أسناآأن لأ !!

[Dr.MEMOo]

المشاركة الأصلية كتبت بواسطة Dr~NanoOok اهلين عزيزتي ميمو ^_^ تصدقي.. انك زيي وتشابهيني في نقاط كثير فأنا حلم حياتي كان الطب البشري.. و الجراحة بشكل خاص.. مرررره كنت أحب اتفرج على العلميات في التلفزيون..وبكل مكان ابحث عنها وكان عندي كتب للأطفال عن جسم الانسان و عن الأعضاء الداخلية و تشريحها و كتب مبسطة عن الجراحة أهدتني هيا عمتي وعمتي جرّاحة وتحب تحكيني عن شغلها وعملياتها وكنت أقعد عندها واسمعها بذهول واستمتاع كبيييييييييير والعاب تُحاكي الجراحة والعمليات باختصار.. كنت مهووسة بدا المجال.. وبحبه من قلب ’ و زي ما ذكرت قبل كده اني أول لما دخلت الجامعة ربي ما قدّرلي أدخل الطب البشري.. ودخلت علوم طبية تطببقية بعدين طلبت التحويل إلى الطب البشري برضو كرغبة أولى.. وطب الأسنان كرغبة ثانية لكن سبحان الله.. ربي اختارلي طب الأسنان بالرغم انها رغبتي الثانية.. وغالبا طب اللأسنان ما تقبل أي أحد يحطها كرغبة تانية حتى لو معدله يحقله دخولها ! وسبحان الله فعلا.. كل دا صار وحتى بدون أي واسطة.. و واسطتي كانت ربنا العليّ العظيم وفعلا أنا اعتبر حكاية دخولي لطب الأسنان "القسم اللي ابدا ما اتوقعت نفسي فيه" اعتبرها كمعجزة ! وأكثر لما صرت أحبه بالشكل دا وتعلقي الكبير بيه << حتى صحباتي بالأسنان.. لما عرفوا اني ابدا ما كنت حاطه ببالي اني ادخل أسنان وكده مررررررره استغربوا ! وقالوا مو معقول ! ابدا ما نشوفك في غير الأسنان ! سبحاااان الله.. شوفتي كيف مع اني بالبداية كنت معترضة.. ومو حابة القسم ومدري ايش لكن ليقين في نفسي.. بأن ربي اختارلي الخير.. وعمل كل شي لي وسهّلي الأسنان كله لحكمة من عنده لا يعملها إلا هو.. وشوية شوية.. ربي يبيّنلي حكمته.. وسبب وضعي بهذا المكان والتخصص والله.. كل لما يحكوني صديقاتي في الطب البشري عن حياتهم وعن دراستهم في نفسي أقول.. الحمدلله اللي ما خلاني معاهم << امكن هذا شعور خاص فيا.. لكني بداخلي ما ارتحت لوضعهم ولا لدراستهم لكن بالأسنان.. كـ نظام دراسة.. وكمواد.. وطبيعة عمل وكل شي حسيتها مناسبة لي جدا.. أنا أحب الفني بشكل كبيييير.. والأشغال اليدوية و الرسم من أكتر اهتماماتي زمان << ومازال ^^ وما تتصوري قد ايش فادني دا الشي في الأسنان بسنة ثانية وأول لما اشتغلنا على الشمع.. والنحت عليها وكده ما واجهت فيها صعوبة كتير.. وفي معمل الفانتوم بسنة ثالثة والحفر على الأسنان واللي فيه الكثير من الدقة وحركة اليد غير اني بحب آخد من كل شي.. وأعرف عن كل شي وان بشكل مبسط وهذا الشي لقيته في الأسنان .. طيب حتسأليني كيف ؟ لأننا باختصار بندرس مواد بشري + مواد أسنان و أخدت التشريح ودرسته ومسكت جثث وشرحتها اخدت فسيولوجي ودرست وظائف جسم الانسان واتعلمت كتير عن الجسم البشري بشكل شامل بالاضافة للتركيز على الجزء الخاص بالوجه والرقبة اللي هو بطب الأسنان وكل مواد البشري بسنة ثانية أنا درستها زيهم و بسنة ثالثة اخدت مادة الباثولوجي ودرست كل أمراض الجسم.. كل سيستم بكل مافيه وكمان أخدت اورال باثولوجي.. الخاصة بأمراض الفم واتعمقت فيها حتى بمعمل الفسيولوجي بسنة ثانية.. اتعلمت كيف أقيس الضغط واسمع نبضات القلب بالسماعة و سحب الدم وتحليل فصيلة الدم.. وطريقة عمل و وضع جهاز تخطيط القلب وبعد دا كله .. هل عشت الطب البشري و الحاجات اللي كان نفسي فيها ؟ ولسه السنة الجاية .. في رابع.. حناخد جراحة عامة وحدرسه بالتفصيل.. بالاضافة لمادة الباطنة medicine و بكده أظني كمّلت لستة الحاجات اللي كنت أبغى أعيشها "^^ ولسه حعيش حلم أسناني جديد اتكون.. وهو وجود عيادة خاصة بيا.. و بالمرضى الخاصين بيا وتحت اسمي وبيدي هادي.. أقدر أساعد وأخفف آلام ناس كتير والله مافي أحلى من كده شعووور ^^ ويارب اجعل نيتنا خالصة لك وحدك ~ أنا ما ذكرتلك قصتي وشعوري حتى أحببك أو اغصبك على القسم بس حبيت تتعرفي على الأسنان عن قرب وصدقيني مهما سمعتي كلام ناس.. وحاولوا يقنعوكِ بالتخصص ومدري ايش أهم شي انتِ وقناعتك من جوا وسبحان الله .. ربي اخترالك دخول الأسنان لحكمة امكن حتكملي فيه.. وامكن يكتبلك التحويل لتخصص تاني وكان يبغاكِ تتعلمي شي من دخولك الأسنان ففي كلا الأحوال انتِ الربحانه بما أنه ربي اخترالك.. سواءً هنا او في الطب البشري وربي يسهّل ويوفق الجميع آمين ^_^

ليا آلشرف والله ..
قريت حكايتك أول في ردك لوحدة من العضوات بس كوونت أبغا أقتنع أكثر
مننجججد ربي مقدرلك سووووووبحااان آلله
أنا ما بدألي دآ الهوس غير من سنتين بس حبيييته منجد ..

.. أنا شايفه كيف دراستهم صعبببه وتععب وما يطلعو من الغرف بس كانو يحبووو دراستهم ويحمسووني كمان شوفت ناس آتخرجو عشان كذا كونت مصرررة
وما أعرف بنات أسنان من قريب إمكن عشان كدا ماتحمسست

.. آستغربت إنو دا يفيد أنا مرررررا أحب الفن والرسم كووونت رسآمه فيما مضى
كووووووويس يعني بدرس وأجرب كوول شي أبغاه

.. بالعكس وآلله كووونت محتاااااآاااآجه أحد عاش نفس التجربه
أعرف بس أنا أبغا أحد يقنعني سواء كدا ولا كدا ومنننننننننجد ما قصرتي مااااااتعرفي قد ايش أثر فيا كلامك كونت عارفه إنك مارح تقصصصري

.. عشان كدا أنا مو متأكدة من قراري لأني استخرت وحطيت طب الأسنان معينهم قالولي إنتي ما تحبيه بس كونت أقول لو في خير حيطلع وعشان ماما طول الوقت حطي أسنان, يا بنتي أسنان ومنجد طلع ..
آلحمدلله أكييييييييييد ربي ما بيكتب لأحد إلا الخيييييييير
أنا تقريبا آقتنعت أشياااآآاااإاااء كتيييير قولتيها ما كونت أعرفها وحستخير آليوم وخلأص بقفل الموضوع لأني منجد تعبت من آلتفكييير وإللي في آلخير حيتيسرر

Dr~NanoOok آلله يعطيكي آلعاآآآاااإاآاأفية ويوووفقك ويفتتتح عليكي ماااعرف وآلله كييف أشكرك
لكن جزآكي آلله خيييييييييير يا أكوووس دكتووورة وسوووووري تعبتتتتتتتك..
وإن شاء آلله أشووفك لو كملت أسنآن