ملتقى مستجدين كلية الادارة والاقتصاد شباب \ بنات دفعة 09

[i!i! إيقـاع المطر i!i!]

السلام عليكم ورحمة الله وبركاته

حبايبي بعد مانزل التسكين والحمد لله كتير فرحوا زي وسرنا اقتصاد وادارة


خلينا نوقف مع بعض هنا ونحط طوبه طوبه للنجاح ..

اي اسئلة او استفسارات نجي هنا وندي الفايدة لبعض
وياليت كل واحد يقولنا ايش نفسوا يتخصص وليه .. وايش عندوا معلومات عن القسم الي يبغاه

وانا اوعدكم اول ماتبدأ الدراسة اي سؤال تسألوه حراجع الادارة واسألهم شخصيا حخصص يوم اروحلهم فيه اطرح فيه اسئلتكم

وان مافيها احراج تقولو معدلكم عشان نعرف مين مميز نوثق فيه :)



بس طلب صغنطوووط قد جناح الزبابه << سمعها من سوداني


لا احد يدينا كلام يقول اكيد بدون مايدينا مصدرو :)


ابدأ انا
انا جبت معدل 3.27 الحمد لله
ابغى قسم المحاسبة
او نظم المعلومات
المحاسبة لاني شاطر بالرياضيات وتاني شي رواتبها حلوة

نظم المعلومات لان عشقي الحاسب والبرمجه والتصميم وبرضوا حلوة رواتبها

بالتوفيق للجميع

[سمووي 1989]

حلووو ياليت يتثبت الموضوع والله انا عندي اساله للصبح
كمان ياليت اهل الخبرهـ يشاركوووناا

ومبرووك يامستجدين

[i!i! إيقـاع المطر i!i!]

حلووو ياليت يتثبت الموضوع والله انا عندي اساله للصبح كمان ياليت اهل الخبرهـ يشاركوووناا ومبرووك يامستجدين

ياليت يتثبت وانا اسألكم اهل الخبرة ونجيبلكم الخبر الاكيد :)

[روووني]

وانا كمان معاكم اداره واقتصاد

وعقبال ما نتخصص

[i!i! إيقـاع المطر i!i!]

بالنسبة للتخصص اتوقع بشكل كبير يكون بعد الترم الاول مو دحين

دحين حناخد مواد عامة

الي هيا مبادئ محاسبة

وبقية المبادئ

[سمووي 1989]

انا متخوف من المواد العامه هذي كفايه عقبات
انا ماخذ تحضيريه طيب ليش

[روووني]

احنا السنه التحضيريه على طول حنتخصص لانو خلاص اخدنا المواد العامه واللي مو متأكد يدخل على الخطه الدراسيه

لقسمو الا طبعا بعض الاقسام زي اداره اعمال واداره عامه يعني الاقسام اللي لها مسارات هي اللي فيها سنه عامه

[i!i! إيقـاع المطر i!i!]

طيب ياروني ادخلي الترم التالت لكل قسم وشوفي تلاقي نفس المواد

السنة التحضيرية مواد عامه للكلية الاقتصاد وكلية الاداب

اما دي مواد عامه لكلية الاقتصاد

ولا تتخوف ولا شي

خلاص اعتبرها مواد كلية يعني رسبت مارسبت انت طالب جامعي مثبت غير التحضيري لازم تكمل كل المواد عشان تروح الترم الي بعدو

خلاص دحين هم كبير انزاح

ندخل دحين نظام جامعي قديم زي الي قبلنا

[i!i! إيقـاع المطر i!i!]

الخبر دحين بفلوس بكرة ببلاش

نشوف مع بداية الترم اي مواد ندرس مواد قسم ولا مواد كلية

[روووني]

لاااااااااااااااا لاتقوولو حرااااام والله تعبنا

طيب عندي سؤال انا ابغا قانون دحين اتخصص فيه ولا بعد مااعدي المواد العامه دي وعلى اساس المعدل؟؟؟؟؟؟؟؟؟؟؟؟

وربي طفشنا