الرسم والماتلاب وغيرها.. استفسار مهم يفيدني ويفيد المستجدين

[Future ME]

السلام عليكم ورحمة الله وبركاته
اخواني المهندسين واخواتي المهندسات: لدي استفسار مهم يخص المواد اللي تشتغل فيها على برامج مثل الماتلاب والسوليدوورك.
احتاج شراء لابتوب جديد لأن لابتوبي القديم خلاص توفى، افكر اشتري ماكبوك اير واشغل عليه ويندوز بالبووتكامب.

سؤالي هو:- هل يكفيني الماكبوك اير لجميع سنوات الهندسة؟ ( ناوي اتخصص ميكانيكال ) ولا احسن اشتري جهاز اقوى زي الماكبوك برو؟ واذا عندكم اي افكار اخرى ممكن تقولولي عليها؟

اشكركم مقدما على تعاونكم والله يوفققنا جميعا.

[L.a.m.a]

أنا عندي ماك بوك برو i7 و 8 رام
نزلت عليه ويندوز بالبوت كامب ونزلت البرامج سوليدوورك وماتلاب وكان الوضع ماشي الحمدلله
حتى يعني لما كنت أشغل الجهاز ماتأثر نظام الآبل من السوليد وورك ، لكن ويندوز كان يسخن شوي
وسوليدوورك كان الكراك حقه مايزبط معي ع الماك فنزلته مرتين تقريباً لكن الماتلاب نزلته وزبط الكراك ماكان في مشاكل
لكن كنصيحة يعني اشتري ماك اير الجديد ولو عندك جهاز ويندوز نزل عليه البرامج
لأن البرامج هذه على الويندوز أريح وحتى لو واجهتك مشاكل ، اللي بالكلية مايفيدونك إلا للويندوز

لكن لو ماعندك ويندوز فاشتر ماك بوك ونزل عليه البرامج لأن التعامل مع الماك بوك ممتع ومافي مقارنة أبداً بالشبابيك