التصميم الداخلي

[داليــا]

السلام عليكم ..

كيفكم يا حلوين ..


في سؤال حمووووت و اعرف له اجابه و اكون لكم شاكره لو جاوبتوني

انا طول عمري احلم ادرس هندسه معماريه :؛( لكن زي ما تعرفوا ما عندنا هاذا القسم


بس في وحده قالت لي انو قريبتها تدرس تصميم داخلي و هيا الان تقدر تسوي شغل المهندس المعماري كامل يعني قريبتها صممت بنك كامل

و انا ابغى اتأكد من هاذا الشي صح ولا لأ

التصميم الداخلي عندنا بس يختص في الديكورات الداخليه ولا الي يتخرج منو زيو زي المهندس المعماري ؟؟؟؟


و شكرا يا صبايا

[Roa'a]

هوا هندسه داخليه
احنا مالنا فيي تقسيم المباني ولا العماره الخارجيه
بس طبها ندرسها عشان لازم نكون عارفين دا الشي
انت ليست مهندسه معماريه وانما مصممه عماره داخليه يعني هندسة عماره داخليه


=)

[داليــا]

roaa
مرره شكرا يا قلبي على جوابك :)

طيب اقدر اكمل ماستر في العماره

[Roa'a]

العفووو يا ألبي
في السعوديه مافيش عماره للبنات
بس تقدري تروحي بره تكملي عماره

هذا اللي اعرفوا
^_"

[بكـآء آلـرٍـوٍح ..!]

في كمآن في قسم الجغرافيا

مسآر تخطيط عمراني اظن فيه شي من الي تبغيه انتي

تفضلي اطلعي عليه اذا حآبه .. ^_^

http://art.kau.edu.sa/content.aspx?S...www.kau.edu.sa

[بريق انثى]

تيب انا عندي استفسار لبنات قسم التصميم الداخلي

كم يقبلو معدل تقريباً ... اذا اتخصصت فين ادرس في السليمانيه ولا الفيصليه ولا السلامه ولا فين

كيف الدراسه فيه صعبه ولا سهله

اش بتدرسو بالزبط

ياريت احد يعطيني المعلومات لاني مره محتاره اش اتخصص

[ساكنه في بيتنا]

المعدل اللي يقبلوه اقل شي 3

الدراسة حتكون في الجامعه ..
دا الموضوع ان شاء الله يفيدك ..

http://www.skaau.com/vb/showthread.php?t=137310

و لو يدك تعرفي اكتر كمان هنا في مواضيع عن التصميم ..

http://www.skaau.com/vb/showthread.php?t=57509

[Roa'a]

المشاركة الأصلية كتبت بواسطة بريق انثى تيب انا عندي استفسار لبنات قسم التصميم الداخلي كم يقبلو معدل تقريباً ... اذا اتخصصت فين ادرس في السليمانيه ولا الفيصليه ولا السلامه ولا فين كيف الدراسه فيه صعبه ولا سهله اش بتدرسو بالزبط ياريت احد يعطيني المعلومات لاني مره محتاره اش اتخصص

المعدل فوق ال3
بس القبول على الاختبار اول وبعدين اعلى المعدلات من اللي اتجاوزوا االختبار

الدراسه السهل الممتنع بس الشغل فيها هوا اللي مرررررره كتير

كتير لدرجة تحسي بالضغط وتبغي تنفجري

اما ايش ندرس فكل شي يتعلق بالعماره الداخليه


=)

[δαѓαђ]

أنا عندي سوال إيش ممكن نشتغل لو دخت تصميم داخلي ؟
..