افادة هذه الوظيفة للشباب او البنات او للاثنين مافي اشكالية يقدموا

[ابغى ماستر فيزيا]

السلام عليكم و رحمة الله و بركاته

اطلعت على الوظائف اليوم

و قدمت على وظيفة و اخاف تطلع لـ الشباب و اتفشل

و مررررة محتارة ايش اختار لاختصاصي

الوظيفة اللي قدمت عليها فني مختبر فيزياء في مركز تقنية النانو و متناهية الصغر


ياليت احد يفيدني اذا عندكم اي معلومة

هل هي للشباب او ممكن حتى البنات يقدموا عليها

و اكــون شــاكـــــــــرة لــــكم
و جزاكم الله خــــــــــير

[R&R&R]

والله ماعندي فكرة وأنا كمان محتارة لإنو في كذا وظيفة من عمادة شؤون المكتبات بس ما أعرف اذا هي للبنات ولا الأولاد ياليت أحد يفيدنا الوقت بيروح وأحنا محتارين

[ملامح خجل]

ياليت أحــــد يساااعدنا
محتاااريين أنا وأختـــي

أنا تخصصي تاريخ وأختي مكتبات


الله يجازيكم بالحسناات

[منبري قلمي]

وأنا مثلك عزيزتي
قدمت على وظيفة في عمادة القبول والتسجيل
وشاكة إنها للشباب
واللة يرزقنا ولا يضيع لنا تعب

[ابغى ماستر فيزيا]

المشكلة اذا العالم برا .. اعطتهم ترتيب متاخر يزعلوا
يقولوا ليش متأخرين عنهم .. !!
اتوقع الان فهمتوا ليش جامعتنا متاخره كثيرر
حتى تقنية تقديم للوظائف مش قادرين ينظموها صح
و يحددوا العنصر المطلوب في كل وظيفة نسوي او رجال

تاركين الناس عمياني

هو الواحد بالسهل اليومين دول يدور له على شغل
ليش يصعبوها على الامة و مقدمين الحشر عليهم

مش فاهمة الغشامة اللي عندهم من فين جابوها

[angel cat]

والله حتى انا زيكم محتارة....


وبعدين مو غشامه عندهم هذا عمل زحلقه بس يعني اعلان وخلاص

لو عوزين يزبطو الشيء ويخلوه احلى واسهل ما يمكن لعملوه ...بس هذا عمل صابونه لزحلقه وخلاص

ههههههههههههههههههههههههههههههههه

[JnOOn]

ايوه والله

انا تخصصي جغرافي ومطلوب

كلية الآداب والعلوم الإنسانية رسام خرائط 75 8010406

مدري للرجال او النساء ؟؟




معاكم شوشو اخت جنون =)

[R&R&R]

أمين مكتبة 0907 6040306 كلية الصيدلة <<<<===== نسائي ولا رجالي
" اللي يشوفنا يقول طالبين ملابس مو وظائف حكومية " الله يخارجنا بس .

[R&R&R]

شوشو قدمتي على الوظيفة ولا لا ؟؟

[أم رنيم]

المشاركة الأصلية كتبت بواسطة r&r&r أمين مكتبة 0907 6040306 كلية الصيدلة <<<<===== نسائي ولا رجالي " اللي يشوفنا يقول طالبين ملابس مو وظائف حكومية " الله يخارجنا بس .

نفس الشيء احترت

ياريت لو كل وظيفة ححدوا عندها للرجال ولا للنساء أو للإثنين معا

المفروض نحط لهم السيرة الذاتية وهم يختاروا الوظيفة المناسبة لكل واحد حسب المؤهلات والخبرات

من أمس الى اليوم وأنا ماخترت شيء
بسبب الحوسة من كثرة الوظائف
ولاالموقع كمان يطفش ساعه يفتح وساعه يقفل بسبب الضغط الي عليه