اللي اخذوا علم نفس شخصية مع أ.عفراء القين

[كوكتيل انوثة]

السلام عليكم ورحمة الله وبركاته
مبروك الاجازة وانتهاء الامتحانات على خير

بنات اللي اخذوا دا الترم شخصية مع استاذه عفراء وكان اختبارنا امس الاربعاء 20/7/1432
ايش رايكم في الاسئلة
جالسة اقلب في الكتاب والملازم اللي ادتنا هيا
اشياء كثير جابتها فالاختبار من برا
كفاية الدوري الاول الله يهديها دخلت فقرتين من الجزئية اللي ماهي معانا
والمشكلة كل فقرة بدرجة
الدرجات جالسة تطيير
والمعدل ينزل
ايش رايكم باللي صار؟!
في احد انتبه ع اسئلة امس؟؟...مدري من وين جابتها
لازم مانسكت نرسلها ايميل نكلمها اي شي...ماهي سهلة لما تروح حقت 5 درجات ع الفاااضي
بليييز لاتنطشوا ردوا ...فانتظاركم

[كوكتيل انوثة]

لا اله الا انت سبحانك اني كنت من الظالمين
ياحي ياقيوم برحمتك استغيث
فاصلح شأني كله ولا تكلني الى نفسي طرفة عين

[% منو %]

الله يعينك يا كوكتيل من جد الاستاذه عفراء ما ادري ايش تبغى
وبعدين ما في فايده نروح لها
انا اخذت معاها صحه نفسيه ووقت المراجعه سألتها وحده من البنات يا استاذه الامثال والاشعار معانا
ضحكت وضحكت البنات عليها وقالتلها لاتسألو عن اشياء ان تبدو لكم تسؤكم
وفي الاختبار الكل تفاجئ انها جايبه امثال
الله يعين عليها بس حسيتها من النوع اللي ما تحب احد يسألها واي سؤال يتعلق بالاختبار تسأليه تجيبو لو يكون تافه

[S U H A]

ااااه لاحد يذكرني

الله يسامحها خلت ختامها مسك !!!

يعني انا اتوقعت ان بس انا اللي ماحليت والله اطالع في الاسئلة واحس يقهر اقول على قد مذاكرتي اشيااء كثيير اهملتها وجابتلنا فقرات مدري وين .. ولما سالت البنات يقولوا كلنا حلينا على عمانا

مسوية فيها اسالة ذكاء الله يسامحها

والله انا اتعودت مع ذي الاستاذة حتى لو انت وااثقة من حلك اقل شي تنقصي 4 او 5 درجات

زي السلام عليكم ماعندها مشكلة

والله شايلة هم الدرجة بس ان شاء اللله خير

ماعاد عندي امل اخذ في a :( .. بس ان شاء لله ياارب مانزل عن b+

:(

الله يهديها باذن الله ماعاد اخذ معاها ولا مادة


ان شاء الله نفرح بدرجاتنا

[كوكتيل انوثة]

طيب ليش نسكت مو حقنا
مو حرام نذاكر وتجيب اشياء من برا
مو كنا لمان نسألها تقول كل كلمة في الكتاب معانا
تجي دحين تجيب من برا
الانا المثلي والشعور وماشعور اكثر من فقرة جابتها
وربي حراااام
مرة شديت حيلي وتعبت وانا اذاكر عشان اعوض درجات الدوري
سهى ماهي قليلة ال4 و5 اذا الدرجة تنزلك من تقدير لتقدير:(

طيب احد عندو ايميلها؟!!

[كوكتيل انوثة]

ابغا ايميل استاذة عفراء
:(((((((((