تحويل من علمي لاداري ...... طلب فاىده من الجميع

[Dosh]

بسم الله الرحمن الرحيم

مرحبا ...

كيف حالكم ان شاء الله كويسين

داخله واملي كبير فيكم انكم تفيدوني

انا طالبه بالسنه التحضيري علمي

الصرراحه ومن انا بالثانوي كان في بالي ادخل اداري

لانو مررره كونت حابه ادخل لغات وترجمه

بما انو انا بالاصل كونت بالثانوي علمي

انا حابه اخد استفساارات منكم لانو خبرتي مو قد كدا

واتمنى انكم ما تحبطوني

اول شسء حابه اعرف هل يوجد دا القسم وانفتح عندنا (لغات وترجمه)

تاني شيء زي ما قولت انا علمي واختبرت اول ميدتيرم وبصراحه كانت درجاتي مابها شيء

حلوه بس كتير في بالي اني احول اداري واحس اني ماراح اقدر اكمل بالعلمي

عارفه اني جالسه احبط نفسي بس انا اعرف لو دخلت اداري حشد حيلي وحجيب مجموع

ياليت تنصحوووني باللي جالسه افكر فيه .... والله محتاجه نصايحكم

وابغى اعرف كيف راح احول اداري .. بنت خالي قالتلي انو قبل الميدتيرم التاني يفتحو تحويل

ياليت اللي عندو اي معلوميه بالموضوع يفيديني

لانو بصراحه مع تحطيم الجامعه ما اعرف ايش راح يسير وكمان مجال العلمي ما احس انو راح اجيب مجموع ادخل في شيء حلو

وياليت اي احد اداري يديني معلومات كيف كان السيمستر معاه وهل هوا قسم حلوو او لا

الله يسعد كل من يسااعدني ويوفقو ويعطيه على قد نيتو ياااارب ويتحقق اللي يتمناه

بانتظاركم

تحياتي /
dosh

[ǁ غــلأآإ ، رٍوٍحــي ǁ]

^^

التحويل يكون أول اسبوع من بدآيه الترَم تروحي للعماده وتقدمي معاملة لهم :)
ولآزم تختبري اختبار قبل دخول القسم لو اجتزتي الاختبار رآح تدخلي القسم
اما اذا مانجحتي فيه رآح تدخلي اي تخصص آخر في الادآب

[Shine]

فيه ادب انجليزي ما فتحوا ترجمة للآآن
اهم شيء استخيري
بالتوفيق

[Dosh]

ǁ غــلأآإ ، رٍوٍحــي ǁ
&
Shine

مرررره مشكورين على ردكم انا اليوم شوفت وحده قدمت اعتذار بس والله مافهمت كيف الاعتدار قالو لها راح

يعادلو لها الاحصاء والانجلش والله مافهمت لو احد عندو فكره عن الاعتذار يفيدني

ومماقصرتو ويسلمو على ردكم لا خلاا ولا عدم منكم

وحابه ردود اكتر بليز بدي اعرف نصائحكم تجاه موضوعي

[ǁ غــلأآإ ، رٍوٍحــي ǁ]

^^

الإعتذار غير متآح للتحضيري ،
ولكن اذا عندك ضروف قآهره تقدميها للعمآده وهما يشوفوآ لو تستحقي الاعتذار او لا /

[سأهزم المستحيل!]

وأنا عندي سؤال للجميع
وخصوصآ(غلاروحي)الله يسعدك ياارب
أنادرجاتي في الميدالأول مررره موكويسه..بس حابه اعطي نفسي فرصه ثانيه في الميد2
سؤالي-لاقدرالله-وجبت درجات سيئه وحبيت أحول أداري,,أقدر؟ومتى؟
عشان لاأتعبك أناعارفه أني أقدرالترم الثاني..ولكن كيف يحسبوا الدرجات تبع الترم الأول واناكنت علمي؟؟يعني موادعلميه كيف يحسبوهالماأجي اتخصص؟؟وكيف وضعهافي النسبه الخاصه؟؟
والأداري أدرس سنه كامله ابتداءآمن الترم الثاني وإلاكيف؟؟؟

ياليت تفيديني لأني مرررررره حيرانه وقلقانه...أخاف أضيع نفسي لاعلمي ولاأداري؟؟وماابغى انسحب وأجلس في البيت
ومشككككككوووره مقدمآآآ

[ǁ غــلأآإ ، رٍوٍحــي ǁ]

^^

أولآ : بدآيه الترم اول اسبوع تروحي تقدمي معامله وكل شئ وان شاء الله يتم قبوله
ثآنيا : هنآك في مواد تتعادل مثل " الانجليزي " لانها مشتركه بين المسارين
ثآلثا : بقيه الموآد تفضل موجوده ف الجدول وفي نسبتك الخاصه وتضاف اليها بقيه مواد التحضيري لمسار الإداري
مافي شئ يتلغي من الجدول الدرآسي

[سأهزم المستحيل!]

طيب الترم الثاني يكون أول تحضيري اداري...
في الصيف أيش وضعي....!!أكون أنهيت التحضيري وإلا أكمل الترم الثاني(في الترم الأول )من السنه القاادمه؟؟

ولو انسحبت من الجامعه بعد الترم الأول(بعد إختبارالفاينل).....عادي ارجع السنه الجايه واسجل كـ(مستجده)؟؟؟

[ǁ غــلأآإ ، رٍوٍحــي ǁ]

المشاركة الأصلية كتبت بواسطة سأهزم المستحيل! طيب الترم الثاني يكون أول تحضيري اداري... في الصيف أيش وضعي....!!أكون أنهيت التحضيري وإلا أكمل الترم الثاني(في الترم الأول )من السنه القاادمه؟؟ ولو انسحبت من الجامعه بعد الترم الأول(بعد إختبارالفاينل).....عادي ارجع السنه الجايه واسجل كـ(مستجده)؟؟؟

يب رآح تدرسي اول ترم تحضيري إداري الترم الثاني ،،
والصيفي اذا تبغي تاخذي كم ماده بس ، والترم الأول من السنه الجديده تكملي مواد الإداري كممآن

---

اما لو انسحبتي وتبغي تكملي وتسجلي كطالبه مستجده ، فعادي تقدري ،
ولكن افضل إنك تسحبي منتصف الترم الثآني ، يكون عرفتي وضع الجامعه واختباراتها
ولمن ترجعي تعيدي التحضيري يكون عندك خبره أفضل :)

[سأهزم المستحيل!]

يااااااااااارب يسعدك ياغلا رووؤؤحي ويوووفقك ياااحي ياااقيوووم
مشكووؤؤؤره كثيييييييييييير ع الإفاده الله يوووفقك يااارب
عاااادي أكمل لنص الترم الثاني وش وراي؟؟وع قولك أفضل
لكن كنت خااايفه أني لمااعدي الترم الأول ينحط معدلي وماينلغي حتى لو رجعت وسجلت مستجده
دااام كذا الحمدلله..
اللهم لك الحمد على كل حااال(وأنا بحااااول ومااااراح أستسلم بإذن الله)بس حبيت أتطمن ع وضعي لوو مامشيت أقدر ألحق نفسي..
ولقيت عندك إجابه وااافيه كااافيه...الله ييسرلك كل عسير يااارب