محتاجين شبكة وايرلس

[:. مآء السمآء .:]

المشاركة الأصلية كتبت بواسطة NOIR لا اسمحي لي له دخل !! 500000000 طالبة في الجامعة و كل وحدة تبغى تجيب لابتوبها عشان تسوي (بحث) انتِ تقولي لي انه مو كل يوم تسوي تصريح و انا برد عليكِ مو كل يوم عندك بحث احس الموضوع ما له داعي , في اشياء كثيرة في الجامعة من انشطة و غيرها تسد وقت فراغك اما النت متواجد في كل مكان و اذا تبغوا ؟! مين راح الي راح يتكلم ؟! تتوقعوا حيقرؤوا موضوعكم ؟!

عزيزتي..

اذا انت عندك نت في البيت وممشية شغلك عليه غيرك ماعندهم

واعتقد انت عارفه ايش يعني طالبة جامعة ومو متوفر لها نت

وقد ايه هما محتاجينه

ولاني على قولتك مو كل يوم عندي بحث فأكيد مو كل يوم راح يجيبوا اجهزتهم

والتصريح ماينعمل كل يوم عشان تقوليلي 50 الف طالبة في اليوم هو يوم تسويه وانتهى ومااعتقد انه يسبب الزحمه اللي بتقولي عليها

وبعدين لما اقولك انا عندي وقت بريك كثير انا اعرف انه اقدر اشغله بأي شي ان شاء الله اروح انام في المصلى اذا مرره طفشت ومالقيت شي يسليني

انا اتكلم عن الوقت الضايع وانت عندك شغل ثاني في البيت

ولو الجامعة مافيها نت ولا وايرليس نقول ماراح يجيبوه عشاننا لكن هو موجود ايش اللي بيضرهم لو فتحوه لنا

واحنا هنا نتناقش بغض النظر عن ان صوتنا وصل أو ماوصل..

[=--> (أخـــر همـــي) <--=]

اولا مرررررررره شكرا رواس عن جد موضوع رهيب كانك بقلبي كل يوم اقول لصحباتي متى يحطون لنا واير بالجامعه
ثانيا مررررررررررره شكرا لهمس الغلا عن جد ردودك رووووووووووعه
ثالثا

ابـــــــــــــــــــــغى واااااااااااااااااير بالجامعه راح اطق من طول بريكاتي

و بعدين وين التطور ومواكبه الحداثه الناس الواير عندهم سلام سلام واحنا اجهزه كبيره ونت يجيب الهم

واحب اضيف على كلام همس في بنات جايين من برى جده وساكنين في سكن والنت عندهم الساعه بثلاث ريال وشوفي كم ساعه تجلس الوحده على النت عشان تسوي بحث وتحل واجب وترسله بالايميل وتحمل برنامج مو متوفر على الجهاز يعني مسكينه متغربه عن اهلها وماتعرفي عن ظروفها وفوق هذا صرفيه على شي المفروض يكون موفر

واذا على زحمه البوابات ترى سبب الزحمه التفتيش على اللبس مو تصاريح اللاب توبات ههههههههههههههههههههه

اطااااااااااااااالب بالواير <<<<<<<تحسب انها في محكمه ههههههههههههههههههههههه


يسلموووووووو رواس على الموضوع

تقبلي مروري

[rawas]

NOIR

أهلاً وسهلاً اختي.. وأنا بالفعل اقدر رأيك.. بس الغالب محتاجه للدراسه مو للعب..
وبعدين وش يعني لا لعبنــا اساساً الواير موجود موجود ومدفوع سواء استخدمه واحد او 10 او حتى ولا أحد..

---

همس الغلا

هلا والله وغلا.. والله ياقمر أنا معاكِ بكل كلمة قلتيها..

---

المشاركة الأصلية كتبت بواسطة =--> (أخـــر همـــي) <--= اولا مرررررررره شكرا رواس عن جد موضوع رهيب كانك بقلبي كل يوم اقول لصحباتي متى يحطون لنا واير بالجامعه

العفو ياقمر.. وقلوبنا عند بعض.. وفعلاً الموضوع خلاص مايحتاج فاض بالقلب.. نور الصفحة بتواجدك..

[kikiwiwi]

من ناحية إحتياجنا فأتمنى يدخل و دائما نتناقش مع الدكاترة بكده..
بس مافي فايدة..

حاولنا بكل الطرق يمكن صوتنا هنا يوصل لعل و عسى <<< أحلام سعيد D:

أغلب أبحاثنا تكون قروبات..
يعني لازم نشتغل جماعي..
و فردي صعب كل حدة تمسك جزئية.. و صعب نتراسل بالإيميل خاصة انه البعض ماعندهم ايميلات مأساة

و الله يكسبوا فينا خير لو حطوه <<< ان شالله على السنة الجاية بعد التخرج ^ــــــــــــــــــــ^

[M!Ss AmoOoLa]

غريبه ؟؟

احنا في كلية العلوم جنب مكاتب الدكتورااات في وايرلس

وفي بعض الاماكن زي الملتقى على ماأعتقد سمعت انو في شبكة

بس في العلوووم اكييييد

[kikiwiwi]

للمعلومية فقط..

إحنا في الاقتصاد المنزلي نلاقي فيه وايرلس بس للأسف الشبكة ضعيفة فما نقدر نشتغل ^~^

بس الجامعة المفروض فيها تطور بس اللي شاطرين فيه يحطوا استبيان في الصفحة الرئيسية للجامعة ...

هل تؤيد استخدام الحاسوب في الجامعة ...................... طيب هيؤولنا الأوضاع

مو يكفي انه المعلومة ندوخ عليها بالنت لعل و عسى تطع

[:. مآء السمآء .:]

المشاركة الأصلية كتبت بواسطة غروور غريبه ؟؟ احنا في كلية العلوم جنب مكاتب الدكتورااات في وايرلس وفي بعض الاماكن زي الملتقى على ماأعتقد سمعت انو في شبكة بس في العلوووم اكييييد

صح فيه واير ليس


بس محمي بباسوورد

[M!Ss AmoOoLa]

المشاركة الأصلية كتبت بواسطة همس الغلا صح فيه واير ليس بس محمي بباسوورد

محمي باسورد في الكلياات والمباني الثانيه

لكن كلية العلوم في المبنى الأحمر >>>>>ثلاجة الموتى

تلاقي في الاسايب الي فيها مكاتب الاستاذااات في شبكه

وصحباتي اكتشفووا الشئ ,وطول الوقت مسنتريين هنااك

[kikiwiwi]

^^

خخخخخخخخ

من بكرة تلاقيهم بسكروه عشان تجمعات البنات :)

المشكلة وين إحنا ووين ثلاجة الموتى حقتكم <<< الله يعافينا

[kikiwiwi]

الملتقى فيه بس شبكة ضعيييييفة جدا يعني ما نلحق نفح صفحة النت إلا يكون قطع يادوب السكاي بي هو اللي يفتح ^ـــــــــــــ^