تاكيد الطلب

[حائره]

السلام عليكم ورحمة الله وبركاته

الله يسعدكم انا بسجل اخوي ومره حاسه اني مو فاهمه شي

المشكلة بالرغبات

انا حطيت له السليمانية وشمال جده تحضيري وبعده موازي للسليمانية وشمال جده وبعدها تحضيري رابغ وموازي

انا خايفه اظلمه احس مو فاهمه الموازي صح

1 / السؤال مين الاولى احط الموازي اول او احط التحضيري بمكافئة للاماكن البعيده علينا زي رابغ وخليص؟

وهو علمي كيف احط من الرغبات ادبي له ؟

2 / يعني اختيار الادبي قبل الموازي التحضيري او بعده افضل ؟

3/ اللي عنده خبره بترتيب الرغبات ورتبها ياليت يكتبها لي

[RoOoOo]

الموازي يعني يداوم زي الانتظام بس من غير مكافئة دوامو مسائي

و بالنسبة لترتيب الرغبات هوا بكيفو اذا عادي عندو يروح يدرس في رابغ او خليص حطيها بعد السليمانية بس طبعا اختاري علمي الادبي اللي هوا الاقسام الادارية

ان شاء الله اكون فهمت قصدك و جوابي فادك

[نــورهـ]

و عليكم السلام و رحمة الله و بركاته ..

أختي أفضل شيء هو يرتب رغباته لان أكيد بيعرف ايش يبغى أكثر ..

كمثال يحط رغبات جدة و بعدها رابغ و خليص .. الخ و بعدها الموازي و بعدها دبلوم كلية المجتمع أو يحط رغبات جدة و بعدها موازي جدة و آخر شيء رابغ و غيرها حسب ما يناسب ظروفكم ..

موفقين :) ..

[حائره]

مشكورين الله يسعدكم

طيب اخر سؤال
1 / الموازي هل يكون طول فترة الدراسة اربع سنوات ماياخذ مكافئة ؟
2/هل في فرق بين شهادة التخرج الموازي والدراسة الصباحية ؟