الاختبارات والتفاصيل ├ طلاب الرياض ┤

[► البدر ◄]

لطلاب 2010

هذا الموضوع حبيت اوضح فيه بعض الاشياء اللي صارت معنا بالاختبارات الفصلين اللي فاتت
وتقريباً هي اللي راح تصير معكم بخصوص طريقة اختيار مكان الاختبار ومواعيد الاختبارات

حبيت انقل لكم هالشي للفائده وهي بالتفصيل :

.

.

اول شي بخصوص الاختبار خارج جده ( اذا حبيت تختبر بالرياض ) بحكم اني من الرياض نزل لنا وقتها موعد للتسجيل عبر الاوديوس وسجلت وطبعت المعلومات والاسم والجدول ورحت لاقرب فرع لمعهد العالميه بالرياض ودفعت لهم 1000 ريال (قيمة الاختبار بالرياض لفصل واحد)
بعدها راح يعطونك العالميه ورقه او ايصال،،،(تحضره معك وقت الاختبارات)

* * *

بالنسبه لمكان الاختبار بعد ما تسجل :
معهد العالميه بعدها بكم يوم راح يبلغونك برساله على جوالك بالمكان اللي راح يكون فيه الاختبار طبعا هم يستأجرون قاعه تختبرون فيها ..
بالفصل الاول اختبرنا بقاعه بالدائري الشمالي مخرج 6 << اختبرت وقتها في القاعه على الكوشه

الفصل الثاني اختبرنا قريب من مخرج 8 اللي هو فندق مدرايم كروان ( الفهد كروان سابقاً )

طبعاً المكان احتمال يتغير من فصل للثاني يعني مو ضروري انه راح تختبرون بنفس الاماكن

* * * *

بالنسبه لوقت الاختبارات :
كانت من السبت الى الخميس كل يوم اختبار ( على حسب عدد المواد،،يعني يمكن هالترم تختبرون من السبت الى الثلاثاء فقط لانه تغير عدد المواد )
بعضها اختبرنا الساعه 4 وبعضها الساعه 7 مساء

* * * *

بخصوص طريقة الاختبارات :

لكل المواد كانت الاسئله بطريقة (صح) و ( خطأ ) او اسئلة اختيارات ولا اذكر اي ماده اتى فيها سؤال انشائي . .

* * * *

هذا تقريباً المهم ولو فيه اي استفسار تفضلوا ويمكن يتغير شي من الجامعه الله اعلم ولكن هذا اللي صار بالتفصيل

بالتوفيق للجميع

ALBADR

[فلها وربي يحلها]

طيب ماعندنا غير خمس مواد ليش ست ايام يعني فيه فاصل بالنص طيب والرياضيات اختبارها كمان اختياري يعني مافيه حل معادله كامله بس يكون اختياري او صح وخطا ومشكور ما تقصر

[► البدر ◄]

المشاركة الأصلية كتبت بواسطة فلها وربي يحلها طيب ماعندنا غير خمس مواد ليش ست ايام يعني فيه فاصل بالنص طيب والرياضيات اختبارها كمان اختياري يعني مافيه حل معادله كامله بس يكون اختياري او صح وخطا ومشكور ما تقصر

بالنسبه للفصل الاول اختبرنا من السبت للاربعاء
والفصل الثاني من السبت للخميس على حسب عدد المواد
السنه هاذي شالوا عنكم بعض المواد اكيد راح تقل الايام
يعني لو عندكم 4 مواد احتمال راح تختبرون من السبت الى الثلاثاء

اما بخصوص الفاصل فـ الاختبارات تكون ورى بعضها وما فيه فاصل كل يوم اختبار

والاختبارات سبق وذكرت كلها صح وخطأ واختيارات
وبخصوص الرياضيات يكتب لك المعادله ويحط لك اربع نتائج a- b- c- d تختار الصح منها
وما جا لنا ولا اي سؤال انه طلب نحل المعادله كامله ابداً فقط اختيارات

[@ هفوات @]

مشكور اخوي البدر على المعلومات

[نجديـة]

مشكور اخوي بس بسأل البنات ماعندك خلفيه وين اختبروا؟؟
ومتى نسدد وكيف نعرف ينزلون اعلان والا وشلون؟؟

وجزاك الله خير الجزاء

[BIRA]

الله يعطيك ألف عافيه على المعلومات مشكور اخوي ماتقصر

[► البدر ◄]

المشاركة الأصلية كتبت بواسطة نجديـة مشكور اخوي بس بسأل البنات ماعندك خلفيه وين اختبروا؟؟ ومتى نسدد وكيف نعرف ينزلون اعلان والا وشلون؟؟ وجزاك الله خير الجزاء

وياك يارب

بالنسبه للتسجيل راح ينزلون اعلان اكيد قبل الاختبارات عن طريق الـOdus زي ما صار معنا
ولا تشيلن هم راح تلاقين كل شي بالتفصيل

التسديد بعد ما تسجلين تروحين لمعهد العالميه وتدفعين لهم الـ1000 وهم راح يعلمونك بعدها بكم يوم وين راح تختبرون وبأي مكان بالضبط

بالتوفيق . .