ممكن مساعده انا مغيرة تخصصي اقتصاد

[رنيم الشوق]

صباحكم ومساءكم ورد

انا كنت اداره عامة اخذت سمستر واحد فيها وحولت اقتصاد لاني اكره الحفظ

بس للان انا ماعادلت المواد << اللي عنده خبرهـ من هالناحيه يقلي وين اروح وايش اعمل بلييز

ثاني شي الخطه عندي رفعت ضغطي في اشياء كثيره مو مستوعبتها يعني التحليل الكمي والاحصائي 1

اتحذفت من الخطه طيب ليه وش السالفه

ثالث شي ابغى انزل هذا المواد السمستر دا ( تحليل كمي 2 - مبادئ اقتصاد جزئي - محاسبة 2- وثقافة 3- ماليه عامه ) ادوني رايكم

وباقي لي المواد دي ( بنك ونقود وتحليل اقتصاد جزئي ومبادئ اقتصاد كلي وتحليل احصائي 2 )

اتوقع المواد كلها دسمه ساعدوني ايش اعمل ابغى السمستر يكون مرن معي ومااتعب فيه

وكمان ابغى معدلي يترفع

[أبــــرار]

التحليل الكمي و الاحصائي يقولو خلوها لنا ماده اختياريه عن 4 ساعات
لانو ماسارت بالخطه زي اول ..

و جدولك اشوفو مره سهل بالنسبه لترم كلو اجازات و حيكون مافيه ضغط كتير زي الترم التاني

و امم مادة ماله عامه ماتقدري تخديها لانو من متطلباتها اقتصاد جزئي وكلي

نصيحه مني نزلي اقتصاد كلي كمان الترم دا .. << بدل ماليه عامه
لانها متطلب لكتير مواد زي اقتصاد دولي ورياضي واسلامي و نقود و بنوك .. وكتير مواااد

[أبــــرار]

صح كمان انصحك بالدكتوره ايمان حسن

في مادتين اقتصاد جزئي وكلي .. الاتنين خديها عندها لانو المادتين سهله وترفع المعدل ان اخدتيها عن احد كويس

ونصيييييحه ابعدي عن لمياء ششه

[soso139]

المشاركة الأصلية كتبت بواسطة أبــــرار التحليل الكمي و الاحصائي يقولو خلوها لنا ماده اختياريه عن 4 ساعات لانو ماسارت بالخطه زي اول .. و جدولك اشوفو مره سهل بالنسبه لترم كلو اجازات و حيكون مافيه ضغط كتير زي الترم التاني و امم مادة ماله عامه ماتقدري تخديها لانو من متطلباتها اقتصاد جزئي وكلي نصيحه مني نزلي اقتصاد كلي كمان الترم دا .. << بدل ماليه عامه لانها متطلب لكتير مواد زي اقتصاد دولي ورياضي واسلامي و نقود و بنوك .. وكتير مواااد

من جد خلولنا الكمي و الاحصائي اختياري؟
انتي دفعة كم ؟
و متأكدة من دا الكلام؟؟
من أول أنا يدور فبالي هذا السؤال

[رنيم الشوق]

ابرار مشكوووره ياقلبي

بس اذا نزلت اقتصاد جزئي وكلي مايصير ضغطي عليا ؟؟

وانا اللحين داخله مستوى رابع ابغى ارفع المعدل اهم شي عندي

[أبــــرار]

سوسو انا 09 و سمعت كل البنات اللي راحو سألو قالولهم كدا ..

رنيم الشوق انا درست كلي وجزئي بترم واحد ماحسيت بصعوبه .. يعني في فرق بين المادتين

اهم شي خديها الاتنين مع ايمان حسن

[رنيم الشوق]

اوك مشكووره ياقلبي