استفسار من جامعة الطايف

[صيدلي الطايف]

السلام عليكم ورحمة الله وبركاته
انا أحد زملائكم من جامعة الطايف
حبيت أستفسر منكم بما أن الكلية خرجت طلاب في تخصص الفارما دي
هل عملوا في المستشفى نفس التخصص الذي ندرسه ام كان عملهم في الصيدلية
وكم كان الراتب اذا كان لديكم خبر
وشكرا جزيلا

[super mo6awa3]

حايا في السعودية غير مطبق بنسبة 100% لكنه مطبق في المستشفياات الراقية بلا شك .. يعني انت أول ما تتخرج بتشتغل سنتين فقط في الصيدلية على رتبة صيدلي أول من باب انك تقوي الفارما كولوجي تبعك وبعد كذا تترقى إلى أخصائي صيدلي إكلينيكي وبعدها بثلاث سنوات تترقى إلى استشاري صيدلي إكلينيكي .. بالنسبة للراتب في المستشفيات اللي تبع وزارة الصحة واللي تعتبر أقل رواتب أول راتب للصيدلي اللي على رتبة صيدلي أول 11000 هذا أقل شي ممكن .. وبعد مااتترقى إلى أخصائي صيدلي إكلينيكي ممكن يوصل 15 أو 16
هذا حسب تصنيف وزارة الصحة
لكن في المستشفيات المحترمة زي مستشفى التخصصي ومستشفى الحرس والعسكري ذول بعد ما تترقى إلى صيدلي إكلينيكي يعطونك رواتب فوووووووووووووووق .. جاء عندنا مرة الدكتور عبدالرحمن الهدل وهو عضو في هيئة التخصصات الصحية بالمملكة .. وقاعد يحثنا ويرغبنا في الصيدلة لأن بعضنا كان ناوي يحولنا طب .. وقال انه يعرف بنفسه صيادلة إكلينيكيين في مستشفى الملك فيصل التخصصي بعد ما ترقوا لرتبة أخصائي صيدلي إكلينيكي صارو يا خذون حوالي 24 ألف ريال .. وهذا الكلام أنا سامعه بنفسي وواثق من صحته لأن اللي قال الكلام هذا واحد من هيئة التخصصات الصحية اللي هيا الجهة الرسمية المخولة بشؤون الوظائف الصحية في المملكة .. لكن برضه إلى الآن للأسف الناس ماهم عارفين شي اسمه صيدلي إكلينيكي ولاهم مقدرين قيمة الصيادلة في المجتمع هذا غير انه في المستشفى ما يعطى صلاحياته كاملة يجي الدكتور يفرض كلمته عليك ويقولك أنا دكتور وأنا وأنا بس برضه في مستشفيات حازمة في هذا الموضوع ومعطية للصادلة حقهم الكامل زي في مستشى الملك فيصل التخصصي بجدة

أتمنى أكون أفدتك

[PEPO]

والله الرواتب تغري انا كنت على بالي نبدا بخمسه الاف وكنت مبسوووطه عليها هههههههه
بس إن شاء الله نتخرج بسرعه ونزبط لسه دوبنا اول سمستر ندرس وإن شاء الله تمام *_*

[super mo6awa3]

لالا بالعكس .. تقريبا رواتب وزارة الصحة هي أقل رواتب (بغض النظر عن بعض المستشفيات الخاصة التي دون مستوى الطموح) .. يعني إن شاء الله مو أقل من 11000 على أقل تقدير .. هذا طبعا عشان احنا صيدلة إكلينيكية .. أما الصيدلة العادية البكالوريوس فياخذوا أقل أتوقع 9000

[PEPO]

طيب سؤال انا دحين ادرس سنه تانيه صيدله ويقولو برنامجنا فارم دي يعنى لو اتوضفت كم حاخد إن شاء الله *_*
وهل اللى انا ادرسو ده صيدله اكلينيكيه ولا لا؟

[super mo6awa3]

إيوه اللي تدرسيه .. صيدلة إكلينيكية .. و تتخرجي بشاهدة pharm.d (دكتور صيدلي) ولما تتوظفي تنحطي على رتبة "صيدلي أول" وتاخذي أول راتب بإذن الله تعالى 11000 .. هذا لأنك فارم دي وتدرسي 6 سنوات .. أما الناس اللي في يدرسوا صيدلة عادية مو إكلينيكية يدرسوا 5 سنوات ويتخرجوا بشهادة بكالوريوس علوم صيدلية ويتعينوا على رتبة "صيدلي ثاني" (رتبة أدنى) وأول راتب لهم 9000

طبعا هذا الكلام كللللللللللله إذا اشتغلتي في مستشفى .. أما غير المستشفى فيفرق عاد لكن برضه الرواتب في ذي الحدود

[PEPO]

والله حلو ماشالله بس الدراسه صعبه مو هينه وشكرن علي المعلوماااات @_@