رقم جوالي انفصل والبريد فيه مشكله كيف راح اعرف اني مقبوله باذن الله ؟

[لون الشمس]

بسم الله الرحمن الرحيم
السلام عليكم ورحمة الله وبركاته
اخواتي انا الحمدالله جاني مستوفي الشروط
بس عندي مشكله عويصه
رقم الجوال اللي حطيته انفصل نهااائي
والبريد اللي حطيته مدري وش سالفته الرسايل مره ماتوصل
وش السوااااااااااااات ؟؟؟
اذا انقبلت ان شاء الله كيف راح اعرف ؟؟
سبحان الله شفتو كيف الحظ يابنات هههههههههه
بليز يابنات ساعدوني وش لازم اسوي
الله يسعدكم يارب ولايحرمني منكم

[laff]

المكان الي كتبتي فيه الجوال
غيري الرقم برقم ثاني هاذي انسب طريقة

[لون الشمس]

حاولت اختي laff بس مارضت تجيني الصفحة حق المعلومات اللي كتبتها
الصفحه ثابته على صفحة " تم اجراء عمليه التدقيق .. والنتيجة هى
الطلب مستوفي الشروط "
الحمدالله على كل حال
طيب ممكن اتابع نفس صفحتي في موقع القبول الالكتروني ممكن تطلع النتائج هناك ؟؟؟

[جوانو.]

والله ماعندي خلفية اذا بتطلع في صفحة الطلب لكن الاخوات في المنتدى ان شاء الله يفيدوك

لاتقلقي كل مشكله ولها حل الله يسعدك ويوفقك يارب

[جرح الغلا]

لا تشيلي هم كل مشكلة ولها حل

اذااعلنت النتائج ان شاء الله بتعرفين من المنتدى

وشوفي صفحتك واذا كمان ما لقيتي نتيجة تقدرين تتواصلين مع برنامج الدبلوم

السليمانية او الفيصلية المكان اللي قدمتي فيه اكيد قوائم المرشحات تكون موجودة

بالتووووفيق

[عماد الحسن]

بسيطة إن شاء الله ،، تابعوا المنتدى لمعرفة كل جديد
والمطلوب من أي طالبة هو نفسه المطلوب منكم.. من المقبولين إن شاء الله.

[لون الشمس]

الله يعطيكم الف عافيه يارب
ويطمن قلوبكم مثل ماطمنتوني
شكرا لكم يابنات
الف شكر لك استاذ حسن الله يسعدك ويوفقك دنيا واخره
شاكرين ومقدرين تعاونك وتعبك معانا
الله لايحرمك الجنه قول امين
وبالتوفيق للجميع ان شاء الله