خاب امـ ـ ـ ـ ـ لي

[blue >A]

مسااكم ورد
احب اشكر كل الاخوات اللي تفاعلوا مع الموضوع وان شا الله يكون تفاعلكم وسيله لايقاض المسؤولين من سباتهم العميق
طبعا اللي دفعني لاثارة هذا الموضوع غياب النظام وووووو الخ كما ذكرت سابقا ,,بس من خلال متابعتي لردودكم نبهتوني على شغله كنت ناسيتها وهي( الاماكن المخصصه لتقديم الوجبات في الجامعة )..صراحتا قد ما قلت عليها مقرفه فما بأوفيها حقها (الله يكرم النعمه ) لكن والله شي يبكي تخرجي من محاضرتك هلكانه جوع وفي النهايه ما تلقي الا فطيره لو رميتها على احد دخل في غيبوبه من قساوتها هذا غير الريحه المشهيه )':
اتمنى اني ادخل الجامعه يوما من الايام وارجوا ان يكون قريب واشوف (فود كورت ) زي اللي نشوفها بالمولات كذا مطعم في ساحه كبيره تحتوي على طاولات ومقاعد واكيييييييييييد تكون مكيفه ... يارب تتحقق امنيتي وقريب جدا

[pop diva]

اسمحيلي النظاة مو مسئلة

النظافة تجي مننا نحن في طالبات الله يهديهم بعد ما يغلقو يرمو الاكل و ماعليهم و يجو يشتكو و همه سبب

نحن طالبات نشتكي و نشتكي انو مافي اماكن لينا كاستراحة كلنا نتجمع فيه يدوب في 3 استراحات في الجامعة

استراحة الي في كلية الاقتصاد منزلي و المبنى الجوهرة وو العلوم همه الوحيدين المفعلة

و اذا قالولي 420 اسمحيلي مافي احد حيضرب مشوار لاخر الدنيا عشان نستريح هناك

اصلا قوى استيعاب الاستراحات وصلت لفوق حدود للاسف انو الجامعة دحين بتهد الاستراحات عشان تسير مكاتب

للادارات الي ما يستحقوها

اول كان المبنى 6 فصول + استراحة و سارت مكاتب

و نفس الحكاية المبنى 3 اول فصول سار مكاتب

و العلوم في كل دور كان في برحة كبيرة نقعد فيها للاسف يا مكاتب او فصول

و استراحة 22 كانت استراحة و سارت مكاتب بالله نشتكي لمين

و بعد ده كلو انو الشؤون يطردونا من المباني و ايش استدفنا نحن نقعد تحت الشمس ننشوي عشان حضرتهم يبردو

والله الجامعة اصلا مافيا تنظيم و لا نظام كل وحدة تمشي النظام لراحتها او تسوي نظام من عندها عشان تمشينا فيها

[عسل ورد]

مسئلة الأكل
مسئله ثانيه والكلام فيها يطول
انا دايم اسأل نفسي وش فيها لو فتحو لنا بارنيز
او اي شيء نظيف
ليش رابيز محتكر
الاكل
وبيت الدونات لو مالحقتي بدري
انسي تلقين شي

،،

لكن الحمدلله الله يخلي
لي امي
كل يوم تجهز لي ساندويتش
ولا احلى
واخذه معي الجامعه
ومريحتني
الله
لايحرمني منها

[Mezoo]

مشي حالك..

جامعاتنا كلها كدا ماحتطور لو ايه؟!

[أبو أسيل]

الله يسهل الامور
أنا أتمنى بتطوير أنظمة الجامعه وتطوير الجامعه نفسها بحيث تنافس الجامعات العالميه
أسال الله العفو والعافيه

[روحي لها جنحان...]

انا معك حبيتي قلبا وقالبــــــــــــــــا نظامنا في الجامعة هو نظام عصر الحمام الزاجل لا اعلم متى سيتطور

دمتي بخير

[بالع الجامعة]

كان دقيتي عليهم قبل ماتجي تتاكدي

[صــمـود الأقصى]

من جد كلاااامكم صحيح .. المشكلة انه لما يصير لك موقف من إنسانة ولها منصبها في الجامعة .. تخيلوا

رايحين لها نصف بنات الشعبة بعد ماأعطيناها خبر اننا راح نجي لها في الوقت الفلاني .. تقابلنا سكرتيرتها وتقولنا انتظروا .. بعدين رجعت قالت لنا هي راح تكون موجودة في المكتب الثاني .. ونروح نسنتر عند المكتب الثاني أكثر من نص ساعة .. مرت أستاذة قالت انو اش تسووا هنا .. قلنا لها نبغى د.فلانة .. قالت هي أصلا ماتداوم هنا ..المكتب هذا مقفل .. ونكتشف انها موجودة في مكتبها بس تصريفة .. طيب مافي مشكلة لو دخلتنا وقالت معليش يا بنات انا اسفة بس مشغولة ولازم نأجل
الموضووع

يعني معليش إذا كانت هذا التصرف طلع من إنسانة بهذا المستوى من التعليم .. فما أقول إلا الله
يخلف على تعليمنا .. بس ماأنكر في أستاذات قمم صراحة .. ماادري ليش مايمسكونهم مثل هذي
المناصب .. مشكـــورة عزيزتي على طرحك المتميــز

تقـــــــبلي مـــــــــروري

[بالع الجامعة]

الله يعينكم

[mzat kau]

ابتسم انتا في جامعه عزوز ههههههههه