رحت الجامعة اليوم علشان التوصيات وللأسف ..

[أقـدآر]

السلام عليكم ورحمة الله وبركاته ..
حبيت أقدم على الدبلوم التربوي بجامعه جده ..
واليوم رحت جامعة الملك عبدالعزيز علشان احصل على توصيات ..
قالت السكرتيره دكتوراتك في اجازه مافي احد مداوم ليه ماجيتي من اول العام واخذتي توصيات ؟!
لا حول ولا قوة إلا بالله طيب ايش الحل قالت ارسلي لهم على الايميل قلت واذا ماردو ايش اسوي قالت مابيدي شي ..

اناخريجه من سنتين ونص وكل ما كنت ابغى اسجل بالدبلوم يايفوتني التسجيل يا يحصل لي شي بالقدرات وما تتيسر معايه والان لما اجتهدت طلعت لي اشكاليه التوصيات ..
طيب ايش اسوي ياناس..
كيف الحل ..
هل اقدر اقدم ع الدبلوم والتوصيات اقدمها لما يبدأ الدوام .. اتمنى الاقي حل واتمنى اللي عنده خلفيه يرد عليه ويساعدني من مشرفين القسم .. والحمد لله على كل حال ..

[أقـدآر]

ياليت احد يرد عليه ..
ياليت مشرفين القسم يهتمو بموضوعي..

عندي سؤال كمان كيف اقدر اعرف إللي درسني المواد لأني نسيت بحكم إني مو حديثه تخرج

[بنت ناس وقلبي ألماس]

^^ وعليكم السلام ورحمة الله وبركاته

بخصوص معرفة أسماء الدكتورات ما عندي علم

لكن تقدري تتواصلي معاهم إيميل ويرسلوا لك التوصية على الايميل

والله ييسر لك أمرك

[كعشه]

اهلين عزيزتي حساب الدراسات العليا لجامعة جدة بتويتر

غرد انه ممكن تقدمي من دون التوصيات وغير مطلوبة وقت التقديم

لكن وقت مطابقة الاوراق لازم وقتها تجيبي التوصيات معاك

انا قدمت من دونها وبالتوفيق للجميع

[أقـدآر]

المشاركة الأصلية كتبت بواسطة بنت ناس وقلبي ألماس ^^ وعليكم السلام ورحمة الله وبركاته بخصوص معرفة أسماء الدكتورات ما عندي علم لكن تقدري تتواصلي معاهم إيميل ويرسلوا لك التوصية على الايميل والله ييسر لك أمرك

ماردو عليه ..
واخاف يروح عليه الوقت وانا انتظر ..

اتذكر ايام دراستي لماراسلت كذا احد ماكان يجيني رد ابدا ومره دكتور رد عليه بعد شهرين وزياده ..

[أقـدآر]

المشاركة الأصلية كتبت بواسطة كعشه اهلين عزيزتي حساب الدراسات العليا لجامعة جدة بتويتر غرد انه ممكن تقدمي من دون التوصيات وغير مطلوبة وقت التقديم لكن وقت مطابقة الاوراق لازم وقتها تجيبي التوصيات معاك انا قدمت من دونها وبالتوفيق للجميع

الله يسعدك على الرد ويطمن بالك ..
طيب متى وقت المطابقه شهر كم ..
يعني بعد ما يبدأون الدوام ..؟!

[غيم تايه]

المشاركة الأصلية كتبت بواسطة أقـدآر السلام عليكم ورحمة الله وبركاته .. حبيت أقدم على الدبلوم التربوي بجامعه جده .. واليوم رحت جامعة الملك عبدالعزيز علشان احصل على توصيات .. قالت السكرتيره دكتوراتك في اجازه مافي احد مداوم ليه ماجيتي من اول العام واخذتي توصيات ؟! لا حول ولا قوة إلا بالله طيب ايش الحل قالت ارسلي لهم على الايميل قلت واذا ماردو ايش اسوي قالت مابيدي شي .. اناخريجه من سنتين ونص وكل ما كنت ابغى اسجل بالدبلوم يايفوتني التسجيل يا يحصل لي شي بالقدرات وما تتيسر معايه والان لما اجتهدت طلعت لي اشكاليه التوصيات .. طيب ايش اسوي ياناس.. كيف الحل .. هل اقدر اقدم ع الدبلوم والتوصيات اقدمها لما يبدأ الدوام .. اتمنى الاقي حل واتمنى اللي عنده خلفيه يرد عليه ويساعدني من مشرفين القسم .. والحمد لله على كل حال ..

عليكم السلام ورحمة الله وبركاته


غريبة منك ما اخذتي التوصيات من يومها!! على العموم هي غير مطلوبة اصلا في الدبلوم وإذا كان لا بد منها خلى احد من اهلك يروح لقسم الرجال اكيد فيه من يدرس الآن
وكيف تعرفي الدكاترة هذا بسيط انت درستي معهم ومنتظمة يعني اكيد تذكري الأسماء!! اما اذا انتساب كما هو مذكور في معرفك .. فالمسألة بسيطة جدا .

على العموم فيه شخصيات تدرس نفس المواد اكيد درسوك مثل منيرة باحمدان، والمريطب هذه تدرس مادة فقه العبادات ، والهام باجنيد في المواريث .. ومريم السباعي هذه بتعطيك على طول وهي في علوم القرآن
وطبعا مازن الحارثي ومتأكد بيعطيك على اي حال في مادة مثل النظريات الفقهية او القواعد الفقهية ،، اللي بيعقدها في الغالب البخارية .. مثل مازن او سامية بخاري. واحمد عزب في مادة تدريب عملي2
القرآن ما تذكري مع من اختبرتيه إذا درجتك تمام.. او مادة نظام الحكم في الاسلام هذه بالعادة مع الدكتور سفر او الدكتورة الحربية .. سامية بخاري اكيد في مادتي اصول فقه 1 و2
لا تشيلي هم بإذن الله ميسرة وتتسهل .. قسم الرجال عادي متساعدين ..

بالتوفيق"""

[Asma18]

حابه اسال كم رسوم الدبلوم التربوي في جامعة جده لانه مكتوب 5 الالف لكل ترم دراسي قصدهم يعني ب 10؟😑 وجامعة الملك عبدالعزيز افتكر لما قدمت السنه الي راحت كان 4 للسنه كلها


بالله وضحولي لاني قدمت على جامعة جده

[غيم تايه]

^

نعم اذكر لما رفعوا الاسعار .. وتقريبا كل الجامعات اصبحت في هذا المبلغ 10 الاف .. والله يعين