المحاسبة شغلة رجال ؟

[همس البنفسجْ]

السلام عليكم

فتحت الموضوع عشان ابا آراء المحاسبيين والمحاسبات

احيانا احس انو المحاسبة بنوك واموال وديون وشركات

فأحتار هل فعلا يناسبني كبنت ؟

ابا آراءكم يابنات اش حسيتو فيه بعد ما اتخصصتوا ؟

ويا أولاد اش رايكم ببنت محاسبية ؟

بانتظار تفاعلكم

[RoOoby]

وإذا يعني بنوك وديون وأموال ؟! ايش دخل مافهمت

لو انها شغلة مصنع ولا شغله بالصحرا ولا عمل شاق كان ممكن قلنا ماينفع

لكن المحاسبة !! صراحة غريب سؤالك

[~.. وتحطم الحلم ..~]

صح ايشبها المحاسبة للبنات !!
احسها عادي وبالعكس تخصص مره حلو
واذا كانت الشغلة مافيها اختلاط مافيه شي ليه ماينفع للبنات

بالتوفيق ياارب =)

[همس البنفسجْ]

لانو انا من يوم مادخلت الجامعة كنت اقول حأدخل محاسبة ،،

بعدين امس وحدة من صحباتي ،، كنا برى وكذا ،، قالت لي احس اني رجال ومحاسبة وشيء

بعدها سألت نفسي دا السؤال وسألتكم

سامحوني

[صاروخ]

حبيبتي مافي شي يخليك تقولي سامحوني
هذا الهدف من المنتدى تسألي اي سؤال
محتارة فيه والبنوتات يجاوبوك
وراح تلقي اجوبة تعجبك واجوبة لا
بالنسبة لي مررررررررررة قسم المحاسبة
ممتع وحلو الحمدالله ويناسب البنات احس مافي اي مانع
يمنع البنت تستمر في هالقسم دام حابته


بس من جد انا استغربت من سؤالك حق شغلة رجال (كيف يعني ) والثاني مع أنو مايخصني <<ملقوفة
رأي الأولاد ببنت محاسبية؟!!!!!
ممكن تفهميني سؤالك

[cra$y man]

ههههههههه الله يرجك فطستيني ضحك

المحآسـبة مستقبلهآ للبنآت مرررة حلو خاصة البنات اللي مايبغو اختلاط في الوظيفة

يعني عندك بنووك قسم النسائي يبغوو محاسبة بالهبل
عندك كمان الشركآت الكبيرة

وانا اعرف بنت خلصت المحاسبة بمعدل حلو وتوظفت في شركة بدون اختلاط اول راتب لهآ 9000 الصلاة ع النبي...

فانتي شـدي حيلك وارفعي الهمه شوي .. والله بيوفقك ان شاء الله

& بالتــوفيق &

[لورا]

ههههههههههههه ايش قصدك بالزبط ؟
يعني قصدك انو
عشان الشغل لازم يكون مختلط ؟؟
او لانو المحاسبه كلها تتعلق بالاقتصاد والسياسيه ؟؟
وكثير البنات مايميلو لهذه الامور عادتا الرجال بدون دراسه يفهمو فيها احسن مننا ؟
شوفي ياحلوة وانا قبل ماادخل الجامعه ماكنت افهم في شيء اسمو اقتصاد وسياسه وماتهمني هذي الامور ابدا
بس لمن درست فهمت ومشيت وعادي يعني ماتفرق ومو صعبه وماتخص بجنس معين
بس اذا انك ماحبيتي التخصص ومو مقتنعه فيه لاتدخليـــــــــه

[همس البنفسجْ]

يالله يابناات بجد أحرجتوني بردودكم

الحين سرت أضحك ع نفسي

لو أدري انو السؤال كذا

ماكنت سألت خخخخخ

ع العمو شوووكرن لردودكم اللي تحمس ع المحاسبة

وبإذن الله داخلتهاا ،، وأسير وحدة منكم وفيكم

الترم الجاي ان شاء الله