اتسكنت بالكليه وابغى احول منها ..((موضوع مخالف تم تعديله))

[BoshBosh]

سلام... كيفكم...؟

انا حطوني اقتصاد منزلي وسجلولي مادتين علم نفس عام وثقافه اسلاميه وانا ابغى احول للاقتصاد والاداره وابغى اعرف اش المواد العامه والمواد الحره؟
وعادي بس ادرس مواد عامه مو لازم ادرس مواد تخصص؟
تكفون ساعدوني ....

[N O R E T A]

يعني تبي تحولي الترم التاني ؟؟

لا عادي تقدري بس تنزلي مواد عامه

علم النفس و صحه الفرد و اسس تغذيه و اداره مشروعات خاصه

مواد عامه في كليه الاقتصاد المنزلي

لو تبي نزلي ثقافه وعربي ونزلي مادتين من اللي حطيتهم لكي وبعدها لما تنقلي للتخصص الجديد
يعادلولك هيا مواد حره

[Twix~}..]

ايوا عادي تدرسي مواد عامه وحره وتحاولي بعدين ..

ادرسي عربي وثقافه ومادتين حرهـ .. وارفعي معدلك وحولي ..

[الفراشة المتألقة]

لو ناوية تحويل لكلية تانية الأفضل إنك تدرسي مواد عامة متطلب جامعة لأنك فين ما كنتِ حتاخديها .
أنا كنت آداب وحولت وعملت زي كدا :)

ثقافة ، عربي ، إنجليزي ، مهارات إتصال ، حاسب وإنترنت ( هادي مواد عامة متطلب جامعة )

أحذفي علم النفس العام لأنها مادة عامة متطلب لكلية الإقتصاد المنزلي فقط ، وخذي بدل منها عربي مستوى أول ، وإنجليزي مستوى أول وثقافة مستوى أول ، ومهارات إتصال وحاسب وإنترنت.

وخلي بالك ع الأوديوس لأنه التحويل يكون في بداية السنة ، لو حابة أسألي الشؤون التعليمية في الكلية عن الموعد بالضبط عشان ما يروح عليكِ .

بالتوفيق :)

[BoshBosh]

مشكورين لكل اللي ردو علي بصراحه سهلتو علي
بس اش المواد الحره اللي تنحسب لي في الاقتصاد والاداره لانو ابغى اتخصص محاسبه ان شاءالله؟؟
وبالتوفيق للجميع...