغاه ابى لمن اتخرج اضمن نفسي

[الامل مثلك00]

لييييييييية؟ ذا التحطيم انا جغرافيا المستوى السابع
وحلو القسم وممتع ومافي احلى من كذا وخاصة اني بالفيصلية

بطلوا خرابيط ودلع وشدوا حيلكم

[Mi$$20]

lost + الأمل مثلك

شوكرن علي ردودكم لله يديكوم العافيه يارب ^^

بنات انا بالفيصليه زيكوم :]

يارب يكون القسم حلو وخفيف علينا قولو آمين *_*

تموكه >>
أنا سمعت انو ندرس 4 سنين بما فيها التحضيري
يعني باقلينا 3 سنين
واخر سنه نحدد مسار من مسارين إما > نظم معلومات جغرافيه .. أو> دراسات بيئيه

ولله مرا ما اعرف شي ولا أدري الترم التاني أحول علي تربيه خاصه ولا أكمل ف قسم الجغرافيا >_<