الطالبات اللي كانوا مشتركين مع باص يدخلون

[ميعاد]

المشاركة الأصلية كتبت بواسطة إستثنائية المطرف في باصات و في سيارات .. انتي تختاري الي تبغي ..

اهااا

شكرا ياااعسل ..

[M!sS chocolate]

مارديتوا على سؤالي ....
إذا فرضا كنت أبغى أرجع البيت وقت البريك وبعدها أرجع للجامعه يجي باص لبيتي يرجعني للجامعه
لأنو أنا بيتي قريب من الجامعه حق 10 - 5 دقايق .. وفي عندي بريك ساعتين مرره طفش اني أجلس
ساعتيني كدا على الأقل أول أسبوعين لين ماألقى لي شله أجلس معاهم ..

[ساكنه في بيتنا]

خدي معاكي كتاب و سلي نفسك و اقرأي ولا لفلفي في انحاء الجامعه اتعرفي عليها :) ..

جربي دقي على المطرف و اسأليهم و ريحي دماغك :) ..

ربي يعينك يارب ..

[رندا البحري]

أكتر الباصات أشوفها في شمالية 2 إلي دحين غيروا إسمها خلوها شمالية 1 إلي خلف المبنى التاسع

[رندا البحري]

أبغى أسأل يابنات في باص مع حرمة ولا لأ

[أميرة الفولاذ]

المشاركة الأصلية كتبت بواسطة السكرتيرة(البحري) أكتر الباصات أشوفها في شمالية 2 إلي دحين غيروا إسمها خلوها شمالية 1 إلي خلف المبنى التاسع

في بنات يقولون أن الشماليه مو للباصات
أش هذا حيرتونا والله ياليت أحد يرد علي متأكد من كلامه

[رندا البحري]

أنا متأكدة لأن أطلع من شمالية

[شموع32]

شماليه1 هيه نفسها غربيه واحد الي عند العمادة يااميرة

[.,.نيــــــــــــــــــــران.,.]

غربية 1+2 هي اللي توقف عندها الباصات

[wan]

انا اقولكم

مواقف الباصاات تكون بين غربيه 1 و 2

هوا يوقف اول شي في 2 ( ينزلو البنات اللي يبغوا غربيه 2 )
بعد يروح غربيه 1 و ينزلو البنات اللي يبغوا غربيه 1 .

بالنسبه للي تقول بيتها قريب و تبغا ترجع وقت البريك إيوا ممكن

لأن الباصات كل ساعه في باص مثلن إنتي روحي البيت بباص الساعه 12 و تلت ... و قوليلو خلي باص الساعه 2 و تلت يجيني و هكدا ..

بالنسبه للي في مكه في باصات تودي و تجيب من مكه بس المطرف ما أدري والله

اللي سألت في حرمه في الباص ... لأ مافي .. بس الباص آمآن و في ستاره بينك و بين السواق و الباص مضلل .

و بوابه شماليه ممنوع وقوف الباصات فيها


و بالتوفيق