شفتك بعد غيبة ؟!!

[bint aboha]

السلام عليكم ورحمه الله وبركاته







شفتك بعد غيبه .. وحاولت احاكيك

مهوب من قلبي ولا من جراته !!

بغيت اقول / فلان وازريت احاكيك

وكني سمعت اسمي معا لالتفاته

فزيت من نومي وانا اقول لبيييك

وآثرك رويا .. في منامي وجاته

صفقت كف .. وقلت يا حلم يشوويك

جددت لي جرح ٍ هنى في مباته

يا اللي شريت البعد .. ما غاب طاريك

حتى لو ان البعد .. سواا سواته

مهوب محزني .. على حاجةٍ فيك

إلا إن قلبي شايف ٍ بك غناته !!

كن الطيوف تقول وشحال غاليك

وآقول راح .. وما بقى الا غلاته

لو ان ما جاني من الهم ياتيك

كان المصلي ما حفظ وش صلاته

مريت شارعكم .. وصادفني آخيك

واللي قطع كبدي .. حلاتك حلاته


بغيت الخبط من دعاياه ,, وادعيك

واسمك وقف بين اللسان ولهاته !!

وبغيت اجيب العيد وآقول : يرضيك

فاللي وصاتي له .. وضيّع وصاته

البعد شيّب خافق ٍ ميت فيك !!

والى مشى خطوه عثر في عصاته

مشكلتي / إن قلبي يحبك ويغليك

ومشكلتك / انك شخص عايش حياته

كثر الجفا .. نار .. وحطبها تغليييك

خف الحطب .. لا تزيد نار الشماته

إن ما احزنك جرح ٍ برجواه يدعيك

ما عاد تفرق .. عيشته من مماته

قلبي وعمري كلها بين اياديك

العمر فدوه .. لكن القلب هاته !!

وإن ما بغيت ترد قلبي ما اوصيك


احسن عزاه .. الى دريت بوفاته



للشاعر حمد البريدي

[سنفورة موت]

^^

يالبى يالبى

قسما ابداع

من جد شاعر مبدع

كلماته رائعه

اسعدك المولى ياقلبي

دوما متالقه


<<<<

[sammoo00oor]

لاهنت على الطرح

انتقاء مبدع الله يعطيك العافيه

[O-DODY-O]

مرررررررررررره حلوه


تسلمي ياعسل عالنقل المميز

[bint aboha]

المشاركة الأصلية كتبت بواسطة سنفورة موت ^^ يالبى يالبى قسما ابداع من جد شاعر مبدع كلماته رائعه اسعدك المولى ياقلبي دوما متالقه <<<<

التألق هوا بوجودكم غلاتي لاعدمت هالتواجد الراقي شكرا ع المرور

[bint aboha]

المشاركة الأصلية كتبت بواسطة sammoo00oor لاهنت على الطرح انتقاء مبدع الله يعطيك العافيه

الله يعافيكي غلاتي والإبداع هوا وجودك لاعدمتك شكرا ع المرور

[bint aboha]

المشاركة الأصلية كتبت بواسطة o-dody-o مرررررررررررره حلوه تسلمي ياعسل عالنقل المميز

الأحلى هوا مرورك يالغلا تسلمي ع المرور لاعدمت

هالتواجد

[nana20]

يسلمووووو ع الطرح مرررره رووووعه

[bint aboha]

المشاركة الأصلية كتبت بواسطة nana20 يسلمووووو ع الطرح مرررره رووووعه

الأروع مرورك يالغلا سلمتي ع الطله شاكره لك