وحدة وطن

[قلم الابداع]

وحدة وطن




لاحت بروق الشعر والرعاد يرزم في سماه
والغيم هلت وبلها واخذت عذب اجزالها


ورسمت قاف الشعر في دارآ ربينا في هواه
دار السعود ارض السعادة لا رحم عذالها


الساس والنوماس والتاريخ حنا من بناه
هام السحايب والنوايف غيرنا ماطالها


الصف واحد كالجسد والروح ماتسوى بلاه
والدم بالشريان مثل ابلادنا بابطالها


اللي يشيع التفرقه بارض الوطن حصل عماه
يوم ( ١١ ) مارس عميناهم وصار ادوى لها


اللي يطارد في سراب الارض يتعب من ضماه
واللي يبثون الفتن حنا نهد اقوالها


في ظل ابو متعب امن وامان عشنا في حماه
تبقى ويفنى الخصم ياشجرة تظل اظلالها


سنة وشيعه مانطيع اهل العقول المنقصاه
ياموطني وش هيبة اليمنى بغير شمالها


من حط دولتنا هدف مقصود يفنى مارماه
وقت المعارك نردع السيه بعشر امثالها


لا هبت الفتنة هبوب الحرب صدينا الغواه
حتى تحث العاصفة للمعتدي برمالها


حنا بحور بعمقها والبحر عمقه وش مداه
بحر الشجاعة والولاء وبحور ويش اهوالها


من حث ساقه للخطاء والشر يفشل في خطاه
يعثر وتعثر خطته ويخيب شر اعمالها


قلبآ تعلق بالفتن تصلاه ناره وآعناه
ماكل من بيت بنيه في زمانه نالها


ارض الوطن بارقابنا وارواحنا حنا فداه
اعشق ترابه عد مالغيمة همل همالها


حكم الشريعة نهجنا نتبع ونستضوي سناه
شمس الشريعة مشرقه والله يديم اطلالها


سلطان المالكي

[صوت الفجر]

صح لسانك

وسلمت على هذي الابيات

ماشاء الله لديك طاقه شعريه رااائعه ابدعت ،،

لك كل الشكر ،،

.
.
.

[قلم الابداع]

المشاركة الأصلية كتبت بواسطة صوت الفجر صح لسانك وسلمت على هذي الابيات ماشاء الله لديك طاقه شعريه رااائعه ابدعت ،، لك كل الشكر ،، . . .

صح بدنك وكلك صوت الفجر ..

والروعة تكتمل بحضورك ،،

اشكرك على مرورك وحسن منطوقك ~

[فرواله]

مبدع
كلمات رائعه
والله يديم الامن والامان على بلادنا
تقبل مروري سلطان
يعطيك العافيه

[قلم الابداع]

المشاركة الأصلية كتبت بواسطة فرواله مبدع كلمات رائعه والله يديم الامن والامان على بلادنا تقبل مروري سلطان يعطيك العافيه

الابداع بحضورك ~

والله يعافيك ..

شكرآ لمرورك العطر ،،

[нαмooḐ]

الله يديم وحده وطننا وامننا واماننا

[قلم الابداع]

المشاركة الأصلية كتبت بواسطة нαмooḐ الله يديم وحده وطننا وامننا واماننا

اللهم امين ..