الفصل الصيفي

[noona]

السلام عليكم ,
ابغى اسأل لو سمحتواا الي اخذت هذي المواد تعطينا فكره عنها ..

صحة نفسية او اصول تربية اسلامية (حرة)
وصحة طفل او أطفال موهوبين ( اختياري)

لان هذي المواد الي منزلينها صيفي هذا الترم والي افكر اخذها لكن محتارة ايش رايكم .؟


صحة طفل اتوقع ( هدى جلال ) حتعطيها , واطفال موهوبين يقولوا ( منال مديني )


كمان عندي سؤال عن ثقافة اسلامية 3 , درجتي مانزلت بتكمل اسبوعين
في احد نزلت درجته ؟؟


لان مره طولت بصراحة ,

[أرووش]

اهلن نونا

انا ما اخدت دي المواد

بس د.منال قد درستني من قبل مرتين

مررررررررررره جيده بصراحه

وأنصحك في كل ترم تاخدي معاها مواد لو كانت تدرسها

مره انسانه عسسسسسل ومتفاهمه وطيبه وتسمع من البنات آرائهم وتحاول قد ما تقدر تسويلهم هيا

وكمان مو مره متشدده في مواعيد المحاضرات

يعني لو تجي على نهاية المحاضرة بربع ساعة عادي ما تقولك شي

وكمان هيا تغيب كتييييييييير

يعني خلي مادتها آخر حاجه عشان لو ما حتجي ترجعي البيت

وأحيانا تقول من قبل انها ما حتجي

دا بالنسبة للترم العادي

ما أعرف عن الترم الصيفي يمكن تكون مواظبة عالحضور

بالتوفيق

[Twix~}..]

صحه نفسيه كتير من صحباتي اخذوووها مرآآآآآآآآ حبووو الماده وحبو الاستاذهـ ..

خصوصا لو حتعطيها استاذهـ خديجة مشهووور .. وحتى لو اعطتها استاذه إقبال عطار يقولو برضو حلوه ..

........................

أصول تربية مرآآآآآآآ ما انصحك تاخذيها حره وصيفي ..

[إشرآقة روح..}]

دكتورة منال رهييييييييبة وذوق اخذيها معاها اي شئ

[روح الربيع]

من جد ( أطفال موهوبين ) مع دكتورة منال ؟؟ طيب اش رمزها ؟ ؟ ومتى وقتها ؟؟ وكيف المادة ؟؟

[الفراشة المتألقة]

أنا أخدت المادتين كلهم
صحة طفل مع د. هدى جلال ،، مررررررررة روعة المادة أنا طلعت فيها بـ98 الحمدلله .
هي عن أمراض الأطفال والتطعيمات والإسعافات الأولية للأطفال.

أطفال موهوبين أنا أخدتها مع د.مها أركوبي ، المادة حلوة بس الدكتورة ما أنصحك تاخدي معها أي شيء .
لو كانت مع د. منال مديني أتوكلي على ربك وخديها ، لأنه الدكتورة عسل ، بس مهم تكوني محضرة نفسك انك تحفظي تعداد ، لأنه دكتورة منال تحب التعداد ، وأسئلتها في الإختبار زي الأسئلة أيام المدرسة :)
عرفي / عددي / مالفرق ... الخ .

يقولو نازلة كمان مادة مشكلات سلوكية مع د.منال مديني ... أنا أخذتها مع د.نهلة قهوجي ومرررررررررة عسل هذه الإنسانة .

مادة صحة نفسية ، أخدتها أنا الصيف الماضي مع د. إقبال مررررة حلوة ، وأنصحك فيها .

موفقة يارب :)

[أرووش]

بنات متى موعد محاضرات صحة طفل وأطفال موهوبين وصحة نفسية؟؟؟

لأنو افكر اخد ترم صيفي

[المخلصه]

ربي يوفقنا جميعا براحه كان نفسي اخد صيفي بس مافي مشكلات خساره

[المخلصه]

موهوبين اتوقع من سبعة ونص لعشرة احد وتلوت

[الدنيامشاعر]

السلام عليكم بنات ..
كيفكم .. :)
امممم انا حابه اسألكم عن صحه نفسيه و مشكلات سلوكيه مفتوحه الترم الصيفي هذا او لا ...؟

بصراحه انا درست صحه طفل مع هدي جلال مره تجنن هذي الدكتوره .. انصحك تاخذي معاها ..