اجراءت التخرج ؟؟؟؟؟؟؟؟؟

[متزوجة!!!!!!!]

بنات كيفكم ان شاء الله راح اتخرج دا الترم بس ابغى وحدة تقولي بالتفصيل الممل ايش اسوي بالزبط في اوراق التخرج وفين اروح وفين اجي والله ادعيلها من كل قلبي عشان ابغى اروح بكرة وشكرا مقدما.....

[متزوجة!!!!!!!]

معقولة ولاوحدة اتخرجت او على الاقل تعرف

[ساكنه في بيتنا]

=)

داايمنك مستعجله

خدي ورقة اخلاء طرف من العمادة و ورقه تانيه اظنها اذا ما خانتني ذاكرتي حقت انو اسمك اللي في الوثيقه نفسو اللي في الجواز حق السفر ..

و اذا ما عندك جواز سفر تآخدي ورقه تانيه توقعي عليها انو ماعندك جواز سفر ..

مممم طبعا اخلاء الطرف راح تلفلفي فيه الجامعه كلها
شؤون الكليه و وكيله القسم و المكتبة المركزيه و المرشده حقتك و آآآآخر شي تروحي العماده يختمولك عليها كمان ..


ورقة اخلاء الطرف تقدري تطبعيها من الأوديس حقك :)

ممم على فكره كمان .. أول ماتاخدي وثيقتك روحي صوريها هيا وورقه كشف الدرجات على الأقل عشره صور .. وكم ورقه صوريها كدا ..

وروحي للعماده يختمولك عليها طبق الأصل

عشان لما تقدمي هنا ولا هنا احيان يطلبوكي نسخه طبق الأصل يكون وقتها كل شي جاهز عندك ما يحتاج تروحي تاني للجامعه ..

ولا تنسي تاخدي 3 توصيات من الدكاتره اللي درسوكي وروحي اختميها من أ. فاديه اللي مكتبها في الدور الأول اول ماتطلعي الدرج على يدك اليسار اول لفه يمين << كيف بس الوصف خخ ..


لما تآخدي التوصيات خلي معاكي نسخه من كشف الدرجات و اسمك اللي في الجواز ..

[متزوجة!!!!!!!]

شكرا ياقلبي ماقصرتي الله يوفقك ويسهل امرك ويسخرلك عباده الطيبين بس مستعجلة لانو بكرة او بعدو بالكتير ابغى اخلص شغلي.............
بس عندي سؤال سمعت من البنات انو التوصيات من الدكاترة مايعطوها الا للبنات المتفوقات مرررررررررة والبنات الباقيين مايعطوهم صح دا الكلام ولا لا!!!!!!!!!!!!!!!!!!

[ساكنه في بيتنا]

:/

مدري و الله

بس ممكن لأنو التوصيات يكون مكتوب فيها انك وحده كويسه نشيطه و تحبي تشتغلي و متفوقه و ممكن يكون فيها معدلك و درجه الماده اللي اخدتيها مع الد. اللي حتعطيكي التوصيه ..

شكرا على الدعوات الحلوه و ان شاء الله الملائكه تردها لك اضعاف مضاعفه :) ..

[ملاك بطبعها]

داخلة غلط >>>>يابغتك بتتخرجي
مــــــاشاء الله عليك تخرج وااااوا متى اكون زيك >>>>مستعجلة ع جلسة البيت
يارب يسر لك أموري وتتخرجي وتنفكي من الجامعة

[متزوجة!!!!!!!]

تسلمي ياسكونة على الافادة وجزيتي خيرا.................................
وشكرا ياملاك بطبعها على الدعوة الحلوة ويارب انتي كمان تتخرجي وبمعدل مرررة حلو غمضي وفتحي وانتي ماخذة الوثيقة ان شاء الله.........