مسلسل الرعب انتهى درجات الثقافه والعرب بتنزل يوم..في الساعه..الحمدلله اخيرا جاء الفرج

[شنبو]

السلام عليكم ورحمة الله وبركاته

طبعا انتم قلقانين زيي والحين جا الخميس مانزلت الدرجات مثل ماوعدتكم ووعدوني لكن ابشركم
الاوراق وصلت امس الاربعاء لكلية الاداب ويوم السبت بيصححونها والأحد بيرسلونها لعمادة القبول والتسجيل عشان ترصد الدرجات وتنزل يوم الأثنين وهذا كلام الدكتور محمد الجحدلي من شوي وإليكم نص المكالمة التي جرت معه قبل دقائق من كتابة هذا الموضوع

شنبو يتصل
الدكتور السلام عليكم
شنبو وعليكم السلام يادكتور
الدكتور الأوراق ترا وصلت((لحضوا ترا ماسألته لكن عرفني من كثر ما انا ناشب له))
شنبو يادكتور انت وعدتني يوم الخميس وللأسف ما جا شي
الدكتور ايوه الأوراق وصلت يوم الربوع
شنبو المشكله يادكتور انا وعدت الطلاب انها الخميس والحين نفسياتنا سيئه فأتمنى انها فعلا الأن تنزل الأثنين
الدكتور انا عارفك انت بذات ومسجل اسمك لا تطمن الدرجات كلها بتنزل يوم الأثنين احنا بنصححها يوم السبت ويوم الأحد بنرسل السي دي لعمادة القبول وهم ينزلوها الاثنين
شنبو بس اتمنى يادكتور انكم تزيدوننا درجات على الأقل عشان نفسيات الطلاب الي راحت فيها
الدكتور ههههههههههههههههههههههههههههههههههه خلاص
شنبو يعطيك العافيه يادكتور في امان الله
يعني بالكثير العصر يوم الاثنين نازله إن شاء الله ترا هذا كلامهم
الأن حسيت فعلا الموضوع على وشك انه ينتهي من جد

حبيت اخليكم في الصورة اول بأول

[ابو غدي1]

انت ماقصرت والله يكون في عونا ننتظر الي الاثنين
نخليها نومه واحده ههههههههههههههه ودنا نفرفش

[al3nabi]

بيض الله وجهك وما قصرت وربنا يخارجنا بخير من هذا التخبط اللي صاير

[مغيرة]

...
جزاكـ الله خير شنب
والله يكثر من أمثالك ... مالها إلا رجالها

[شنبو]

ابوغدي نم نم وارتح : )

العنابي وجهك ابيض

مغيره تسلم يالغالي

[ابو نهاد820]

الله يسهلها ياشنبو
وجزاك الله كل خير

[علاء ksa]

وصلت الاربعاء ..والسبت يصححوها .. والاحد يرسلوها .. والاثنين يستونها .. والثلاثاء اجتماع .. والاربعاء

معزومين عند الساعاتي .. والخميس والجمعة اجازة .. الخ ...<< صراحة هذه هي كلية رابغ

شعار الكلية من الترم الجاي لازم يكون >>( نأسف لخدمتكم .. ونعمل لازعاجكم ) <<

[tariq_101]

نفسي أصدقه أنه أستلمها يوم الأربعاء .. مع أنها من يوم الثلاثاء عنده .. وياليته أستلمها من بدري بدون شروط

وبعد هذا الوقت كله ومحاولته فرض شروطه على كلية الأعمال أستلمها بدون شرط .. طيب من بدري أستلمها .يعني لازم

المسؤلين في جده يتدخلون . وفي الأخير الطلاب هم الضحيه

وأنت أخ شنبو عز الله ماقصرت وكفيت وفيت ومو مستغربه على طلاب الكليه ..

[افرض تراجعت]

يعطيك العافيه

[toolate]

قصة مؤثره لاوراقنا