المنهج في اللغة الانجليزية قديم جدا

[أسير الحبايب]

في جامعة تبوك قابلت دكتور باللغة الانجليزية بريطاني اسمه د/ عبد الحق .. غير اسمه الى العربية بعد ان دخل الاسلام ..وتناقشت انا هو بالمنهج الي ادرسة وخطتي الدارسية بجامعة الملك عبد العزيز قالي المنهج الي تدرسة في جامعة الملك عبد العزيز قديم جدا (very old)... ،واصبح التركيز في تعلم اللغة الانجليزية على المحادثة والاستماع .. والي لاحظته ان في مادة اسمها شكسبير ولما سالت د- عبد الحق عنها قالي ان شكسيبر نفسه قديم جدا وحتى اللغه الي في مسرحياته لا احد يتكلمها الان حتى البريطانيين انفسهم .. فانا لا اعلم لماذا نتعلم لغه قديمة وتكون مقررة علينا في الخطة .. ولماذ لا يكون هناك تغيير في الخطة الدارسية والغاء المواد القديمة مثل شكسبير والنقد الادبي لاننا لانحتاجها في دراستنا للغة .. الجدير بالذكر ان اغلب الدكاترة في اللغه الانجليزية بجامعه تبوك من البريطانيين .. وقد حاولت ان انتقل لجامعة تبوك لكن انتقالي لها يأخرني سنه كاملة وذلك لانها جامعه جديدة اول سنه دراسية لهم . يعني بختصار شديد متدبسين بجامعة الملك عبد العزيز ورايحين فيها وشكلنا راح نتخرج نتكلم مثل شكسبير to be our not to تكون او لا تكون هذا هو السؤال ؟؟ لايهم الي يهم اننا لازم نتكاتف ونشوف حل ونحاول نغير في الخطة الداراسية وناحول ايضا نحذف اللغة الفرنسية .

شيء اخر .. في اختبار lane 213 كان الوقت للاختبار 90 دقيقة فقط والاسئلة اكثر من ثمان صفحات على الجهتين .. وغير الترقيم في طريقة الاسئلة ترقيم بنغالي او هندي المهم الترقيم مو لا بالعربي ولا بالانجليزي .. وايضا الازعاج من الدكاترة انفسهم المفروض نختبر بكل هدوء ..صراحة انا تلخبط بالاختبار وخبصت تخبيص على كيفكم مع اني مذاكر المادة لكن لضيق الوقت تخيلو سحبو الورقة مني وانا لسا ماكملت السؤال الاخير التعبير there is no time .. الله لايوفقهم .

[حنين الود]

بالنسبه للمناهج لانحتاج أي أحد عشان يعلمنا انها فاشله واضحه وضوح الشمس والغرض منها مو تعليمك اللغه الانجليزيه وكيفيه التحدث بها وانما دراسه الأدب الأنجليزي وهذي النقطه احتجت سنتين عشان افهمها
يعني الي بيدرسوا الأدب العربي بيتكلموا نفس كلامنا؟ لأ طبعا بالنسبه لتعليم اللغة عشان نتقنها بحياتنا اعتقد يبغالنا نخترع جامعة تانيه تعلمنا .. لأن التعليم المتوفر الوحيد لدينا لإكتساب لغة انجليزيه جيده هو انك تتعلم بنفسك .. الإ لو كنت مستعد لصرف الي وراك وقدامك في معاهد كمان زي الزفت .. بس التقصير والمناهج معدومه في أغلب جامعات المملكه العربيه السعوديه هذا اذا ماكان في كل الجامعات لاتخصصات ولا مناهج ولاإخلاص في العمل من قبل الطاقم التعليمي ولا من ضمن الطلاب والطالبات < من دون تعميم طبعا .. بنفس الوقت انا ماسمت عن جامعه تبوك أنا سمعت انه في جامعه اسمها جامعه الحدود الشماليه كانت تابعه لجامعه الملك عبدالعزيزقبل مايفصلوهم << سؤال عرضي ايش جاب لجاب وحده في الشرق والتانيه في الغرب بس يله حطوها عشان يقولوا عندنا جامعه وللأسف الشباب الي اتخرجوا منها(اقصد جامعه الحدود الشماليه على ماأعتقد كدا إسمها ) أول من رفضهم لإكمال تعليمهم جامعه الملك عبدالعزيز .. << المصادر من خالي مادري لو كان مو متأكد
بالنسبه للغه الفرنسيه جدا رائعه وكل البنات والشباب بياخدوها ويرفعوا فيها المعدلات لاها سهله وعباره عن حفظ ارقام وادوات التأنيث والتذكير وشويه أسماء ؟؟ مادري بتحذف الماده قبل لاتعرف عنها حاجه؟؟ إطلع على منهجها قبل ماتحكم على الماده وعلى حسب ماسمعنا من المنتدى بعض أساتذه الماده بيساعدوا الطلاب

[*غند*]

اخخخخ يالقهر كلوا كوم وفقرات ناقشي كووم اخخخ تقهرني

احنا انتساااب يعني نتناقش مع انفسنا

ولا حاجه اخس والعن لما يبغوا كلمه وتعريفها ما يجبوها جاهزه لا انت حل انت طلع اجل ايش فايدة الكتاب

ليش مخترعييينه

المنهج اصلا رافع ضغطيييييييييييييي على الاخير ناكل الكتاب اكل واخرتها رسوووووووووب ليش المعلومات اللي فيه

غيييييييييييييييييييييير كافيه اصلا اشبه في ملعومات عدله اغلبها لزيادة صفحااات الكتاب

ولا اخرتها لا تحديد ولا شيء ذاكروا من الجلده للجلده طييييييييييييييب نبغى مناهج انتساب عدله نقدر عليها وحدنا

نبغى ملعومات جاهزه عشان نحفظ على طول مو نتعب بامووور تافهه ويروح المهم



بالنسبه للفرنسي حلو ولي يفهموا اضمنله الدرجات وحفظه بس الكتاااب سيئ شرحه عدم بمعنى الكلمه

[Brilliant Shores]

كفيتي ووفيتي يا حنووو ،،، بس بجد استغرب من الطلبة اللي بيحذفو الفرنسي ترى المنهج جدا راااائع وبالعكس يرفع


المعدل وراح تستمتع فيه إن شاء الله بس حسب الاستاذ واتمنى اننا ما نحكم على الشي قبل ما نعرفه تمام المعرفة

[أسير الحبايب]

حنين الورد شكرا على مرورك وعلى اهتمامك بما كتبت ..
صراحه فعلا فاشلة .. وانا أحس اني مرتبط بخطه دراسية غبية .. طيب اذا كان الغرض من الدراسة دراسة الادب لماذ لاندرس أدب حديث يكون سهل ومفهوم .. مثل الادب الامريكي مثلا فاللهجه الامريكية سهلة جدا وواضحه .. ومع هذا كله نحن لسنا ادباء لكي ندرس الادب كل الذي نريدة تعلم اللغه بطريقة سهله وواضحه .. لأن الي ندرسة في جامعة الملك عبد العزيز يعتبر مخالف للواقع ومخالف لتوقعتنا من الدراسة .. يمكن الافضل اننا نعتمد على انفسنا اكثر من اعتمادنا على منهج الجامعة ... ....
........ بالنسبه لجامعة تبوك افتتحت 1427 واول سنه دراسية السنه هذي لسا جديدة الجامعة .

[أسير الحبايب]

الفرنسي انا خايف منه مره حذفته الترم الي راح ونزلت ادارة عامة لاني كنت خايف ارسب فيه ... إن شاء الله بنزله الترم الجاي ويارب اقدر اجيب فيه درجات حلوة .

[reemy]

هاي والله أنكم صادقين ..............و الله العظيم تعبنا ولكن مامعنا غير الصبر إيش التخلف هذا الله يسامحهم بس الحمد لله إني أنتظام الظاهر أن الأنتساب شافوا العمايل ......................
الحمد لله الذي لايحمد على مكروة سواه

[Ignor]

والله جامعه خايسه وتعليم فااااااااااااااااشل

[صبوحة]

ياجماعة الإحباط شي مو حلو مايقدم الواحد خطوه لاكن يرجعة مليون خطوة

كل اللي أنقال كلام صحيح لكن

إللي ابغى أوصلة لكم انه( لو اخذنا قرار خطأ من البداية وما يمدينا نصلحة الآن كحل بديل

نجتهد ونسوي اللي علينا مع عدم الأحباط ونحاول نطور أنفسنا بكل الطرق)

ولكل مجتهد نصيب وربنا ما يضيع تعب أحد

مجرد رأي لكم حرية تقبلة او لا

وبالتوفيق لجميع الطلاب والطالبات ياااااااااااااااااااااااااااااااارب

[صبوحة]

ترى أنا تعبانة ومقهورة زيكم بس أحاول اكون اكون انسانة إيجابية لنفسي ولغيري