تفزلوو شرح شابتر 4 لمادة الحوسبة 201 ^^..

[asma'a]

السلام عليكم ورحمة الله وبركاته ^^..

اعذروووني عالتأخيير.. بس الأيام اللي فاتت كنت متبرية من شيء اسموو دراسة

بس كنت أنام واًصحى وأنام وأصحى وأرجع أنام............. الخ <== يعني باختصار ماسويت اي شيء مفيد في الحياة ..ندخل في صلب الموضوع احسن

ححاول كل ماأفهم جزئية.. اكتبها وأنزلها في المنتدى ^^...

وتفضلو هذي الجزئية اللي خلصتها للحين ^^..

ص 78

(logic operation at bit level)

في حالة الـ not.. كأننا نعمل flip للعدد.. يعني لو 0 حنحوط 1.. ولوو 1 حنحوط 0..

^

هذا يسمي unary operator عشان بس input واحد..

والباقي كلوو حيكوون binary operators عشان two inputs..

في حالة الـ and.. لما يكونوو الـ two inputs = واحد حيكون الـ output بواحد.. لكن باقي الحالات حيكون صفر..

في الـ or.. لما يكون واحد من الـ input = 1.. حيكون الـ out put = 1.. يعني ماحيكون الـ output = صفر.. إلا لو المدخلات كلها تساوي صفر..

في الـ xor.. عند اختلاف المدخلات حيكون الـ output = 1.. لكن عند تشابه المدخلات.. حيكون الـ output = 0..


ص 80

هنا حيكون at pattern level .. نفس الافكار بس حيكون خانات كثييير ^^..

ص 81

* هنا يقلك لوو نبا نجيب المكملة للعدد نستخدم الـ not..

*ولو نبا نعمل unset لخانات محددة.. نستخدم الـ and.. <== هنا المسائل حتجيكي كذا..
حيقولك اعملي unset لـ five rigtmost bits (0101110(..

اول شيء نجيب الماسك حق العدد.. في حالة الـ unset.. حنحوط صفر تحت الخانات اللي طلب نعملها unset.. وباقي الخانات نعبيها بواحد..
يعني الماسك في ذا المثال حيكون.. (110000)..وبعدها نعمل and.. للعدد الأصلي مع الماسك حقنا.. وحتكون النتيجة كالآتي.. 0100000
لو لاحظتو في النتيجة البتز اللي ماطلب نعمل لها unset نزلت زي ماهيا.. لكن اللي طلب نعمل لها unset نزلت بواحد..

طبعن يقصد بـالـ unset يعني ايقاف تشغيل ^^..

*ولو نبا نعمل set لخانات محددة كمان نستخدم الـ or.. يعني الـ and تستخدم لايقاف التشغيل والـ or للتشغيل.. يعني هنا نحوط 1 تحت الخانات اللي نبا نعمل لها set .. وباقي الخانات نحوط تحتها صفر..

شوفوو مثال 4.8 يقلك سوي set for the five leftmost bits.. العدد 10100110 ..
أول شيء نجيب الماسك .. حيكون زي كذا.. 11111000 وبعدها حنعمل للـ input والماسك .. or .. وحيكون الناتج 11111110
لوو لاحظتوو هنا كمان.. ماراح يتغير غير اللي حطينا تحتها واحد وحتنزل بواحد ^^.. والباقي حينزل زي ماهوا ^^..

* ولو نبا نعمل flip لخانات محددة .. نستخدم الـ xor.. ركزوو ي حلوين .. الـ xor يعمل flip لخانات محددة.. لكن الـ not يعمل flip للعدد كلوو .. وهنا كماااااان نحوط 1 تحت الخانات المطلوبة وباقي الخانات نحوط تحتها صفر..

شوفوو مثال 4.9 .. المطلوووب flip the five leftmost bits (10100110)
نجيب الماسك.. نحووط 1 تحت الخانات المطلوبة وباقي الخانات زي ماقلنا نحوط تحتها صفر..
الماسك حيكون 11111000 .. وبعدها نعمل xor ..وحيكوون الناتج 01011110
وهنا كمان ^^.. ماتغير غير اللي طلب نعمل لها flip .. والباقي حينزل زي ماهوا ^^..

ص 83

Shift operations ..
تنقسم لقسمين..
1- logical shift operation
وهذي كمان حتنقسم لقسمين..

a- logical shift
- right
مرة بسيط الشفت هنا.. حندخل صفر من اليسار.. وبعدها كل الخانات حتتحرك لليمين.. واخرررر خانة عاليمين حتكون lost .. اي تفقد..
- left
هنا حندخل الصفر من اليمين عشان نحرك الخانات ع جهة اليسار.. وكمان هنا ااخر قيمة عاليسار حتفقد..
b- circular shift
- right
هنا حناخذ اول قيمة عاليمين ونحوطها في الـ leftmost bit.. وبعدها نحرك الخانات عاليمين ..
-left
هنا حناخذ أول قيمة من اليساار وحنحووطها في الـ rightmost bit.. وبعدها نحرك الخانات عاليسار..

* لوو لاحظتوو هنا ماحنفقد ولا عدد.. عشان الفكرة هنا انوو ي ناخذ اول قيمة من اليمين او اول قيمة من اليسار وندخلها الجهة الثانية.. وبعدين نحرك الخانات ع حسب المطلوب right or left ..

2- Arithmetic shift operation

- rigt

هنا الفكرة انوو حننسخ الـleftmost bits .. يعني لو مثلن اخر خانة عاليسار كانت 1.. حننزل 1 وكمان حنزل الواحد الثاني اللي نسخناه.. ونفس الشيء لو كان صفر حينزل صفرين.. وبعدين عادي نحرك الخانات عاليمين.. وطبعن اخر قيمة عاليمين حتفقد..

- left
هنا حندخل الصفر من اليمين عشان نحرك الخانات ع جهة اليسار.. وكمان هنا ااخر قيمة عاليسار حتفقد..

* الـ left في الـ logical والـ left في الـ Arithmetic نفس الفووكيرة ^^..

* ملاحظة.. يقولك الـ Arithmetic rigt shift حيكون كأنك قسمتي العدد ع 2.. اما Arithmetic left sheft حيكون كأنك ضربتي العدد في 2 ... هنا حتحتاجوو تعرفو دا الشيء لما يقولك evalute.. طبعن لما يكون العدد موجب نجيب الديسمال عادي.. لكن لو كان العدد سالب.. اول شيء نجيب الـ two's complement وبعدين نجيب الديسمال .. وحوط الاشارة السالبة للعدد وبعدها نبدأ نختبر العدد..
شوفو مثال 4.12 .. عشان العدد سالب احتجنا عشان نختبر العدد انو نجيب الtwo's complement .. وبعدين حولناه لديسيمال واضفنا الاشارة السالبة.. وعشان هنا قالنا right shift .. حنقسم العدد الاصلي ع اثنين ونشووف هل الناتج يساوي العدد after shift .. اذا طلع يساويه.. يعني العملية صحيحة.. لوو طلعت القيمة خاطئة.. حيكون عندنا overflow or underflow.. زي مثال 4.14


ص84

* يقلكم الـ Arithmetic shift مايغير الاشااارة حق العدد ابدن ^^..
لأن الـ Arithmetic right sheft يحتجز الاشارة حق العدد.. لأنوو ينسخ آخر خانة في اليساار .. فحيحافظ عالاشارة..
لكن ممكن في حالة الـ Arithmetic left sheft تتغير الاشارة.. يقولك لوو تغيرت الاشارة.. حتكون القيمة الجديدة after sheft غير صحيحة .. وقد يكون حصل overflow or underflow..




مثال 4.15.. هنا هوا طلب قيمة الـ c..

حنعمل shift لليمين لين تصير الـ c اول خانة عاليمين..

الفكرة هنا .. لأنوو احنا نبا نجيب قيمة الـ c لوحدها.. واضطرينا ننقلها اول خانة عاليمين.. عشان لوو جبنا الـ decimal هنا.. حنضرب العدد في 2 أس صفر يعني يساوي 1 .. يعني لو ضربنا العدد في واحد حيعطينا العدد c بدوون اي اضافة ^^.. على عكس لوو كان العدد في النص اوو ع اخر خانة عاليسار ^^..

وبعد مايصير العدد عاليمين.. نجيب الماسك حقوو.. اللي هوا حنصفرررر كل العدد ماعدا الخانة المطلوبة حنحوط تحتها واحد.. عشان احنا نبا قيمتها..

واستخدمنا الـ and هنا عشان نقدر نصفر بقية الأعداد.. وتنزل الـ c لوحدها ^^..

في ذا المثال قال.. إذا كان ناتج الـ c and 1 = 1.. فالـ c هنا حتساوي 1
أما إذا كان ناتج الـ c and 1 = 0 .. فالـ c هنا حتساوي 0


إن شاااااااء الله يكوون شرحي واضح ^^..

وححااول بإذن الله أحووط تكملة الفصل اليووم.. ولوو ماقدرت اعذرووني واصبروو علي لبكرة ^^..

دعواتكم ^^..

بالتوفيق للجميع

دمتم بخير ..