صدمات من كل الجهات...يوميات طالب ماستر(كيمياء)

[abu-jori]

بسم الله الرحمن الرحيم

السلام عليكم ورحمة الله وبركاته

حياكم الله وبياكم ووفقكم لما تتطلعون اليه..

في موضوعي هذا ابغى اسرد قصتي وليا أمل في الله سبحانه وتعالى ثم فيكم (اللي صار له مثل

ماصار لي ابغى منكم المشورة والمساعدة)

انا معلم كيمياء في تعليم مكه ولله الحمد انقبلت ونزل اسمي ضمن المقبولين لدراسة الماستر بتاريخ

25-2-1432هـ

واكملت كل اوراقي من الاسبوع الماضي وحققت شرط اللغة في اختبار step وباقي عندي

مادة تكميلية (ك 424)بصفتي متخرج من ام القرى

اليوم صدمت الصدمة الأولى عندما احضرت موافقة من ادارة تعليم مكة مكتوب فيها (موافقة

على دراسة مسائية) الى مكتب الشئون الاكاديمية في عمادة الدراسات العليا ذكروا لي الاخوان

ان الدراسة صباحية وصعب ان موافق العمل تقبل ..

هل من الممكن اني انسق جدولي في المدرسة بالاتفاق مع المدير بحيث يمكنني حضور المحاضرة

في الجامعة؟؟؟

هل في احد من الاخوان مر بنفس الظروف؟؟

والله تشربكت الافكار في دماغي من عارف ايش اسوي ...اخاف ابدأ الدراسة بالتأجيل..

مع العلم بأني استلمت البطاقة الجامعية وارسلوا ملفي اعتقد من وحدة القبول الى الشئون او يمكن

الى القسم...


بانتظاركم...سلام الله عليكم

[عماد الحسن]

حياكم الله أخي الكريم .. مبروك قبولكم في الماجستير وأنصحك إنك لا تتعب نفسك بكثرة التفكير والهموم ولا تضيع فرحة قبولك في الماجستير بهذه التساؤلات الكثيرة.

المهم أنك حصلت على البطاقة ورحت للعمادة وقدمت لهم ورقة الدراسة المسائية ، والآن أنت قدمت اللي عليك ولازم تنتظر للفترة القادمة ورايح تلاقي عدة طلاب بنفس وضعك وتحلوا المشكلة قريبا إن شاء الله ، صدقني ريح بالك الأن ولا تشيل هم وانتظر الأسبوعين الجاية وبعدها تتذكر نصيحتي.

[khalidyat]

أهلين أخوي ..
وألف مبروك على القبول ..
الآن المسأله ترجع لـ التنسيق .. لابد تنسق جدولك مع مديرك المباشر وتحاول تفضي جدولك يومين من بعد الساعه 10
المادة غالباً تكون سبت و اثنين من الساعه 11 صباحا إلى 12 فـ لو تقدر تنسق جدولك تنحل المشكله ..
المشكله أن المحاضرات هنا مو مثل ام القرى يعني المادة بساعتين تاخذها يومين في الاسبوع كل يوم ساعه
وفي ام القرى كانت ساعتين في يوم واحد متواصله و حتى مواد الثلاث ساعات كانت تكون متواصله في يوم واحد ..
فـ هذه النقطه لابد تاخذها في الحسبان وتحاول تنسق أمورك ..
أنت أول يوم في الدراسه شوف موعد المادة ونسق مع المدير ثم راجع رئيس القسم وهو انسان جداً طيب وجداً متفهم وبإذن الله يساعدك قدر الامكان ..




بالتوفيق لك .. وحي الله خريجي أم القرى :)


/



خالديات

[طموحهـ ولكنـ]

وعليكم السلام .

مبروك لك القبول . وعقبالنا يارب .

وموضوعك أن شالله هين . بس لا تضيع وقتك بالتفكير والهموم صدقني راح تنحل بأذن الله . بس أنت أجتهد وأبحث عن أبسط الحلول >> قامت تتفلسف .

كبــرهـا تكبــر ,, وصغرهــا تصغــر ..


بالتوفيق .

[abu-jori]

المشاركة الأصلية كتبت بواسطة عماد الحسن حياكم الله أخي الكريم .. مبروك قبولكم في الماجستير وأنصحك إنك لا تتعب نفسك بكثرة التفكير والهموم ولا تضيع فرحة قبولك في الماجستير بهذه التساؤلات الكثيرة. المهم أنك حصلت على البطاقة ورحت للعمادة وقدمت لهم ورقة الدراسة المسائية ، والآن أنت قدمت اللي عليك ولازم تنتظر للفترة القادمة ورايح تلاقي عدة طلاب بنفس وضعك وتحلوا المشكلة قريبا إن شاء الله ، صدقني ريح بالك الأن ولا تشيل هم وانتظر الأسبوعين الجاية وبعدها تتذكر نصيحتي.

ياهلا بالدكتور عماد ياشيخ الله يسعدك دنيا وآخرة ماتعرف قد ايه كلامك يطمن الله يطمن قلبك

ويفرحك وييسر لك الخير..

بالفعل الأخ (جزيء ماء) نفس مشكلتي واتمنى انا نتواصل عشان نروح مع بعض للدكتور

عبدالله عسيري نتناقش معاه ونجد بإذن الله حل..

[جزئ ماء]

انا نفس موضوع الاخ ابو جوري
بس انا من سكان جده هذا الفرق

حققت كل شيء بس باقي لي موافقة العمل



يااااااااااااااااااااااااااااااااااااااااااااااااا اااااااارب تحل مشاكلنا

ادعو لنا يا مسلمين

[abu-jori]

المشاركة الأصلية كتبت بواسطة khalidyat أهلين أخوي .. وألف مبروك على القبول .. الآن المسأله ترجع لـ التنسيق .. لابد تنسق جدولك مع مديرك المباشر وتحاول تفضي جدولك يومين من بعد الساعه 10 المادة غالباً تكون سبت و اثنين من الساعه 11 صباحا إلى 12 فـ لو تقدر تنسق جدولك تنحل المشكله .. المشكله أن المحاضرات هنا مو مثل ام القرى يعني المادة بساعتين تاخذها يومين في الاسبوع كل يوم ساعه وفي ام القرى كانت ساعتين في يوم واحد متواصله و حتى مواد الثلاث ساعات كانت تكون متواصله في يوم واحد .. فـ هذه النقطه لابد تاخذها في الحسبان وتحاول تنسق أمورك .. أنت أول يوم في الدراسه شوف موعد المادة ونسق مع المدير ثم راجع رئيس القسم وهو انسان جداً طيب وجداً متفهم وبإذن الله يساعدك قدر الامكان .. بالتوفيق لك .. وحي الله خريجي أم القرى :) / خالديات

هلا وغلا اخي خالد بالمناسبة دعيت لك دعوة يوم رحت اخذت المذكرات من مكتبة القبلة استعدادا

لإختبار القسم...

بصراحة اول مره اعرف طريقة تقسيم المحاضرات كنت اتوقع ان الساعتين تكون في يوم واحد..

الله يعين ويشرفني مرورك ومعرفة الطيبين امثالك..

[جزئ ماء]

انت موجود الحين هنا يا ابو جوري

[abu-jori]

المشاركة الأصلية كتبت بواسطة طموحهـ ولكنـ وعليكم السلام . مبروك لك القبول . وعقبالنا يارب . وموضوعك أن شالله هين . بس لا تضيع وقتك بالتفكير والهموم صدقني راح تنحل بأذن الله . بس أنت أجتهد وأبحث عن أبسط الحلول >> قامت تتفلسف . كبــرهـا تكبــر ,, وصغرهــا تصغــر .. بالتوفيق .

جزاك الله خير ووفقك ويسير لك الخير وان شاء الله القبول قريب شرفني مرورك

[جزئ ماء]

اذا موجود نبي نتجمع نحن وخاصة طلاب الكيمياء ونروح للعميد نتفاهم معاه