انضميت لكم ولله الحمد وودي تشرفوني هون

[Dr~NanoOok]

وعليكم السلام

اهلين عزيزتي ^_^

معليش.. سمعنا وحنسمع الكلام دا مررررره كتير
وأغلبهم للأسف ناس ما يحبوا الخير لغيرهم.. وما يبغوهم يدخلوا دا المجال الرائع
إما لأنهم مو قادرين يدخلوه !
أو لأنهم عايشين فيه وما يبغوا الناس تصير بمكانتهم !

الله أعلم.. ولكن فعلا شي مؤسف :(


لكن تأكدي اللي حريص على مصلحتك.. وفي نيته أنه فعلا يفيدك وينصحك
حيقولك دا الكلام..

حيشرحلك ايش هي المصاعب ويفصلك هي.. مو بس "مصاعب" بشكل عام ولا عارفين بالضبط ايش هو
لأنه أكيد الطب مو سهل .. ومو الكل يقدر يستحمل الضغط والحفظ والعملي وكل شي والمسؤولية اللي حتكون عليه
محتاجة ناس مجتهدين.. مهمتمين فعلا.. مقدرّين للموضع اللي ربنا حطهم فيه.. والأمانة اللي بيدهم

وكل لما نتقدم في السنوات.. حتزيد المسؤوليات وكمية الدراسة بالتدريج
يعني اللي حاسس نفسه بيلعب أول كم سنة.. ابدا ما حينفعه دا الشي بعدين

باختصار.. أدي أمانتك على أكمل وجه "وهي دراستك" وباذن الله كل شي حيتسهل لأبعد الحدود =)

~

هل فعلاا هنالك ايضاا اتراام صيفيه نااخذهاا او دورات تدريبيه ملزمين بحضووورها

اترام صيفية مافي بالكليات الصحية
لكن ممكن تاخدي فيها المواد العامة.. والهدف منها التقليل من المواد خلال السنة الدراسية
أو للبنات المحولين من قسم لآخر.. اذا ما اخذت المادة هذه في تخصصها السابق

~

هل في دراستنا نعامل الطلااب كثيرر او تكون هناك كلااسات لنا مع بعض

البنات والأولاد منفصلين تماما في الكلاسات والمباني
حتى في العيادات.. الأولاد عياداتهم في الدور الأرضي.. والبنات بالدور الأول

لكن لأن الأسئلة موحدة للاتنين.. و دايما الأسئلة تجي من عند الأولاد.. ولاختلاف بعض الدكاترة اللي بيدرسوا هنا وهنا

فنحتاج تواصل مع بعض.. في موضوع الشيتات و الأشياء اللي ركزوا عليها الدكاترة الرجال وزي كده
ودا كله بيحصل عن طريق منتدى خاص بينا.. عملناه بنفسنا

انا لم اتمكن من الالتحاق بالدورة هل هي ضرورية جدا لنا مع العلم اني اخذت السي دي اللي وزعوه بالدورة

ان شاء الله يكون الـ cd كافي
لكن لازم تعرفي طريقة التعلم الصحيحة للمصطلحات.. ومواضيع كتير بالمنتدى حتفيدك

ما هو اللبس اللي احنا مكلفين بلبسه ادرري بتقولوا سكرب بس يعني نلبسه لحاااله ولا مع الاب كوت

كل التفاصيل ذكرتها هنا بالموضوع.. وأي استفسار تاني اتفضلي وشاركينها هو

http://www.skaau.com/vb/showthread.php?t=98784

ماهي المهااراات اليدوووية اللي نحتاجها بالكليه لاني فاشله في الرسم

صراحة هو يحتاج مهارة وخفة يد في العمل
لكن السنوات الأولى والمعامل اللي فيها جدا تساعد على صقل المهارات اليدوية

وعموما لو حابة تقوي نفسك من هذه الناحية
حاولي تعملي الأعمال اليدوية الدقيقة .. زي النحت على الأشياء.. وأسهل شي ابدأي بالصلصال
أو ابرة الكوروشيه أو التريكو << على فكرة مرررررررررره تساعد في التدريب
وأي شي تحبيه =)


~

وياريت تمري وتقري المواضيع الموجودة في القسم
وفيها الاجابات اللي تحتاجيها باذن الله =)


~

وماشالله طلعتولي اسمين دلع الين دحين "^^

نووون & نانوو هههههههههههه
حلوين برضو

وشكرا ليك يا د.مزووووجي
=p
<< ايش معنى أنا اللي يطلعولي دلع بس

[حالمة بالطب]

مشكوووورة دكتورة نااانو ياعسل
بس ما جاوبتي على سؤالي 6 مواد بالترم الواحد بدون المواد العامه ولاا معاها
لااان مزاج ماقصر رد بس اخاف العياال غير عنا
انتظرر ردك

[Dr~NanoOok]

المشاركة الأصلية كتبت بواسطة حالمة بالطب مشكوووورة دكتورة نااانو ياعسل بس ما جاوبتي على سؤالي 6 مواد بالترم الواحد بدون المواد العامه ولاا معاها لااان مزاج ماقصر رد بس اخاف العياال غير عنا انتظرر ردك

عزيزتي اتفضلي اقري الموضوع هذا .. وحتلاقي اللي تبغيه

http://www.skaau.com/vb/showthread.php?t=94958

,

وزي ما قلتلك.. اعملي جولة في مواضيع القسم
وحتلاقي فيها إن شاء الله كل اللي تحتاجيه
=)