محتاجه مساعده ورفع معنويات

[مقلوقه]

السلام عليكم ورحمه الله وبركاته

سجلت بالنت عالانتساب السنه الي فاتت بس ماارسلت اوراقي

والسنه هذي جيت بسجل بالنت قال ان انا تسجيلي موجود سابقاً بس ادخل رقم الطلب والرقم السري او رقم السجل المدني والرقم السري

تيب الرقم السري انا متأكده منه ميه بالميه

كتبت الرقم السري ورقم السجل المدني ويقولي تأكد من الرقم السري او رقم السجل المدني وجلست اعيد واعيد ونفس العباره تأكد

رقم الطلب نسيته

ضغطت على اني نسيت الرقم السري وسويت الخطوات المذكوره وارسلت بالجوال وماردو علي

ارسلت الرساله مرتين ودي اقولهم رجعو فلوسي يانصابين خسرتوني ريالين ومارديتم علي

امي تقول دايم انا منحوسه

رقم جوالي هو نفس رقم الجوال الي سجلت فيه السنه الي فاتت ماتغير

جامعه الملك عبدالعزيز معها عرفت معنى الصبر

صار الي معاه شهاده ثانويه يعتبر أمي

الي يقهر اكثر انا متخرجه السنه الي فاتت بنسبه 85 حتى كليات التربيه تتطورت منفوحه تكبرو كانو يقبلون لـ 66 وقفلو السنه الي فاتت عالانتضام على 87 بقي نسبتين بس ويقبلوني انتضام صدقت امي انا منحوسه

يالله اتخيل الي بقيلهم بس نسبه ولا نص وينقبلون لو مكانهم انتحر

احتاج لحلول مخي مقفل واحتاج حتى لرفع المعنويات

ومشكورين مقدماً

الله المستعان


<<<< حبيته حلو هالسمايل

[!!توصي شيء!!]

هلا فيك أختي ،،

ما يحتاج تتكدرين الدنيا ما بتطير ،،

هدي بالك شوي وروقي ،،

إنتظري رسالتهم ما دام إنك راسلتيهم ،،

وإذا ما ردوا عليك أنا أروح عمادة القبول والتسجيل يوم السبت واسأل لك ،،

بس انتظري ردود الأعضاء هنا وإن شاء الله يفيدونك ،،
.
.
.
أختك
!!توصي شيء!!

[محـ الـرياض ـمد]

حي مقـلوقـه عسى القلق بعيد عنكِ إن شاء الله

نفس ذا المشكله صـارت مع صديق لي بالعمل

الرقم السري كل فتره يكون غلط ببداية تسجيله

قلت ياولد تبي نمشي نغير جو قال انت مهبول

تغير جو تروح تتمشى 1050 كيلو هذي تمشيه

قلت عادي لو تبيني امشي بالريوس ماعندك مشكله

وتراي اقدر بعد امشي بالظهر والنور طافي . .

مالك بالطويله رحت انا وياو صبحناهم بذا الوجيه

على الصبح الي يشوفن يقول من اي مقبره طالعين .!؟ < الخالق

الناطق مثل تسذا

دخلنا عليهم عاد خويي ذا ملوسن لسانه يلوط اذانه

ما يستحي مثلي وخجول < بررى

دخلنا على عمـادة القبول والتسجيل إلا ذاك الرجال


قلنا له السالفه تسذا وتسذا وتسذا قال مايكون خاطركم إلا طيب

دخل على السجل امدني حق الرجال إلا هو مسدد وخـالص وهو

يقلب وجه الوال تسنه اليوم العالمي للمرور السري . .

إلا اللإيصال واصلن لهم بالسداد والتسجيل كله تمام . .

وهذا هو كل ترم ناقزن معي يبي يروح لجده . .

قلت خلك مثلي واجتهد شفن راحت السنين ماحدن درى عنها

راحت ثلاث مستويات ماحدن ردى عنهـا وإنشاء نسأل الله التوفيق

يعني شوفي لتس اي واحد من الي تعرفينهم من جده

إذا منتي من اهلـها يمر عليهم ويحتسي معهم عساهم يفيدونك

ادري راعي طويله بس العمل اليوم ماهنا ضغط وإحساسي يقولي

هناك من يستنجد إلا تجين الفزعه حسيت اني طرزان . .

الله يكتب لك و لنـا التوفيق بإذن الله . . اتركك برعاية الله
< حس انه ذرب

[يلدرم]

اتصلي بالموظف واشرحي له وضعك

026952222
ان شاء الله يفيدك

[أميرة الخريف]

من سار على الدرب وصل
وأتركي عنك التشائم تراه يدهور اللي مايتدهور
وسعي خاطرك وأتصلي وإذا مانفع شوفيلك أحد يروح للجامعه ويسألك
وترى منتي أول وحدة هذا أنا خويتك قدلي سنتين بالبيت توما أصدرت الأوامر المنزلية أوامرها بتقديم أوراقي وأن شاء الله أقدمها يوم الأحد أو الأثنين والله ييسر لي ولك وللجميع
تحياتي