اش شعوركم وانت انقبلتو في كلية الطب << ابغى مشاااااعر

[د.مشاعل]

لكل اللي انبقلو الف الف الف الف الف .... مبروووووك
على قبولكم في كلية الطب بعد عاااااااام من السنة التحضيرية
ابغاكم تشاركونا فرحتكم وتكتبو كل شي في نفسكم
قبل ما تعرفو انكم انقبلتو وبعد ما انقبلتو اش سويتو وكيف قلتلو لاهلكم
كلللللللللللللل التفاصيل ابغاها ممكن تتفاعلو وتملو هنا كل شي في خاطركم يا حلوات ويا حلوين يا اطباء المستقبل ....

[M!ss Mojy]

طبعا الطب كان حلم الطفولة بالنسبة لي وحلم حياتي كلها ومستقبلي ودايما كنت اتخيل شكلي باللاب كوت والسماعة كنت اجلس مع نفسي واتخيل نفسي داخلة كلية الطب واتخيل نفسي وانا في الكلاس وانا في المشرحة

وكانت الفترة قبل اعلان الناتيج فترة مقلقة بشكككككككككككل بس في نفس الوقت كان عندي امل كبيــــر

وكان عندي يقين بآن الله سيحقق املي ومرادي .......

واليوم الي نزلت فيه النتيجة في الصباح كنت نايمة الا شوي وبابا يتصل علي ويقول موجي انتي انقبلتي

مبروووووووووووووك يادكتورة

وانا طبعا مو مستوعبة قلت له هاااااااا .... طيب طيب << يحق لها الاخت نايمة

بعد كذا كملت نومي ولا كآنوا صاير شي ولا كآنوا حلم حياتي اتحقق

<< قمة البروووووووووووود

وفي خلال نومتي جاني كابوس فظيييييييييييييييييع الله لايوريكم

عن التسكين والنتيجة وبعده قمت مفجووووووووووووعه

طبعا هذا كله وكلام بابا ماكنت مستوعبته عشان كنت نايمه ههههههههههههههههههه

ومن السرير على جهازي وفتحت الاودس

وكانت الثانية تعدي كآنها ساعة من هول الموقف << شوفوا بسسس

واخيـــــــــــرا انفتحت صفحة الاودس << ترا را را

واشوف في خانة الكلية مكتوب الطب والتخصص طب وجراحة خطة جديدة

وجلصت اصرررررررررخ ورحت لغرفة اختي كانت نايمة

وفتحت الباب بكل قووووة قلت لها

رومي انا انقبلت في الطـــــــــــــــــــــــــــــــــــــــــــــــ ـــب

والاخت قامت مفجوووعة وعيونها حمراااا

قالت ياهبلة فجعتيني يلاااااااااااااا اقفلي الباب

تخيلوا اقولها انا انقبلت في الطب تقولي ياهبلة اقفلي الباب

بس الحمدلله دخلت المسن وشفت انو صحباتي انقبلوا طب والحمدلله

واحتفلنا سوااااااا

وتم استقبال التهاني والتبريكات من صحباتي واهلي وكل الناااااااس

بس احلى شي في الموضوع انو في ناس صاروا يقولوا لي يادكتورة موجي

هذا وانا لسه مادخلت الطب اصلا

وسوري عالاطالة عارفه اني صدعتكم بس والله اتحمست مع الموضوع

تسلمي ياعسل عالمبادرة الحلوة

[rayyan1444]

لأ مش حقول

اقول.. ما اقول.... اقول.... ما اقول.. اقول... ما اقول... اقول.. ما اقول..

يلا بقوووووووووووووووووووووووووووووووووووووووووووووووو وول

صراحة الفترة اللي سبقت نتائج القبول كانت فترة عصيبه وكنت كل اربع دقائق اشيك على الاودس

والحمد الله نزلت النتائج ورحت بابشر امي وابوي .... نزلت للدور الاول واحصل امي واقولها دخلت الطب وتقولي مبروووك يا نظر عيني وتعطيني ورقة مقاضي مليانه وجه وقفا واروح السوق واجيب المقاضي اخذت تقريبا 3 ساعات اجمع في المقاضي

ولمن وصلت البيت حصلت الوالد طاق الشيشه وغرغرغرغرغرغر
وقالي مبرووووووووك يا دختور ويعطيني 10 ريال قالي هذي عشان النجااح<< نجاح ايه يحسب ابتدائي

وبس

[زهرة القمر]

طيب سؤال ..؛

وش أقل معدّل للقبول في كلية الطب ..!؟

[rayyan1444]

البنات تقريبا 4.45 والشباب 4.18

[Mora]

الصراحة ما انقبلت

صحيح اني ما كنت مررة متحمسة للطب لكن لمن شوفت اني مستبعدة , بكيت

و جاتني حالة اكتئاب ,, سرت لا آكل و لا اشرب و لا اخرج من البيت و لا ابا احد يشوفي و لا اشوف احد

زي ما قولت , انا ما كنت ابا طب بس استبعادي حسسني بالفشل و انا اللي طول عمري اجيب 99% ايام المدرسة ,,

بس خلاص

بالنهاية ما نقول غير الحمدلله

[M!ss Mojy]

المشاركة الأصلية كتبت بواسطة mora الصراحة ما انقبلت صحيح اني ما كنت مررة متحمسة للطب لكن لمن شوفت اني مستبعدة , بكيت و جاتني حالة اكتئاب ,, سرت لا آكل و لا اشرب و لا اخرج من البيت و لا ابا احد يشوفي و لا اشوف احد زي ما قولت , انا ما كنت ابا طب بس استبعادي حسسني بالفشل و انا اللي طول عمري اجيب 99% ايام المدرسة ,, بس خلاص بالنهاية ما نقول غير الحمدلله

ياقلبــــــــــــــــي يامورا

هذا ابــــــــــــــدا مو معناتو فشل

ومادام اصلا الطب مو رغبتك ليه تزعلي وتكتأبي ...؟؟

ومو كل واحد ماانقبل في كلية الطب يعني شخص فاشل

الطب عمره ماكان مقياس .... الطب زيه زي غيره من المجالات

يعني يمكن انتي ماتحبي مواد الطب الي هيا الاحياء والكيمياء عشان كذا يمكن مااكتملت فيكي الشروط

ولكن انتي مبدعة في شي ثاني الي هو الاحصاء

يعني انا مثلا لو دخلت تخصص احصاء اتوقع ماابتخرج من الجامعة اصلا هههههههههههههه

لين هما يطردوني ويقولوا يابنت الناس ايش مدخلك احصاء هع

وزي كذا برضو مادة الحاسب من اثقل المواد على قلبي

يعني اتخيل نفسي لو دخلت حاسب بكون افشل وحده في العالم ههههههههههههه

وبسسسسس هذا الي ابغى اوصلك هوا

[د.مشاعل]

ماشاء الله اعطتوني مشاعر حلوه وابارك لكللللللللللللللل اللي انقبلو
وكمان ابغى جديد x جديد
يسلمو

[soma al7elwa]

طيب أنا صيدلة ممكن أقول ايش مشاعري؟؟

____________

أول شي كنا على أساس انو النتايج فرمضان

وايام الفاينل وحدة صحبتي تقولي النتايج الطبية والهندسية بعد اسبوعين

قلتلها كزاااااابة

قالتلي والله فالمنتدى مكتوب

وتمر الايام ويجي اليوم الموعود

وربي الدقايق كأنها ساعات

يومتها كنت مواصلة

وكنا مجتمعين فمنتدى السنة التحضيرية

وانا مافي غير اسوي ريلود ريلود ريلود

كل دقيقة

كنت مفكرة انو حيكتبوا "تم اغلاق الموقع لنزول نتايج التسكين للسنة التحضيرية"

وبعدها بكم ساعة حيرجع يفتح وتكون نزلت النتايج

المهم وانا استنى عالمنتدى وعالودس ومعايا صحباتي عالماسنجر

جات اختي وهي ثانوية عامة

جلست تحكيني انو ماحلت كويس فالاختبار وانها خايفة ويش صار وايش الأسئلة اللي جات وكدا

والا شوية اسوي ريلود للاودس

ألاقي مكتوب صيدلة

اتبكمت

مو قادرة اتكلم

والدموع تطير من عيوني

ابغى اصرخ ابغى اضحك وابغى ابكي وابغى اسجد ومو عارفة ايش الشعور اللي جاني

واختي تطالع فيني مفجوعة ايشبك؟؟

قلتلها وانا مافيني صوت اتقبلت صيدلة

ورحت اجري ابشر مامتي وبابتي كانوا نايمين ياقلبي عليهم

واتزحلقت مو قادرة اوقف

وانا جالسة ابكي وقمت اجري عند مامتي نطيت فوقها

واصحيها وابكي واقولها ماما اتقبلت صيدلة اتقبلت صيدلة

فتحت عينها وضحكت قالتلي مبروك

لا تصحي ابوكي قوليلو لما يصحى

ورجعت نامت "^^

وادق على صحبتي كانت نايمة

وردت عليا ما تسمعني غير ابكي واشهق واضحك

قامت هي اتفجعت المسكينة

-ايشبك ؟؟ اتقبلتي صيدلة؟؟

وانا ابغى اتكلم مو قادرة

-اسما لاتفجعيني اتكلمي
قلتلها ايوا ايوا

وكملت بكا راحت قالت انا قايمة اشوف

وبعد شوية تتصل فيني اتقبلت طب D:

بس هي طبعا ماعندها حركات فيفي عبدو وعبلة كامل زي بعض الناس

خخخخخخخ

ولما صحي بابتي بعدها بيجي نص ساعة قلتلو وطار من الفرحة مسكين

وطبعا خلال اليوم اتصلوا فيني كل صحباتي بالتبريكات والتهاني p=

ويومتها ماقدرت انام من الفرحة

وماجات الساعه 12 وشوية الا قدني ميتة على سريري مو نايمة

وبس

منجد شعور مررررررررة حلو لما تحققي حلمك بعد كل الصعاب اللي واجهتك

والله لو كنت دخلت الصيدلة من غير السنة التحضيرية ما كنت راح احس بنفس الفرحة وبنفس الفخر اللي انا فيه دحين

ياااارب تدوقي طعم الفرحة دي يا د.مشاعل

تقبلي لقافتي p=

[مايلي]

يالله ذاك اليوم بالنسبة ليه تاريخي

كنت سهرانه استنى النتيجه انا وماما وبابا الين الساعه 3 وقلت اكيد مهي نازله خليني انام واصحى الصباح امكن تنزل

وصحيت الصبح وكنا في ملتقى التحضيري الدفعه كلها كانت سهرانه

الين الساعه9 جات اختي من الاختبار واديتها الارقام حقت الاوديس ونمت مادريت الا صريخ في البيت والباب حق غرفتي بغى ينكسر اختي جايه تجري وتبكي وتقولي مايلي انقبلتي طب وانا زي المفجوعه والبيت كله صحي وامي كانت نايمه وجات تجري على غرفة الكمبيوتر كان يوم لاينسى يتحقق حلم عمرك وحياتك بين يوم وليله وجلست ابكي اول مره في حياتي اعرف دموع الفرح الا في ذاك اليوم

ويارب ان شاء الله يفرح كل الطلاب في القسم الي يبغوه ويفرحك ان شاء الله وتسيري د/مشاعل

لو تبغينا نعبر مانقدر شعور لايمكن التعبير عنه