اللي أخذو سلوك حيوآن و وبيلوجيآ جزيئيه ...في الصصيف

[dooodah]

اللهم آمين توكلي على الله

[أحلى حلم ...]

طيب الموآد الحره تعرفي أي مآده تكون حلوه و سهله و أتطمن من نآحيه الدكتورآت .!؟

[dooodah]

انا اخذت مادتين حرة فالصيف وبيلوجيا

شوفي الاقناع مرررررررررررررررررة حلوة المادة وسهلة وتتغير من دكتورة لدكتورة لكن ماقد عمري سمعت وحدة تتكلم عن المادة والدكتورة الا بكل خير الله يسر امرك

وعلم انسا ن المادة اول بابين فيها غثا بس الدكتورة تجنن هي الي محلية المادة واسئلتها صح وخطا واختاري

وصراحه المادة محد يجيب عندها اقل من 80 واذا انتي من النوع الي يذاكر والاسئلة موضوعي راح تجيبي عالي

الله يوفقك ان شاء الله والببنات كلهم ويسر امرنا

[n zeen]

سحر مليبارٍي شرحها كويس بس
تخسفك فـ درجات الحضور ! .. 10 درجات على الحضور

اما دكتورة سوزان بابكر ادتني السنه اللي فاتت بيولوجيا جزيئية .. وصراحة هيا دكتوره روعةة ممتازه تفيدك كثير
قالت لي انو طفشت من تدريس المواد هذه
تبغى تدرس مادة انسجة لانو هذا تخصصها ..

[أحلى حلم ...]

ربي يسهلكم آموركم

طيب ممكن أعرف معمل البيلوجياء الجزيئيه أيش فيه و تطولو في المعمل يعني مثلا أذا بديتوا الساعه 2 تخلصو كم ؟
وكمآن معمل سلوك حيوآن بنفس الشيء تطولو ؟
ومعمل الطفيليات و معمل الثديات و معمل الطيور و معمل الحشرت <<< أيش خليت مآ قلته >_<


وكمآن د. سوزآن قآلولي مره لا تآخذي عندهآ كله انجليزي و في البدآيه كآنت تترجم و بعدين لا
و كمآن تتعبي و أنتي تترجمي علشآن تذآكري ..!؟

[n zeen]

احلى حلم سلآم .. (:

وكمآن د. سوزآن قآلولي مره لا تآخذي عندهآ كله انجليزي و في البدآيه كآنت تترجم و بعدين لا
و كمآن تتعبي و أنتي تترجمي علشآن تذآكري ..!؟

^ شوٍفي الصرآحة انا اخذت معاها الترم اللي فآت مو الصيف لا الترم العادي ..
دكتوره جدا مممتازه يكفي انها اخذت الدكتوراه من امريكا ..
اول شي هيا توزع علينا فـ كل محاضره ورق يمكن 5 اوراق .. وتبدا عرض البور
كل كلمه تقولها بالانقليزي تعطينا العربي حقها .. وهيا مصطلحات العضيات اللي فـ الخلايا
لين تعودنا ما نقولها ابدا بالعربي !! .. يعني بجد تستفيدين
اول اختبار من 10 كلنــا جبنا الكامل فـ صارت تصعبو شويا شويا لانو بجد كان تافه
تقرا لنا الاساله ومن لما تقرا نفتكر المحاضره ..
البرزنتيشن حقها لازم تسوي لها الموضوع وتقومي تشرحيه .. عليه 10
تعلمك كيف تشرحي وتوقفي وكيف عرضك يكون منسسق ..
غير كذا مستحيل تعطيك اقل من 9 ..
الماده جبت فيها 98 وحتى اسئله النهائي جات غريبة بس حلينا فيها مررره حلوه ..
الدكتوره طيوبه تاخذ وتعطي مع البنات ..
الكتاب حق الماده اساسا انجليش موش موجود فـ السعودية .. عشان كذا كانت تطبع لنا فـ ورق وتجيبه
والمنهج كان قليل السنه هاذي قالت لنا حـ تزيده كذا محاضره ..
قلت لها ما حـ تدرسي ماده ثانيه قالت ابغى اطلبهم ادرس انسجه السنه الجايه لانو طفشت من الجزيئيه
ابغى ادرس تخصصي ..
وان شاء الله حـ اخذ معاها ..
المعمل كان مرررره خفيف مع احلا استاذتين ممكن يدرسوك .. استاذه دانيا موصلي والثانيه ناجية..
معروفين يحذفو لك ثلاثه ارباع الملزمه .. والاختبار ما تطلعي منو الا وهوا كامل ان شاء الله