فيه امل يحولوني انتظام اذا جبت معدل عالي في التعليم عن بعد؟؟

[انا بس]

انا افكر باذن الله اسجل في التعليم عن بعد السنه الجايه بس بصراحه احترت عندي استفسارات كثيره ونفسي مسؤل او خبير يجاوبني عليها...
يعني مثلا لو جبت معدل عالي ممكن يحولوني انتظام مع العلم انو احد شروطهم للتحويل للانتظام هي انو تكون شهادة الثانوي لم يمر عليها اكثر من 3 سنوات وانا للاسف شهادة الثانوي من عام 1423 وماادري ممكن اتحول انتظام او لا؟؟
وشي ثاني اتمنى التواصل مع احد الاعضاء الدارسين بطريقة التعليم عن بعد لمعرفة هذا النظام بشكل ادق ومن مجرب ياليت اللي عنده استعداد يقول...

[Jeddah_one]

ادرسي تعليم عن بعد احسن لك من الانتظام على الاقل تدرسي براحتك والـ990 حقتهم اشتري بيها راحتك

وترى التعليم عن بعد سهل وتافه ولا يبغى له الا شوية تركيز و التساهيل من الله

بالتوفيق

[انا بس]

المشاركة الأصلية كتبت بواسطة jeddah_one ادرسي تعليم عن بعد احسن لك من الانتظام على الاقل تدرسي براحتك والـ990 حقتهم اشتري بيها راحتك وترى التعليم عن بعد سهل وتافه ولا يبغى له الا شوية تركيز و التساهيل من الله بالتوفيق

ايوا صح انتا تقول كذا لانك عايش في جده وممكن مرتاح ماديا شي طبيعي انو حيكون التعليم عن بعد مريحك ليه كل العالم مرتاحه ماديا وعايشين في جده زيك !!!
اللي يده في المويه مو زي اللي يده في النار..

[انا بس]

المشاركة الأصلية كتبت بواسطة jeddah_one ادرسي تعليم عن بعد احسن لك من الانتظام على الاقل تدرسي براحتك والـ990 حقتهم اشتري بيها راحتك

نسيت اسألك ايش هيا الـ990 هذي !!!!

[MY NAME IS...]

مرحبا
اتمنى احد يفيدك لاني سالت قبلك بخصوص التحويل من انتساب الى انتظام لاني مثلك ابغى احول بس للاسف شهادتي مر عليها اكثر من ثلاث سنوات

[MY NAME IS...]

يا ريت احد يفيدك لاني اتمنى احول من الانتساب الى انتظام وشهادتي الثانويه لها ست سنين

[انا بس]

المشاركة الأصلية كتبت بواسطة my name is... يا ريت احد يفيدك لاني اتمنى احول من الانتساب الى انتظام وشهادتي الثانويه لها ست سنين

انا قبل فتره كتبت في قسم الانتساب موضوع برضو اسأل فيه عن التحويل من الانتساب الى الانتظام لو كنت جايبه معدل عالي ووضحت انه شهادتي الثانوي مر عليها اكثر من 3 سنوات...
طبعا رد على سؤالي مشرف الكليات الجامعيه الاخ يلدرم وقال انه هنا في المنتدى احدى الاخوات حصلت لها قصه هي انها جابت معدل 5 من 5 وطبعا هيا شهادتها الثانوي مر عليها اكثر من 3 سنوات راجعت عميدة شطر الطالبات وحولوها انتظام بالرغم انو شهادتها مر عليها حدود 5 سنوات بس صراحه مالهم عذر انهم مايحولونها انتظام لانها ماشالله عبقريه...
انا بالنسبه لاستفساري سواء التعليم عن بعد او الانتساب هو هل لازم اجيب معدل 5 عشان يحولوني انتظام مستحيييييييل لانه حصل ليا ظروف افقدتني جزء من ذاكرتي القويه يعني ممكن باذن الله اجيب معدل عالي بس اكيـــــــد مو 5
اتمنى احد يوضح المسأله هذي لانها مسويه ليا توتر

[Jeddah_one]

المشاركة الأصلية كتبت بواسطة انا بس ايوا صح انتا تقول كذا لانك عايش في جده وممكن مرتاح ماديا شي طبيعي انو حيكون التعليم عن بعد مريحك ليه كل العالم مرتاحه ماديا وعايشين في جده زيك !!! اللي يده في المويه مو زي اللي يده في النار..

اعوذبالله ولا بالغلط كلمة ماشاء الله لاقوة الابالله !!

اللهم اكفنيهم بماشئت !!

[Jeddah_one]

المشاركة الأصلية كتبت بواسطة انا بس نسيت اسألك ايش هيا الـ990 هذي !!!!

رقم المباحث حتى تبلغي عن المطلوبين لو شفتيهم !!

قل اعوذ برب الفلق !!

[انا بس]

المشاركة الأصلية كتبت بواسطة jeddah_one رقم المباحث حتى تبلغي عن المطلوبين لو شفتيهم !! قل اعوذ برب الفلق !!

ماراح استغرب سبحان الله شعب سطحي وتفكير محدود وابدا الجد ماله مكان بحياتكم استهتار وتنكيت وهزل عشان كذا السعوديه ماراح ابدا تتقدم!!!
اتمنى الجديه ..
والله احسن لو انك ماعلقت ع الموضوع ابدا بالنسبه لحالتك اتوقع السكوت كان حيكون ابلغ!!!
وبعدين بالنسبه لكلامي انك ممكن تكون مقتدر ماديا وعايش في جده فهذا ضرب مثال لا اكثر شي طبيعي اغلب السعوديين حالتهم وسط يعني اعلى منك والحمدلله حالتي الماديه متاكده انها افضل من حالتك يالمليونير!!!
انا فقط كنت حابه اتكلم عن جميع شرائح المجتمع مو بس انا اتمنى وصلت المعلومه!!!
اه نسيت اقلك انا عايشه في جده...