مادة تاريخ الازياء والنسيج

[انهااار]

السلام عليكم

انا من كلية الاداب...وحابه اخذ هذي المادة كمادة حرة من عندكم

مادة تاريخ الازياء والنسيج


تنصحوني فيها والا لا ...وكيف المادة

وعن طريقه الاسئلة....والاستاذة المناسبة

واقدر اجيب فيها a
لاني ابغى ارفع معدلي

ومشكورين مقدما...

[رندا البحري]

مو حلوة كلها دش
وأستاذة المادة تزيدك أوراق كمان غير الكتاب

[رندا البحري]

إذا في تسويق خذيها مع د-مها الدباغ مرااااااا كويسة

[dodia]

مادة تاريخ النسيج والازياء اخذتها الترم اللي فات مادة حرة مع الدكتورة بثينة وماكان يدي المادة احد غيرها
المنهج كتاب وملزمتين

المادة حلوه ومن اسمها تاريخ النسيج والازياء خلال العصور

تاريخ النسيج: كيف يتكون من ايه وصناعته تطوره خلال العصور (القطن والصوف والكتان والحرير والألياف الصناعية)
وتاريخ الازياء: من بدايات الملابس كيف كانت من اوراق شجر وجلود وعصر الفراعنه والبابليين والسومريين والقبطي والاسلامي والفاطمي والعثماني ووو لحد القرن العشرين

بس ما انصحك فيها بصراحه
يبغالها مذاكره أوووول بأوووول عشان مايتراكم عليك والعصور تلخبط كثير بالذات على آخر المنهج

وفيها ثلاث اختبارات دوريه واختبار نهائي وتكاليف

اسئلة الاختبارات صح وخطأ واختياري وعللي وعددي واكملي الفراغ (يعني كلووو)

وكمان تجيب صور ازياء من الكتاب وانتي تكتبي اش اسم الزي او بأي عصر أو اوصفي الزي

والدكتورة دقيقه مرة في الاسئلة يعني احيانا تحاسب على الكلمة اذا ماكتبتيها زي الكتاب

بس اذا شافتك حريصه معاها في الحضور وتسلمي التكاليف في وقتها ومذاكره اول بأول ودرجاتك شبه كامله في الاختبارات
تتغاضى وتساعدك شوي بالدرجات ;)


اذا بتاخذي المادة ضروري يكون الكتاب والملازم معاك بكل محاضرة وتأشري معاها الكلام اللي بتقوله
وتكتبي الاسئلة اللي تقولها، وشوفي اش الاشياء اللي تركز عليها وتقول لكم مهم لأنه احتمال 99% تجيب منه في الاختبار


بالتوفيق ان شاء الله

[طمـــــ في شموخ ـــــوح]

صراحة المادة حفظها كثيييييييييييير
انصحك ماتخذيها

[رندا البحري]

الرجاء الاطلاع على نظام المنتدى

يمنع رفع المواضيع القديمة والتي كان اخر رد فيها قبل شهر إذا كان الرد عبارة عن وجه مبتسم أو كلمة شكر وخلافة إلا إذا كان الرد يثري الموضوع أو الرد باستفسار أو سؤال وليس رد لمجرد الرفع فقط .