خبر مهم عن التدريب الميداني !!

[((الأمل))]

ياجماعه مين اللي قال انه مافي تدريب في الصيف
انا سئلت الشؤون عندنا قالو مافي دراسه بس تقدرين تاخذينه في الصيف
بس لازم من بدايه الترم الثاني تعطيهم خبر
بالنسبه للمستشفيات ماعندي خبر عنها ابدا
انا الترم الجاي بسجل ان شاء الله

[northstar]

الامل بارك الله فيك

احب الناس الي زي كذا
تجيب كلام موثوق
مو اشاعات

[يوني~عيوني]

دحين يعني أكيد في تدريب في الصيف ؟؟!!
أنا صراحة مافهمت يا (الأمل) اش قصدك بـ مافي دراسة ؟؟
يعني مادة غير مكتملة ؟؟ ولا كيف؟؟
لأنه أبغى آخذها مع مادة ثانية عشان أقدر أتخرج !!

[روح الغلا]

حبايب قلبي لو ناويين تدريب عشان درجات مانغير ماتدعمون بالمعلومات وتدخلو في جو العمل الحقيقي روحوا للمستشفى الملك فهد واحدة تقولي يلعبوا اونو جوة المختبر وماراح اذكر اسم المختبر

لكن ابحثوا عن مستشفيات تاسس صح لانه هذا اللي راح يفيدكم وبالتوفيق

شئ تاني

التدريب 6 اسابيع غير مقنع لوزارة الصحة وبالتالي لا وظيفة

[sparkling]

يعني مافي تدريب ميداني في الصيف حتى لقسم الكيمياء حيوي؟؟؟!!!

[that me]

لا فيه تدريب
بس أبغى أعرف اش أقرأ وكيف أثقف نفسي عشان لمن أروح التدريب أكون مستوعبة
الله يسعدكم اللي طبقت تقول اش الخطوات اللي سوتها قبل ما تتدرب

[الملكة]

أنا أول مرة أسمع انو مافي تدريب في الصيف حتى لما سألت أستاذة هديل السفياني قالتلي انو بالصيف يعني زي كل مرة
وماأدري صراحة اذا اتغير....