تعالو هنا الخريجين وطلاب المستوى العاشر

[Oo 3soOola oo]

مساء الخير

عندي استفسار بخصوص المواد والجدول

وابغى راي اهل الخبـــره

عندي خيارين

الخيار الاول

تطبيقات الشبكة البينية cpit405

ادارة قواعد البيانات cpit345

شبكات البيانات الاسلكية ( اختياريه ) cpit475

مستودعات بيانات وتنقيب (اختيارية ) cpit440

مشروع تخرج 1

الخيار الثاني

نفس المواد بس زيادة ماده

تقييم الاحتياجات والتكنولوجيا cpit435

من المستوى العاشر

اضيف مادة من العاشر ولا لا ؟

وخلفيتكم عن المواد ؟؟

وكيف حيكون اخر سمستر لو اضفت 3 مواد مع مشروع تخرج2 هل حيكون ضغط افيدوني

[3mOoRy]

انا اشوف انك تزيدي ماده من المستوى العاشر ., لان الترم هذا قصير واجازاته كثير فا حيعدي بسرعه ., فكري فيها وشوفي ظروف وقتك تسمح او لا .,
وبالتوفيق ..

[Oo 3soOola oo]

المشاركة الأصلية كتبت بواسطة 3moory انا اشوف انك تزيدي ماده من المستوى العاشر ., لان الترم هذا قصير واجازاته كثير فا حيعدي بسرعه ., فكري فيها وشوفي ظروف وقتك تسمح او لا ., وبالتوفيق ..

هوا لو اضفتها حاخفف الترم الجاي كثير بس مارح يصير عندي ولا بريك من 9 ل 2 محاضرات ,, وفنفس الوقت ماابغى اضغط نفسي لان الخطه الترم الجاي 10 ساعات بس

بالتوفيق للجميع يارب

ابغى وجهة نظر من جهة طبيعة المواد وين الخريجين ودعو المنتدى الظاهر؟؟

[رهين لحظة]

والله انا اشووف .. انه تخلينه زي ماهو .. عشان لا تضغطين نفسك هذا الترم ..
خذي السنة هذي كلها شي خفيف .. يعني لا تضغطين نفسك ترم على حسب ترم ..
وبالنسبة للترم الثاني .. مشروع تخرج 2 + 3 مواد .. انا اشوف انها كويسة ومو ضغط..
وبالتوفيق لك يارب :)

[Shining Dragon]

أنا أتحدث حسب خلفية زملائي عن المواد، أشوف الخيار الأول كافي جداً فالمواد المذكورة كلها دسمة في نظري. زي 405 و 440 و 475. وما يخفى عليكِ أن خانة المئات تشير لمستوى المقرر، فالرقم أربعة يشير لمستوى متقدم. أيضاً المادة 345 سمعت أنها تشبه 340 بشكل كبير.

أنا دائماً أشوف أن 5 مواد كافية لكن إذا كنتِ متعودة تنزلين 6 مواد -من نفس الكلية- فهذا أمر ثاني

وأخيراً ابحثي واسألي عن الثلاث مواد اللي حتنزليها مع مشروع التخرج 2 لأن معرفتك لصعوبة المواد حتساعدك كثير في اتخاذ قرار تنزيل مادة سادسة هذا الفصل.

موفقة يارب..

[Oo 3soOola oo]

ماقد اضفت اكثر من 5 مواد تخصص فالترم الواحد عشان كذ اخاف اتهور واضيف 6 مواد

انا قاعده اسال فالمنتدى لانو بنات 07 منقرضين


مشكروين عالردود

[Shining Dragon]

طيب ما عندكم مشرفة تساعدكم في اتخاذ القرار؟ لأن في زي هذه الحالات يساعدنا الوكيل الدكتور عبد الرحمن الطلحي أوالمشرف أي دكتور آخر يعرفنا

[it boy]

الخيار الاول

تطبيقات الشبكة البينية cpit405

ادارة قواعد البيانات cpit345

شبكات البيانات الاسلكية ( اختياريه ) cpit475

مستودعات بيانات وتنقيب (اختيارية ) cpit440

مشروع تخرج 1




ممتاز مع انه ضغط شوي عموما مادة تقيم التكنولجيا مادة مو ديك الصعوبة بس اشوف اكتفي بجدولك الي فوق احسن

[tooowwwt]

ما انصحك تضغطي نفسك في دوامك مو مستاهله والماده(٤٣٥) ما يحتاجلها تشيليلها هم تاافه جداً جداً
اللهم انها حفظ ولو كان إلي يدرسكم هيا اسئلته اختيارات متعدده فأبداً لا تشيلي هم

في وجهة نظري كل المواد حسب مين يدرسها ومين ماسكها
تحتاجي تسألي عن الدكتورات عندكم وكيف طريقتهم واسلوب تدريسهم في الماده
بس لا تشيلي واتوكلي على الله وبالتوفيق لك ولنا

[Oo 3soOola oo]

مشكوريين عالردود

حذفت 440 واضفت 345